JOHAN 10:9 - Cho Bible Common Language 2016

⁹ Kei cu m’kawt ah ka kyak ci, cun ah m’kawt ung kei awn lut ci phung cu hun nak gah khai, ani cu lut ng’laang ne khu ali nak hmuk khai.

JOHAN 10:9 Referans Kwoze

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

EPHESIAN 2:18

Acun nak awn chang khui hei gui la Jew pakhui mi van cu Bawi Khrit awn Mumcha tumat ung mi kium ne, Pa Khanpughi ah ma ah mi gawk lawk ciah kyak ci.

JOHAN 10:7

Bawipa Jesuh naw a pyein ba mä cu,” Kei naw akcang ka pyein cu, kei cu hto gui ah luh nak m’kawt ah ka kyak ci.

JOHAN 10:1

Bawipa Jesuh naw, “Kei naw akcang ka pyein cu, htochaam ah kyong ah m’kawt ung kä lut ne, a hei lam ung lut cicu m’guk ei ah kiak ci.

SAM 95:7

Ani cu mi Khanpughi, mikmi cu am hteihtang ah chang, a tu m’bei ah htome ah mi kyak ci. Tuh ngawi ani naw a i a pyen cu nami ngaih vai nei;

ISAIAH 40:11

Ani naw a htaw gui cu htoshäm ah mäih ah m’htei gui khai; Ani naw ktome hta gui cu k’bum gui ne, a kut awn bäm gui khai; Ami nu gui cu ang awigi ah lamshüm gui khai. Israel gui ah Khanpughi.

ZEKHARIAH 10:12

Kei naw ka chang gui cu ka khüighaat sak gui khai, Ngami naw na khawihnah ne na läk khai gui.” Cun cu Bawipa ah ng’thu ah kyak ci.

EZEKIEL 36:38

Pawi hnüüp ung douthak ah khawihnah nak ah htome gui cu Jerusalem ung ami be ah mäih ah, tuhbäi dishum ciah mang gaw gui ung chang be khai nei. Cun kawn ah ngami naw kei cu Bawipa ah na hmat khai gui.

JOHAN 10:3

M’kawt ngäng naw htoshäm-am m’kawt hmawn pek ci. Hto gui naw, htoshäm ah k’aw ngai ci gui. Ani naw hto gui ami ming ung khü gui ne khahpüi gui ci.