JOHAN 11:28 - Cho Bible Common Language 2016

²⁸ Cun kawn ah Mahta cu im ah hteit ba ne a nau Mari cu va khü ba netah, “Bawipa Lawk ci, nang ah mawng phi na ng’shik ci,” cik ci.

JOHAN 11:28 Referans Kwoze

JOHAN 13:13

“Nangmi naw kei-am, ‘Saya awi, Bawipa awi’ cine nami na khü ci. Acun ah ka kyak ci kyasei, acun ah nami na khü cu nik ci.

JOHAN 11:20

Mahta cu Bawipa Jesuh a law ng’ya netah, “va dou khai ah hteit ci, Mari cu im ah om shüt ci.

MAKUH 10:49

Bawipa Jesuh cu ng’düi netah, “Cän ah chang, khü ne law püi vä” cine pyen na gui ci. Chang gui naw a mik m’dauh-am, “Kä ng’ä ne, ng’düi law ä, Bawipa naw ning khü ci nei” ci ne kiak nak ci gui.

JOHAN 21:7

Cun kawn ah Bawipa Jesuh ah a hnu ah ang düihpüi naw, “Mik mi ah Bawipa nei” cine Peter-am m’thein ci. Peter cu cun ang yak vai-am akhtu suut ne akhei k’htün netah tui ung yung phäi ci.

JOHAN 20:16

Bawipa Jesuh naw, “Mari” cine khü khätah, Mari cu vang hlat ne, “Rabboni” cine pyein ci. (Hebrew thu Rabboni cu “Saya” ciah kyak ci.)

JOHAN 10:3

M’kawt ngäng naw htoshäm-am m’kawt hmawn pek ci. Hto gui naw, htoshäm ah k’aw ngai ci gui. Ani naw hto gui ami ming ung khü gui ne khahpüi gui ci.

JOHAN 1:45

Philip naw Nahtanelah hmu netah, “Moses naw thukhän ung a guk la, Profet gui naw ami guk ah mäih ah, Nazaret kho ah kaa Josef ah hta Jesuh cu, ni hmu pyi ci nei” cik ci.

JOHAN 1:41

Andrew naw anau Simon hmu netah, “Messiah ni hmu pyi ci nei” cik ci. (Messiah cu Chrit ah kyak ci.)

LUKA 22:11

Cun kawn ah im mah-am, “Bawipa naw, kang düihpüi gui awn atäng ah pasakha mü ei cu, a hawn ung kami ei khai ang?” cine kiak ci nei, ciah nami m’thein vai,

MAKUH 14:14

Ani ah luh nak ba ah im ah hteit tu ni netah, im-ah-am, “Bawipa naw, ‘Kei la kang düihpüi gui naw phiawn nak mü-ei ei nak vai ah kyong khui a hawi ang? cine nang ng’shi sak gui ci’ cine nani pyein vai.

MATTHE 26:18

Bawipa Jesuh naw, “Gawnu kyong ah chang vai tumat ah hteit ne nami pyein vai, Bawipa naw ‘Kei ah ka khin cu gawk lawk ciah kya sei, kang düihpüi gui awn a täng ah nang ah im ung passkha pawi kami bi hlük ci’ cine nam cäi gui ci” cine nami pyein vai cik ci.

ZEKHARIAH 3:10

Cun ah hnüüp a gawk law ung, nami im ng’phei gui nami khü vai, law u ne, yeikyai ding gei ngaih gep u sei, nami sapyit shun la thei ghing gui naw ning koi gui khai.”

HEBRU 12:12

Cun ah kyasei cüüm ciah nami kut cu m’cün u ne, gho ciah nami m’khuuk cu khüi sak vä.

1 THESSALONIAN 5:11

Acun ah kyasei tuhbäi nami bi ah mäih ah tumat la tumat k’thagui nami ng’peit tu vai, nami ng’hteihtang tu vai nei.

JOHAN 11:29

Cun ang yak vai-am Mari cu ng’düi law ne, Bawipa Jesuh ah om nak ah lawk ci.

JOHAN 11:30

Bawipa Jesuh cu pigaw kyong ah kä gawk phak ci.