JOHAN 11:25 - Cho Bible Common Language 2016

²⁵ Bawipa Jesuh naw, “Kei cu thawh nak ba la ghin nak ah ka kiak ci, kei na yum ciah chang cu, a sih ung phi ghing ba khai;

JOHAN 11:25 Referans Kwoze

1 THESSALONIAN 4:14

Bawipa Jesuh cu sih nak ungka tho ba ci, cicu mi yum ci; acun ah mäih ah Bawipa Jesuh ayum kawn ah sik ciah chang gui cu Khanpughi naw, Bawipa awn a täng ah khäm ba gui khai cicu mi yum ci.

JOHAN 3:36

A htapa yum ciah chang cu angtäi ghin nak gah ci. Kä yum ciah chang cu ghin nak kä hmuk khai. Ani ah khan ah Khanpughi ah m’lung she nak om khai.

JOHAN 1:4

Ani ah kä tüisho a i phi kä om ci. Thu ung ghinnak om ci. Ghinnak cu chang gui ah akdei ah kya ci.

JOHAN 5:21

Apa naw aksi m’ghin ba ne, ghin nak a peit ah mäih ah A Htapa naw phi ang yak hlü ah chang cu m’ghin ba khai.

JOHAN 6:44

a u phi kei ah kä law hlawt khai, kei ah lawk ci cu akhnu hnüüp ung sih nak ungka ka thawh sak ba khai.

ISAIAH 26:19

Keimi ah kami chang cu a sih ung phi, ghing ba khai! Ngami ah ami pumsa cu ghing law ba khai. Ng’phuh hmun ung ip ci gui ami van tho ba u ne, yei ne ng’äi m’cu khai gui. K’daam tui naw khomdek ak chin sak ah mäih ah, khaw k’sho ung sik ciah chang gui cu Bawipa naw ghin ba sak gui khai.

ROMAN 8:2

Cun ah kya sei Jesuh Khrit ung na kawng ät sak ciah Mumcha ah thukhän naw, katnak la sih nak ah thukhän ung, kei cu na phiawn sak pyi ci nei.

JOHAN 6:35

Bawipa Jesuh naw, “Kei cu ghin nak m’htut ah ka kyak ci, kei ah lawk cicu a i sangung phi ei kä cawi ba khai; kei na yum cicu a i yah ung phi tui kä gha ba khai.

THU PHLAAN 21:4

Ani naw ami ng’phli tui avan cu ghu pe gui khai nei. Cun kawn ah sihnak, thüisei nak, kyah nak, m’neh m’awh nak kä om ba khai nei. Akphyim gui avan cu maih yawp pyi ci nei” cine pyein ci.

PHILIPPIAN 3:10

Kei naw ka ng’yak hlü cu Bawi Khrit hmat vai, sih nak ungka a thawh nak ba ah hlüngtai nak gah vai la ani awn a täng ah yaica nak gah ne, ani ah sih ah mäih ah sih tu vai bäng ah kyak ci.

THU PHLAAN 20:5

(Cun ung k’pawih ba ciah sik ci gui läi cu khokum phiaa ghaa ang pyi kawn ah ghing ne tho ba ci gui.) Shin cu ak htük bäih ah sik ci gui ah thawh ba nak ah kyak ci.

LAMKTU 3:15

Ghin nak pe hning ciah Bawipa cu na mi ngawn pyi ci, cun ung phi Khanpughi naw sih nak nung ka thawh ba sak pyi ci, cun cu kei mi naw kami mik awn kami hmuk ci.

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

JOHAN 5:26

Apa cu ghin nak ah a phung ah a kyak ah mäih ah A Htapa cun phi, ghin nak ah a phung ah a kyak vai ah ap pyi ci nei.

SAM 36:9

Nang cu ghin nak avan ah ang yung ah na kyak ci, nang ah akdei ung keimi naw akdei kami hmuk ci.

THU PHLAAN 22:17

Mumcha Theing la Ceimah khai ah ng’laamihta naw, “Law ä” cik ci goi. Cun ah ng’thu ng’yak ciah chang nüng naw phi, “Law ä” ci ne pyein sä, Tui gha ciah chang cu law sä, ghin nak ah tui ng’ya hlük ciah chang phung naw a lä ah dou sä!

JOHAN 14:19

Nangmi ah om nak ah kei ka law ba khai. Ashäng shäng ung m’dek chang gui naw kei kä na hmu law ba khai gui, cun ung phi nangmi naw nami na hmuk khai; a i ah kyasei ci ung, Kei ka ghing ci kyasei nangmi phi nami ghing khai.

ISAIAH 38:16

Bawipa, nangah phäh ah, nang ah phäh bäng ah, ka ghing khai nei; Na gai sak ä, na ghin sak ä.

PHILIPPIAN 1:23

Kei naw hnih ah ka ngaih nak om ci, kei cu shih ah ghin nak nawng shüt ne Bawi Khrit ung ang htei ah ka om hlük ci, cun cu kei ah hmawk ah bä pi ci.

THU PHLAAN 22:1

Khankho chang naw kei-am ghin nak tui ah lon nak ah tuinu phi na m’hnuh ci. Cun ah tuinu cu k’pyülung ah mäih ah vai ne, Khanpughi ah Htomehta ah mang kiaang ungka mang gaw ah gaw ng’lung lam nu ung yu long vük ci.

2 KORIN 4:14

Bawipa Jesuh thawh ba sak ciah Khanpughi naw, kei mi cun phi Bawipa Jesuh awn a täng ah na thawh ba sak gui ne, nangmi awn a täng ah ama ah na hteh püi gui khai cicu kami hmat ci.

ROMAN 4:17

Cun cu cacim theing ung, “Kei naw nang cu chang pakhui-van ah pa ah ka ning pyang ci nei,” cine a pyein ah mäih ah kya ci. Cun ah kya sei Khanpughi ah shaitaak cu kümbe ci. Khanpughi cu Abraham ah ngaih u, sik ciah chang gui ghin ba sak ci la, kä ng’tüi om man ci gui ng’tüi om sak ciah Khanpughi ah kyak ci.

LUKA 23:43

Bawipa Jesuh naw, “Kei naw thukhän ne ka pyein cu, atuh ngaw nang cu kei awn a täng ah paradise kho ah na om khai nei” cine pyen nak ci.

1 KORIN 15:29

Sik ci gui ah k’chaw ah tuihniim ci gui cu, a i ah hmawk ah, a i ngaih u ne ami bi ang? Sik ci gui tho ne ami ghin nak ba kä om ci cicu akcang ah a kyak ung, a i ah kyasei sik cun gui ah k’chaw ah, chang gui naw tui ami hniim ang?

1 KORIN 15:18

Cun bäng ah kä kyak ciah Bawi Khrih yum ne sik ciah chang gui cun phi mäih yawp khai gui sü te.

JOHAN 3:16

Khanpughi naw khomdek chang gui m’hni aih netah tumat bäng ah A htapa cu yuk m’kyum lawk ci, Ani yum ciah chang phung cu sihnak ung kä gawk ne angtäi ghin nak gah ci.

THU PHLAAN 1:18

Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.