Biblia Todo Logo
Bib sou entènèt

- Piblisite -




JOHAN 10:3 - Cho Bible Common Language 2016

3 M’kawt ngäng naw htoshäm-am m’kawt hmawn pek ci. Hto gui naw, htoshäm ah k’aw ngai ci gui. Ani naw hto gui ami ming ung khü gui ne khahpüi gui ci.

Gade chapit la Kopi




JOHAN 10:3
32 Referans Kwoze  

Cun ung phi Khanpughi naw ak khäng ah ling ne ak süm cu kä thüng hlawt ci nei. Cun ah khan ah, “Khanpughi naw a mät ah chang gui cu hmat gui ci nei”, ci la “Bawipa ung khäng pyi ciah pyein ciah chang phung naw cheishoh nak cu a phiawn nak vai nei,” ciah ca cu guk ah kyak ci nei.


Hto gui a chah gui van ung, amät ma ne hteit sei hto gui naw ak’aw hmat ne a hnu ah läk ci gui, ngami naw chang hei kä läk ci gui,


Shin ah chaam kyong ah kä lut law tu phak ciah a hei hto gui phi kei naw ka khäm ci, cun gui phi ka chum ba gui khai, ngami naw kang thu na ngai khai gui. Cun ah kyasei htomak tumat htoshäm tumat bäng ah kyak khai.


Kei cu htoshäm ni ah ka kyak ci, Kapa naw kei cu na hmat ci, kei naw phi Kapa cu ka hmat ci, acun ah mäih ah kei naw ka hto gui ka hmat gui ci, ngami naw phi kei cu na hmat ci gui. Kei cu ka hto gui ah hmawk ah sih vai ka yum ci.


Ngai ä! Kei cu m’kawt ung ng’düi ne shoh ka khäk ci, kei ah k’aw ng’ya ne shoh ak hmawng ciah im ung, kei cu va lut ngä sei, ani awn a täng ah kani ei awk khai, ani phi kei awn a täng ah ei awk khai.


A i ah kyasei ci ung mangkiaang ah lai ung om ciah Htomehta naw, ngami cu ngung gui ne, ghin nak tui k’gei ah khawng nak ah khah püi gui khai. Khanpughi naw phi ngami ah mik ungka ng’phli tui phung cu ghu pe gui khai” cine pyein ci.


Cun ah kya sei Khanpughi naw ghü ne ak pai gui cu khü gui ci; a khü gui ah chang gui cu amät ung chang düng ah k’bäi gui netah, amät ah bäkhäk nak cun phi gah sak gui ci.


Profet gui ah ca guk ung, “Chang avan cu Khanpughi naw m’theithang gui khai, Kapa ah ng’thu ng’ya ne akni ah ng’thei ci gui phung cu kei ah law ci gui.


Kapa naw a na ap ah chang phung cu kei ah lawk khai gui. Kei ah lawk ciah chang phung cu a u phi kä ka m’hlat ba khai.


“Kei naw amik m’dauh ciah ka chang gui cu kä ami hteh nak man ah lam ung ka ng’khah püi gui khai. Ami mü hmüp nak cu akdei ah ka m’hlat khai, ghat ciah khaw cu ami ma ah ng’mi khai ah ka pyang khai. Shin gui cu kei ah shaitak ah kyak ci, kei naw kä chah ne ka k’pang khai.


Ka m’hni aw, u-yin ungka naw na k’aw cu na ng’yak sak ä; Kei ah ka paw gui naw na ng’thu ng’yak vai ah ngäng ci gui nei.


Bawipa naw Moses am, “Tuhbäi nak thäh ah mäih ah kei naw ka bik khai nei. Kei naw nang cu akni ah ka ning hmat ci, nang ah khan ah ka yeikyai ci nei” cik ci.


Ghin nak ca-uk ung ang ming kä ng’gu tuk ciah chang gui phung cu cun ah meidäi ung yuk shum gui yawp ci gui.


Keimi ah hmawk ah phi nami taigü vai. Cun ung Khanpughi naw keimi-am a khin k’ni cu na pe gui sei, keimi naw ng’yih ciah Bawi Khrit ah mawng, ng’Thu Ni cu kami shui khai. Acun ah hmawk ah kei cu tuhbäi chü thawng ung ka kium ci nei.


Ka ngaih u, ka ning paw nang naw, cun ah hnumi gui cu nam hteihtang tu gui vai nei. Ngah mi cu Thu Ni ng’shäu ne pyein nak ung kei awn a täng ah k’tha nah ne bilo ci gui ah kyak ci. Cun ah bi nak ung Clement la Khanpughi ah ghin nak ca-uk ung a ming om pyi ciah, a hei bilo tuk ciah chang gui phi om ci gui.


Ani naw a htaw gui cu htoshäm ah mäih ah m’htei gui khai; Ani naw ktome hta gui cu k’bum gui ne, a kut awn bäm gui khai; Ami nu gui cu ang awigi ah lamshüm gui khai. Israel gui ah Khanpughi.


O Israel gui ah htoshäm na ngai gui ä; Na htome gui ah bawi ng’vai na ng’ya gui ä. Na tüisho gui ang phyamah ah khan ah na mang kiang ung yu ngoh law ä,


Ngahmi naw cun ah mawng ami pyeinsak cu, ami mät ah hmawk ah kä kiak ci, nangmi ah hmawk ah kyak ci, cicu Khanpughi naw, ngahmi ung dang sak ci. Nangmi ah om nak ah Bawi Khrit ah mawng Thu Ni law püi ci gui naw, cun ah profet gui naw ng’daut ne ami pyein ah a mawng gui cu, Khankho ah kaa a tüih law ah Mumcha Theing ah hlüngtai nak awn, nangmi ah khan ah ng’shäu law u sei nangmi naw nami ng’ya pyi ci nei. Cun ah a mawng gui cu Khanchang gui naw phi hmuhmat hlük ci gui nei.


A cu ah kei na hnu ng’tuk püi ci akda om pang sei phi, a khuut bi nak vai a khin akni om ci nei.


Na sei la na me cu na m’khüt hning hlawk ah na m’htei vai,


Kei cu m’kawt ah ka kyak ci, cun ah m’kawt ung kei awn lut ci phung cu hun nak gah khai, ani cu lut ng’laang ne khu ali nak hmuk khai.


Cun ung phi mikmi läi cu Khanpughi ah chang ah mi kyak ci, Khanpughi hmat ciah chang naw mi ng’thu ngai ci, Khanpughi ah chang ah kä kyak ci naw mikmi ah thu cu kä ngai ci. Cun ah kia sei mikmi naw Mumcha thucim la mümcha she ah bilawh nak cu mi m’khoichaa thei ci.


Kei cu kä shou pha sei gawk law ngäh sei, nangmi awn ng’hmuh ne mi ng’thu khai ah ka ngai ci nei.


Swiv nou:

Piblisite


Piblisite