JOHAN 11:11 - Cho Bible Common Language 2016

¹¹ Bawipa Jesuh cu cun ah a pyein kawn ah, “Mi teihpüi Lazaruh cu ip ci nei, ani kam tho ba khai ah ka hteit khai” cik ci.

JOHAN 11:11 Referans Kwoze

DANIEL 12:2

Si pyi ciah chang gui akda cu ghing ba khai gui, amshah cu angtäi ghin nak ung yeikyai khai gui, amshah cu angtäi thüisei nak ung yaica khai gui.

JOHAN 11:13

Bawipa Jesuh naw Lazaruh asih cu a pyein ah kyak ci, cun ung phi angdüihpüi gui naw ih man ah a ih a mawng a pyein ah ngai ci gui.

1 THESSALONIAN 5:10

Ani a kyum law ba hnüüp ung, sih ung phi bäi, ghin ung phi bäi, ani awn a täng ah om vai ah Bawipa cu mikmi ah hmawk ah si pyi ci nei.

1 KORIN 15:51

Ngai vä, thuuk ne ng’düng ciah mawng cu ka ning m’thein gui khai.

LAMKTU 7:60

Ani cu m’khuukdoong netah, “Khanpughi awi, shin ah chang gui ah ami katnak cu m’gein gui ä” ci neh ak’aw m’can neh m’lau netah kät lawk ci. Saul cu Stephen ngawn vai ah yum tuk ciah chang ah kyak ci.

MATTHE 27:52

Ng’cim hmun gui ng’hmawng sei Khanpughi ah chang gui akda tho law ba ci gui.

EPHESIAN 5:14

Cun ah dang law ci phung phung cu akdei ah kya lawk ci nei. Cun ah kyasei cacim theing ung; “Ip ci gui let law vä, Sih nak ungka tho law vä, Nami khan ah Bawi Khrit ng’shü lawk khai nei” ciah om ci.

MAKUH 5:39

Bawipa Jesuh cu im kyong ah va lut netah, cun ah chang gui-am, “A i ah kyasei nami ung-cang dük-chaak ang? A i ah kya sei nami thüi kyah ang? Shin ah hnumi hta cu sik ciah kä kyak ci, ip ci nei” cine pyein ci.

MATTHE 9:24

Cun kawn ah Bawipa Jesuh naw, “Ng’nawn vä, shin ah hnumi hta sik ciah kä kyak ci, ip ci nei,” cine kya khätah, chang gui naw päipih ci gui.

PHYAWN NAK 33:11

Chang naw ateihpüi ang htau püi ah mäih ah Bawipa naw Moses cu hmai ng’chum ne ng’htau püi ci. Cun kawn ah Moses cu hmun im ah law ba ci. Cung phi ani bawm tuk ciah chang nong Nun ah hta Joshua cu phung ah kyong ah om shüt ci.

JAMES 2:23

“Abraham cu Khanpughi yum ci, ayum nak awn ani cu, Khanpughi naw chang düng ah k’bääi ci,” ciah cacim lawk cicu akcang ah kiak ci. Cun ah kyasei Abraham cu Khanpughi ah teihpüi ah khü ci gui.

1 KORIN 15:34

Ng’düng nak awn law vä, nami katnak phung nawng shüt vä. Nangmi ungka amshah naw Khanpughi kä hmat ci, cun ah ka pyein cu nami lü ng’aa nak vai ah hmawk ah kyak ci.

1 KORIN 15:18

Cun bäng ah kä kyak ciah Bawi Khrih yum ne sik ciah chang gui cun phi mäih yawp khai gui sü te.

JOHAN 11:3

Cun ah ng’pai nau goi naw, “Bawipa, nang naw nam hni ah chang cu gaw ci nei” cine chang m’cäi lawk ci goi.

JOHAN 3:29

Ceimah ci khäm cicu chumah ciah kyak ci. Chumah ciah teih püi cun naw, chumah ciah k’o cu ng’düi ne ngai netah, ang yak ung ang htei ah a yeikyai ah mäih ah, kei ang htei ah ka yeikyai pyi ci nei.

ISAIAH 41:8

“Cun ung phi, Nangmi, Israel ka changshäm gui, Nangmi cu ka ning ghü gui ah chang, ka teihpüi, Abraham ah htangshon ah nami kya ci.

2 SHONTÄP NAK 20:7

Nang cu keimi ah Khanpughi ah na kyak ci. Na chang gui Israel gui shin ah khaw ung ami law ba yah ung, shin ung om ciah chang gui cu nang naw na k’täm gui ci, shin ah khaw cu na teihpüi Abraham ah hta ng’shon gui am, ngawi yä ami kaa nak vai ah na pe gui ci.

THULÄÄN NAK 31:16

Bawipa naw Moses am, “Tuhbäi nang na sik khai, nang na sih kawn ah chang gui cu kei ung kä bekhüt law ba khai gui, ngami awn ka bi ah thumkhän cu ngami naw m’shet khai gui. Ngami naw kei cu na nawng u ne, ngami naw ami luh nak vai ah khan ung khawgai khanpughi gui cu khawihnah khai gui.

2 GHANGPUGHANG GUI 4:31

Kehazi cu ana hteit ma ne, Elisha ah shopawng cu ak hmaw ah khan ah taih ci, cun ung a i k’aw, a ghin ba mawng cu kä ng’dang ci. Cun ah kyasei ani cu Elisha ah law ba neta, “A hmaw kä tho lawk ci nei” cik ci.

JOHAN 11:10

Khomü ung hteit cicu akdei kä hmuk ci kya ne m’thuihshawng ne ng’täng man ci” cik ci.

JOHAN 11:12

Angdüihpüi gui naw, “Ani ip ciah a kyak ung gai law ba khai nei” cik ci gui.