JOHAN 10:36 - Cho Bible Common Language 2016

³⁶ Khanpughi naw kei cu na ghü ne khomdek khan ah na tüi lawk ci. Cun ah kyasei, ‘Kei cu Khanpughi ah na Htapa ah ka kyak ci’ ka ci ah phäh ah Khanpughi m’kat ne thu ka pyein ah, a i chaa ah nami pyein hning khai ang?

JOHAN 10:36 Referans Kwoze

JOHAN 3:17

Khanpughi naw A Htapa am kyum law cu, khomdek khan ah kat nak m’kat khai ah kä kyak ci, hun phiawn nak pek khai ah kyak ci.

JEREMIAH 1:5

“nang am ghin nak kä ka ning pek pha ung kei naw ka ning ghü ci. Nang kä na ng’tüi pha ung changpakhui gui ah prophet ah kei naw ka ning ghü ci.”

JOHAN 20:31

Cun ung phi Bawipa Jesuh cu Messiah, Khanpughi ah Htapa ah kyak ci, cine nami yum vai la, nami yum nak awn nangmi ung ghin nak nami gah vai ah, shin ah ca uk cu guk ah kyak ci nei.

JOHAN 6:27

Shekaa thei ciah ah ei awk cu käk tha nah ne, kä shekaa thei ciah, angtäi ghin nak ah ei awk cu tha na vä. Khanpughi naw hlüngtai nak a ap pyi ah kyasei, chang ah Htapa naw cun ah ei awk cu nangmi-am ning pe gui khai nei” cine m’cäi gui ci.

ROMAN 9:5

Ngah mi cu mingthang ciah Hebru hta ng’shon ah kyak ci gui. Bawi khrit cun phi hnicim chang pumsa ung ngah mi ah pakhui ah kyak ci. Ang tüi avan uk ciah Ka Khanpughi cu angtäi sei hlüngtai nak om sä! Amen.

ROMAN 1:4

Ak khanchang theing nak ah, Khanpughi ah Htapa ah a kyak cu ang dang vai ah Khanpughi naw abämang hlüngtai nak awn sih nak ung kaa thawh ba sak ci.

JOHAN 20:28

Thomas naw, “Ka Bawipa La Ka Khanpughi ah na kyak ci nei” cine pyein ci.

JOHAN 19:7

Chang gui naw, “Ani cu amät naw a mät Khanpughi ah Hta ah a pyein ah hmawk ah sih nak peit vai ah keimi ah ng’thukhän ung om ci nei” cik ci gui.

JOHAN 17:21

O Kapa! Nang cu kei awn kawng ät ci sei, kei phi nang awn ka kawng ät ah mäih ah, ngami gui cu kawng ät sak gui ä. Kei cu nang naw na na tüih law ah m’dek chang gui naw ami yum vai ah, ngami gui cu kawng ät sak gui ä.

JOHAN 17:18

Nang naw kei cu m’dek khan ah na na tüih law ah mäih ah, kei naw ngami cu ka tüi gui ci.

JOHAN 17:8

Nang ah na peit ah Thu Ni cu, kei naw ngami-am pe gui ngä sei, ngami naw dou ci gui nei. Nang ungka kei ka law cu akcang ah kyak ci, ci cun phi hmat pyi ci gui, nang naw kei na na tüih law cun phi yum pyi ci gui nei.

JOHAN 6:69

Nang cu Khanpughi ungka kyum lawk ciah, khanchang theing ah na kiak cu, tuhbäi hmat ne kami ning yum ci nei” cine pyein ci.

JOHAN 6:57

Ghing ciah Kapa naw ana tüih law ah kya ne, kei cun phi Kapa awn ka ghing ci. Acun ah mäih ah kei na ei ciah chang cu, kei awn ghing khai.

JOHAN 6:38

A i ah kyasei ci ung, kei cu kamät ah ng’yak hlü ka bik khai ah khankho ah kaa ka kyum lawk ciah kä kyak ci, na tüi lawk ciah ng’yak hlü ka bik khai ah ka kyum lawk ciah kyak ci.

JOHAN 5:30

“Ka mät ah m’khüt näng nak awn a i kä ka bi hning ci, Khanpughi ah nam cäi ah mäih ah m’khoichaa nak ka bik ci. Ka mät ah ng’yak hlü ah ka bi vai ah kä ka tha nak ci, na tüi lawk ciah ang yak hlü bäng ah bi ka bik ci; cun ah kyasei kei ah m’khoichaa nak cu düng ci.

JOHAN 3:34

Khanpughi naw a tüih law cu Mumcha awn pleip khai ah akbe ah kia ne, ani cu Khanpughi ah ng’thu bäng pyein ci.

LUKA 1:35

Khankho chang naw Mumcha Theing nak khan ah gawk lawk khai, Khanpughi ah hlüngtai nak phi nakkhan ah gawk lawk khai. Cun na kia sei theingthap ciah ak hmaw cu Khanpughi ah Htapa ah ming khai.

MATTHE 27:43

Ani cu Khanpughi yum ciah Khanpughi ah Htapa ah pyein ci maw! Cun ah kyasei Khanpughi naw am hni ah a kyak ung a tuhbäi k’phiawn sä,” cine shedam nak ci gui.

SAM 2:2

Ami ghangpughang gui ng’tuk so u ne, uk ciah chang gui ng’sük u ne, Bawipa hnu ng’tuk püi ci gui, A ghü ah ghangpughang cu hnung’tuk püi ci gui.

KALATIAN 4:4

Cun ung phi ak hnu ah akhin küm law khätah, Khanpughi naw Ahtapa cu yuk m’kyum lawk ci. Ani cu hnicim chang nu nah ne ng’tüi law ne, Jew gui ah thukhän kaa ah om lawk ci;

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

JOHAN 8:42

Bawipa Jesuh naw, “Khanpughi cu nami Pa akcang ah a kyak ung, nangmi naw kei nami nam hni khai, a i ah kyasei ci ung, kei cu Khanpughi ungka law ne, ka gawk lawk ci, ka mät ah ngaih ah ka lawk ciah kä kyak ci, ani naw ana tüih law ah kyak ci.

MATTHE 27:54

Bawipa Jesuh ngäng ci gui ah gabawi la gakap gui naw, shihpi a thüng la a hmün cäicat vai gui cu hmu law u ne, ang htei ah kyikyawk u netah, “Shin ah chang cu akcang ah Khanpughi ah Htapa ah kyak ci nei” cik ci gui.

ISAIAH 55:4

Kei naw ani cu pakhui gui ah ang vaihta la gakapbawi ah ka pyang ci, kei naw cun gui awn ani ungka naw ka huham ka m’dang ci.

ISAIAH 42:3

Ani naw ng’koi ciah m’long gong kä cheiuh khai, phät hlem hlem ciah meidäi kä k’phät khai. Ani naw chang van ah khan ah taga khai ah uk khai.

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

JOHAN 10:35

Khanpughi naw ang thu a peit gui cu, “Khanpughi ah mäih ah kia ci gui” cik ci.