JOHAN 11:19 - Cho Bible Common Language 2016

¹⁹ Jew chang gui akda cu Mari la Mahta ani be ah sih nak ah law u ne thüi tu püi ci gui.

JOHAN 11:19 Referans Kwoze

JOB 2:11

Job ah teihpui gui thum cu Eliphay, Teman ah ka, Bidad, shua khaw ah ka, la Zophar, Naamah khaw ah ka ah kyak ci gui. Ngami naw Job a i hlawk ah akhüikha cu ng’ya u netahteit ne m’htei tu vai ah kbai ci gui.

JOHAN 11:31

Mahta naw ava dou nak ung om yah ci. Mari ngoh püi ne im ah om ciah chang gui naw, Mari ak yaang ah ng’düi law ne hteit khätah, ng’ciim hmun ah hteit khai ah ngai ne läk tuk ci gui.

1 THESSALONIAN 5:11

Acun ah kyasei tuhbäi nami bi ah mäih ah tumat la tumat k’thagui nami ng’peit tu vai, nami ng’hteihtang tu vai nei.

1 THESSALONIAN 4:18

Cun ah kyasei shin ah ng’thu awn tumat la tumat k’thagui nami ng’peit tu vai nei.

2 KORIN 1:4

Ani naw yaica nak phung ung nam htei gui ci, cun ah kyasei Khanpughi ung mi gah cun ah m’htei nak awn, yaica ciah chang gui cu mi m’htei tu hning ci nei.

ROMAN 12:15

Zeikiai ci gui nami yeikyai püi gui vai, thüikyap ci gui nami thüikyah püi gui vai.

NG’ÄI KYAH 2:13

O Jerusalem, m’hni aih ah Jerusalem, kei naw a i ka pyen hning khai aw? Kei naw a i cha ah ka ning shungvong hning khai aw? A u phi shin ah mäih ah kä yai ca khai nei. Nang ah leigai cu khogi kä om ciah tuinu ah mäih ah kyak ci. Ngaih u vai ai phi kä om ci.

NG’ÄI KYAH 1:21

“Ka hlaw ng’ei nak cu ngai vä, kei na shungvong ci a u kä om ci nei. Nang naw leigai ka khan ah law püi ci sei, ka ga gui cu yeikyai aih ci gui nei. Na shaitak ah kho hnüüp cu law püi yä, ka ga gui cu kei ah mäih ah yaica sak gui ä.

NG’ÄI KYAH 1:16

Cun ah kyasei kei ah ka mik cu ng’phli tui naw nak plüm ci. A u naw kä na shungvong hlawt ci, a u naw thamah nak kä na pe hlawt ci. Ka ga gui naw na näng pyi ci gui, ka chang gui ung a i kä k’pawih ci.

NG’ÄI KYAH 1:9

Ani ah kä ng’gängsei nak cu ayäi ah hmuh vai kyak ci. Cun ung phi amät ah m’nü nak cu ani naw kä dang sak ci. Ani ah yung kyak nak cu kyih vai kyak ci, a u naw kä shungvong hlawt ci. Aga gui naw näng u sei, ani cu Bawipa naw ak chimgein vai ah kyap ci.

NG’ÄI KYAH 1:2

Ayanä a teihpüi mang gui ami van naw tumat naw phi kä shungvong ci gui. Amü pum ani cu kyap sei, ang phlitui gui ang being ung yu ling vük ci gui nei. Ang khawt püi mang gui ami van naw kä bekhüt u ne, tuhbäi ami van naw hnungtuk püi ci gui nei.

JOB 42:11

Joba ah phäinau gui avan la ayan ateihpüi gui cu ani ah law ne om law tu u ne, ani ah im ah ei awk ci gui. Ani ah khan ah Bawipa naw alaw püi ah khuikha nak gui avan phäh ah ami m’geinsei nak la ami m’lung üp sak nak cu m’dang ci gui. A chang sing naw ngui la ghui kutcüp cu pe tuk ci gui.

2 SAMUEL 10:2

Ghangpughang David naw, “Kei naw bekhüt ne khawt nak cu Hanun ung ka bi khai, cun cu apa Nahash naw kei ung abi ah mäih ah kyak ci” cik ci. Cun ah kyasei ani naw chang tüi ne, ak büi nak cu pyen ci. Ngami cu Ammon ah gawk law u khäta,

ATÜNNAK 37:35

A hta gui pami hnumi ami van naw m’cäi u sei phi, maa na gui ne, “Ka hta ah a hteh nak ah m’htei khaw ah ka hteit khai nei” cine Joseph ah hmawk ah thüi kyap ci.

ISAIAH 51:19

Lei gai mawng goi na khan ah gawk lawk ci nei: Na khaw cu ng’tuk nak naw m’dikhong sak ci nei, na chang gui cu ei cawi ci gui nei, A u phi ning chihna tuk ci kä om ci nei.

THUSHÄUTU 7:2

Sih gook htüm tu cu yu ng’kawi ung ng’lak tu ah ta bä pi ci, a i ah kyasei ci ung, chang mi van cu sih nak naw na ngäng gui ci nei ciah, ghin nak naw angtäi sei, a na m’shüm thein gui ah hmawk ah kyak ci.

1 SAMUEL 31:13

Ngami naw ami guh gui cu la ba u ne gawnu ng’lung, m’dum ghing ka ah k’phuh ci gui, cun kawn ah hnüüp chih ung ei hlawi ci gui.

1 SHONTÄP NAK 10:12

am gäi pikbäih ah chang gui hteit u ne Saul la a hta gui ah pumsa gui cu la ne Jebesh ah hteh püi ci gui. Cun gui cu oak shing ghing ah ka ah k’phuh u neta hnüüp chih ung ei hlawi ci gui.

LUKA 10:39

Mahta ung Mari ming nak ciah a nau tumat om ci. Ani cu Bawipa ah pei ah ngo ne ang thu ngai ci.

LUKA 10:42

Mari naw aknipi ghü pyi ci, cun cu a u naw kä gut hlawt khai” cik ci.

JOHAN 1:19

Jerusalem kho ah Judah ng’vai gui naw, taigü gui la Levit gui cu Johan ah tüi law u netah, “Nang cu a u ang?” ciah ng’shi sak gui ci gui.

JOHAN 11:1

Bethani gawnu ah om ciah Lazaruh cu gaw ci. Bethani cu Mari la Mahta ni ami om nak ah gawnu ah kyak ci.

JOHAN 11:8

Angdüihpüi gui naw, “Zasapa, chang gui naw lung awn ami ning vawih hlü nak kä shou phak ci maw, acun ah kho bä ah na hteit ba khai ma?” cik ci gui.

JOHAN 11:33

Bawipa Jesuh naw, Mari la ani awn lawk ci gui ah chang gui ami van kyap u sei hmu gui netah, ang htei ah thüi ne am lung kyong ah ayä ci.

JOHAN 11:36

“Teng tu vä, ani naw Lazaruh cu ang htei ah m’hni ci nei” cik ci gui.

JOHAN 11:45

Cun yah ung Mari ah om nak ah lawk ciah chang akda naw, Bawipa Jesuh ah bilawh cu hmu tu u netah, Bawipa Jesuh cu yum lawk ci gui.