JOHAN 10:7 - Cho Bible Common Language 2016

⁷ Bawipa Jesuh naw a pyein ba mä cu,” Kei naw akcang ka pyein cu, kei cu hto gui ah luh nak m’kawt ah ka kyak ci.

JOHAN 10:7 Referans Kwoze

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

EPHESIAN 2:18

Acun nak awn chang khui hei gui la Jew pakhui mi van cu Bawi Khrit awn Mumcha tumat ung mi kium ne, Pa Khanpughi ah ma ah mi gawk lawk ciah kyak ci.

JOHAN 10:1

Bawipa Jesuh naw, “Kei naw akcang ka pyein cu, htochaam ah kyong ah m’kawt ung kä lut ne, a hei lam ung lut cicu m’guk ei ah kiak ci.

JOHAN 10:9

Kei cu m’kawt ah ka kyak ci, cun ah m’kawt ung kei awn lut ci phung cu hun nak gah khai, ani cu lut ng’laang ne khu ali nak hmuk khai.

EZEKIEL 34:31

“Nangmi ka htome gui, ka m’bei ah htome bum gui cu kei ah ka chang gui nei, kei cu nami Khanpughi nei” uktu Bawipa naw pyen ci.

SAM 79:13

Kemi na na chang gui, na htome bum gui naw, ang’täi sei ning yei na u ne, ngawi yä kami ning m’hlüngtai khai nei.

SAM 100:3

Bawipa cu Khanpughi ah kyak ci, ciah hmuhmat vä. Ani naw na tüisho gui sei, ani ung mi om ci; mikmi cu ana chang gui, ana htome gui ah mi kyak ci.

SAM 95:7

Ani cu mi Khanpughi, mikmi cu am hteihtang ah chang, a tu m’bei ah htome ah mi kyak ci. Tuh ngawi ani naw a i a pyen cu nami ngaih vai nei;

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

EZEKIEL 36:38

Pawi hnüüp ung douthak ah khawihnah nak ah htome gui cu Jerusalem ung ami be ah mäih ah, tuhbäi dishum ciah mang gaw gui ung chang be khai nei. Cun kawn ah ngami naw kei cu Bawipa ah na hmat khai gui.