JOHAN 10:33 - Cho Bible Common Language 2016

³³ Ngami naw, “Akni nabi ah phäh ah kami ning vawih hlü ah kä kyak ci, nang cu chang ah kya lang ne, Khanpughi ah ng’shei ne nang thu ah phäh ah kami ning vawi khai” cik ci gui.

JOHAN 10:33 Referans Kwoze

JOHAN 5:18

Kyin hnüüp ng’thukhän kaan ne bi bik netah mä, Khanpughi am kapa a ci la amät Khanpughi awn täng ciah a pyein ah hmawk ah Jew chang ng’vai gui naw, Bawipa Jesuh cu ngawn vai ah ng’ge law pi ci gui.

TAIGÜTHUM 24:16

Cun kawn ah sih nak ung gawk khai. A u Israel chang phi, Israel ah om tuk ciah a u khaw hei chang phi, Bawipa plah ci phung cu, chang bum van naw lung awn vawi ne, nami ngawn vai nei.

JOHAN 10:30

Kapa la kei cu tumat ah kani kyak ci” cik ci.

PHILIPPIAN 2:6

Ani cu angtäi sei Khanpughi nupuk nak ci, Cun ung phi Khanpughi ah mäih ah ka kyak khai ciah ling ne kä k’tha nak ci.

ROMAN 13:1

Chang päng naw kho uk ciah bawi ah huham cu a läk vai nei. A i huham phi Khanpughi naw kä a m’hnüt ung kä om ci nei. Huham gah ne uk ciah khobawi cu Khanpughi naw m’hnüt ne am düih ah kyak ci.

SAM 82:6

Kei naw ka pyen cu, Nangmi cu ‘Khanpughi hta gui’ ah nami ki yak ci; Nami van cu ‘A Hlüngtai Säih ah hta gui’ ah nami kyak ci.

1 GHANGPUGHANG GUI 21:10

Cun kawn ah chang omshe hnih khü goi neta, ngani naw a hmai ung tawk ne, shin ah chang cu khanpughi la ghangpughang yeeihkah nak ci nei, ci ni sä. Cun kawn ah ani cu mang gaw k’pung ah hteh püi ne, lung awn vawi ne ngawn vä” cik ci.

TAIGÜTHUM 24:14

“Cun ah chang cu shaum pigaw k’pung ah hteh püi vä. Ani ah ang plah ng’ya tuk ci phung naw, ani shekak ciah m’dang nak ah a kut alu khan ah taih sä. Cun kawn ah changbum van naw lung awn vawi ne ngawn vä.

JOHAN 10:24

Chang gui naw ani cu k’Koi u netah, “Keimi naw kami ngaih khit vai ah nang, a i güt na kyak khai ang? Messiah ah na kyak ung keimi-am ang dang ah nam thein gui ä” cik ci gui.

JOHAN 10:32

Bawipa Jesuh naw, “Kapa naw na tüi täk sei, kei naw akni gui ka bi pyi ci, cun gui yung kaa a i ah phäh ah, kei lung awn nami na vawih hlü ang?” cik ci.

JOHAN 19:7

Chang gui naw, “Ani cu amät naw a mät Khanpughi ah Hta ah a pyein ah hmawk ah sih nak peit vai ah keimi ah ng’thukhän ung om ci nei” cik ci gui.