JOHAN 10:35 - Cho Bible Common Language 2016

³⁵ Khanpughi naw ang thu a peit gui cu, “Khanpughi ah mäih ah kia ci gui” cik ci.

JOHAN 10:35 Referans Kwoze

MATTHE 24:35

Khankho la khomdek a maih ung phi kei ah thu cu kä maih khai nei.

ROMAN 13:1

Chang päng naw kho uk ciah bawi ah huham cu a läk vai nei. A i huham phi Khanpughi naw kä a m’hnüt ung kä om ci nei. Huham gah ne uk ciah khobawi cu Khanpughi naw m’hnüt ne am düih ah kyak ci.

LUKA 16:17

Cun ung phi Thukhän shaitaakcang’ma ng’lung ät adi maih vai ah mä, khomdek la khankho adi maih vai cu yäi tuba ci.

LAMKTU 1:16

Cun kawn ah Peter cu ng’düi law ne tah, “Phäi näu gui aw, Bawipa Jesuh phak khai gui am, lam shüm gui ciah, Judas Iskariot ah mawng ca ng’cim ung om cicu küm pyi ci nei. Cun ah ca ng’cim cu Mumcha Theing naw David ah ng’thu awn a pyein ah kyak ci.

ATÜNNAK 15:1

Cun kawn ah ang muimang ung Bawipa naw ng’thu püi sei Abram naw a hmuh ng’yak cu, “Abram, kä na kyih vai, kei naw nang cu ka ning shungvong khai, m’cümhnah aktung ka ning pek khai” ciah kyak ci.

MATTHE 27:35

Ngami naw Bawipa Jesuh cu kutlamtung ung tai ne ngawn ci gui. A suisak cu m’shüih tawk ne ng’pai ci gui.

MATTHE 5:18

Kei naw akcang ka pyein cu, khomdek la khankho a om yah ah chuih cacim ung kaa, ca ng’lung ät, ca ng’ma ät phi kä dimaih düt khai. Cacim ung om ci phung avan küm yawp khai nei.

1 SHONTÄP NAK 22:8

Cun ung phi Bawipa naw, kei cu chang akda ka ngawn ci, ng’tuk akda ka bik ciah pyen ci. Cun ah kyasei kei baw si ng’theh khai ah ka bi gui avan ah phäh ah, ani ah phäh ah Taigüim cu kä ana cawh sak ah kyak ci.

2 SAMUEL 7:5

Kei naw ka pyen nak cu ka changshäm David am hteit ne m’thein ä, “Nang cu kei ah om nak vai, kei ah phäh ah pum im co khai ah chang ah kä na kyak ci.

1 SAMUEL 30:8

David naw Bawipa han ng’shi ne, “Cun ah tu lawk ciah chang gui ka läk gui vai aw? Ka pha gui vai aw” cik ci. Ani naw, “Ami hnu ah läk gui ä, pha gui ne, amo pha gui cu gung gui ä,” cik ci.

1 SAMUEL 28:6

Cun ah kyasei a i ka bik khai cine Bawipa cu ng’shik ci. Cun ung phi Bawipa naw kä m’shang pang ci, ng’mang ung phi kia, Urim, Thummim la prophet awn phi kä m’shang ci.

1 SAMUEL 15:1

Samuela naw Saul am, “Israel gui ah ghangpughang ah na kyak khai ah, nang cu ka ning m’shumphyuk khai ah, kei cu Bawipa naw a na tüih law ah kyak ci. Tuhbäi Bawipa Akhlüngtai naw a i a cicu ngai ä.

THULÄÄN NAK 18:15

Cun nak vaisü ung ani naw kei ah mäih ah prophet tumat cu ami mät ah chang ungka ning tüih law gui khai. Nangmi naw ani cu nami ngaih vai.

JOHAN 19:28

Cun kawn ah Bawipa Jesuh naw avan küm pyi ciah hmat netah, cacim ung om ci ang dang vai ah “Kei tui ka gha ci nei” cik ci.

2 SHONTÄP NAK 19:2

Hanani ah hta prophet Jehu naw ghangpughang cu hteit ne hmu neta a pyen nak cu, “Chang omshe na bawm tu la, Bawipa thüi nak ci täng ah na om tu cu hman ciah na ng’ngai ne ang? Nang ah na bi naw na mät ah khan ah Bawipa ah m’lungshe nak cu law püi ci nei.

JOHAN 10:34

Bawipa Jesuh naw, “Nami ng’thu khän ung Khanpughi naw, Nangmi cu Khanpughi ah mäih ah nami kyak ci cine pyein ci. Cacim ung om cicu angtäi ah bä ciah mi hmat ci.

JOHAN 10:36

Khanpughi naw kei cu na ghü ne khomdek khan ah na tüi lawk ci. Cun ah kyasei, ‘Kei cu Khanpughi ah na Htapa ah ka kyak ci’ ka ci ah phäh ah Khanpughi m’kat ne thu ka pyein ah, a i chaa ah nami pyein hning khai ang?

2 GHANGPUGHANG GUI 15:12

Bawipa naw Ghangpughang Jehu ung a pek ah shaitak cu kümbe ci, cun cu, nang ah htangshon, ang shon phli ung khüt sei, Israel ghangpughang ah kyak khai” ciah kyak ci.