JOHAN 11:15 - Cho Bible Common Language 2016

¹⁵ Ani a gaw yah ung kei kä ka gawk law cu nangmi naw nami yum vai ah phäh ah kyasei, nangmi ah phäh ah ka yei ci, ani ah mi hteit khai” cik ci.

JOHAN 11:15 Referans Kwoze

2 TIMOTHI 2:10

Cun ah kyasei kei cu, Khanpughi ah a ghü ah chang gui ah hmawk ah a i phi ka buiaut ci nei. Cun cu ngami naw phi Bawi Khrit Jesuh ung hun nak ami gah tu vai la angtäi ah bäkhäk nak a gawk law vai ah hmawk ah kyak ci.

JOHAN 17:19

Ngami naw bi bi nak vai ami pumsa ami ap nak hlawt vai ah, kei naw ngami ah hmawk ah ka pumsa cu ka ap ci.

JOHAN 12:30

Cun ung phi Bawipa Jesuh naw ngami-am, “Shin ah k’aw agawk law cu, kei ah phäh ah kä kyak ci, nangmi ah phäh ah kyak ci nei.

JOHAN 11:4

Bawipa Jesuh naw cun cu ng’ya netah, “Shin ah gaw nak cu, sih nak vai ah kä kyak ci, Khanpughi ah hlüngtai nak ang dang nak vai la a shin ah gaw nak awn Khanpughi ah A Htapa ah hlüngtai nak ang shü khang nak vai ah kyak ci.

JOHAN 2:11

Cun ah Bawipa Jesuh cu Kalile kho Kana gawnu ah cäi aih vai ah abäimang nak dang law htük khätah, angdüihpüi gui naw yum lawk ci gui.

ISAIAH 65:8

Bawipa naw pyen ci, “Sapyit theih ak ni cu a u naw kä m’di man ci, a cun awn sapyit tui vah piangman ci gui. Kei naw ka chang gui avan cu kä m’di gui khai-kei ah bi bik ci gui cu ka hun gui khai.

ISAIAH 54:15

Chang tumat mat naw a ning tuk law ah a kyak ung, kei ah yum nak awn kä kyak ciah a bi ah kyak ci; Ning hnungtuk pui ne ning tuk püi ci phung cu shung khai nei.

1 JOHAN 5:13

Kei naw shin ah ca ka ning guk law gui ah mawng cu, nangmi cu Khanpughi ah Htapa nami yum ci kyasei, angtäi ghin nak nami gah ah mawng cu, nami hmat vai ah hmawk ah kyak ci nei.

2 KORIN 4:15

Shin gui avan cu nangmi ah hmawk ah kyak ci; Khanpughi ah m’gein nak gah ci da law pipi ne, Khanpughi ah bämang nak m’hlüngtai ne taigü ci phi da law pipi khai khai nei.

SAM 105:14

Cun ung phi Khanpughi naw a u am phi kä shedam na sak gui ci; Ani naw shungvong gui ci ghangpughang gui am’cäi gui cu:

ATÜNNAK 39:5

Cun ung tün ne Joseph ah hmawk ah Bawipa naw Egypt chang ah kyongkhui la im khawh avan la lo lai gui cu hriham pek ci.

ATÜNNAK 26:24

A cu mü Bawipa naw ng’dang law neta, kei cu napa Abraham ah Khanpughi ah ka kyak ci nei. Kä na kyih vai, kei naw ka ning om püi ci. Ka chang Abraham ung ka shaitak ah mäih ah hriham ka ning pek khai. Chang chün ah ka ning pungpiah sak khai.

JOHAN 11:14

Cun ah kyasei Bawipa Jesuh naw, “Layaruh sik ci nei;

JOHAN 11:16

(Ang phi ah ming ciah) Thoma naw, “Sayapa awn a täng ah sih vai ah mi van mi hteit tuk khai” cik ne apaw gui pyen na gui ci.