JOHAN 10:4 - Cho Bible Common Language 2016

⁴ Hto gui a chah gui van ung, amät ma ne hteit sei hto gui naw ak’aw hmat ne a hnu ah läk ci gui, ngami naw chang hei kä läk ci gui,

JOHAN 10:4 Referans Kwoze

THULÄÄN NAK 1:30

Bawipa nami Khanpughi naw ning chuisaw gui khai, ani naw nangmi ah phäh ah ng’tuk bik khai. Egypt la

JOHAN 10:16

Shin ah chaam kyong ah kä lut law tu phak ciah a hei hto gui phi kei naw ka khäm ci, cun gui phi ka chum ba gui khai, ngami naw kang thu na ngai khai gui. Cun ah kyasei htomak tumat htoshäm tumat bäng ah kyak khai.

JOHAN 12:26

Kei ah bi bi hlük ci naw ka hnu ah na läk khai, kei ah chang cu a hawi ka om ung phi kei awn a täng ah om tuk khai. Kei ah bi bik ci cu Kapa Khanpughi naw m’tamkhah khai nei” cik ci.

JOHAN 18:37

Pilat naw, “Cun ung nang cu ghangpughang ma?” cine ng’shi ba ci. Bawipa Jesuh naw, “Nang naw kei cu ghangpughang ah na na pyein ci, kei cu düngnak bäng ka pyein khai ah ng’tüi ne m’dek khan ah ka lawk ci. Düngnak awn om ciah chang phung naw kei ah ng’thu cu ngai ci gui” ci nak ci.

1 PETER 2:21

Acun ah mäih ah nami bi vai ah Khanpughi naw a ning khü gui ah kyak ci. Bawi Khrit amät nangmi ah hmawk ah a geinvai nak awn, nami thei tu vai cu dang sak ci. Cun ah kyasei a kho neh cu nami läk vai kyak ci.

1 PETER 5:3

Nami kut ung ng’ap ci gui uk vai ah kä nami tha nak vai, htomebum ah thei tu vai ah nami om vai.

1 KORIN 11:1

Bawi Jesuh ka theitu ah mäih ah kei nami na theitu vai.

JOHAN 10:8

Kei ah ma ung lawk ci gui avan cu, m’guk ci gui ah kyak ci, ngami ah ng’thu cu hto gui naw kä ngai ci gui.

MATTHE 16:24

Cun kawn ah Bawipa Jesuh naw ang düihpüi gui-am, “Kei awn atäng ah hteit tu hlük ciah chang cu, amät ah ng’yak hlü nawng shüt ne, amät ah kutlam tung kawt netah, ka hnu ah a na läk vai.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

HEBRU 6:20

Taigü tung Melchizedek ah hnün ung ngoh ne, angtäi ah Taigü tung ah kyak ciah Bawipa Jesuh cu, mikmi ah hmawk ah cun ah mang im ah lut pyi ci nei.

EPHESIAN 5:1

Nangmi cu Khanpughi ah hta nau gui ah nami kyak ci, ani ah mäih ah om vai ah nami tha nak vai.

JOHAN 3:29

Ceimah ci khäm cicu chumah ciah kyak ci. Chumah ciah teih püi cun naw, chumah ciah k’o cu ng’düi ne ngai netah, ang yak ung ang htei ah a yeikyai ah mäih ah, kei ang htei ah ka yeikyai pyi ci nei.

SOLOMON NG’Ä~ 2:8

Ka m’hni ah k’aw cu ka ng’yak ci nei. Ani cu khomhtung gui khan ne dawng ne law ne, khogui gui kaan ne kei ah lawk ci nei.

JOHAN 13:15

Nangmi ah khan ah ka bi ah mäih ah nami mät gui ung nami bi vai ah ka ning m’shüm thein gui nei.

1 PETER 4:1

Bawi Khrit cu pumsa awn geinvai nak aut pyi ci, acun ah kiasei nangmi cu Bawi Khrit ah m’lung ngaih ah mäih ah nami thamah vai. A i ah kyasei ci ung pumsa awn geinvai nak gah ciah chang cu, cheishoh nak naw kä k’phaa ba ci.

SOLOMON NG’Ä~ 5:2

Kei ka ih yah ung ka m’lung cu ng’shüm ci nei. Ka m’hni naw shoh khäk law sei ka ng’mang nak ci. Kei cu na luh sak ä, ka m’hni aw, tuihlim ciah ka m’lung, ka müm kha aw. Kei ah ka lu cu damtui naw ng’shüi ci nei, ka lusam cu goh tui awn vai ci nei.

JOHAN 10:3

M’kawt ngäng naw htoshäm-am m’kawt hmawn pek ci. Hto gui naw, htoshäm ah k’aw ngai ci gui. Ani naw hto gui ami ming ung khü gui ne khahpüi gui ci.

JOHAN 10:5

Chang a hei ami hmuh ung, ani ah k’aw kä hmat ci gui kya ne püi ne dawng ci gui.

JOHAN 10:27

Ka htome gui cu kang thu ngai ci gui, kei naw ngami ka hmat gui ci, ngami naw phi kei na läk ci gui.