JOHAN 10:29 - Cho Bible Common Language 2016

²⁹ Ngami gui kei-am na ap ciah Kapa cu, avan ah hlüngtai pi ci kia ne, a u naw phi cun ah htome gui cu Kapa ah kut ung kaa kä gut hlawt khai.

JOHAN 10:29 Referans Kwoze

JOHAN 6:37

Kapa naw a na ap ah chang phung cu kei ah lawk khai gui. Kei ah lawk ciah chang phung cu a u phi kä ka m’hlat ba khai.

JOHAN 17:9

“Ngami ah phäh ah kei ka taigü ci, m’dek chang gui ah phäh ah kä kyak ci. Nang naw kei-am na na ap ah chang gui cu, nang ah khäm gui ah kyasei, ngami ah hmawk ah ka taigü ci.

JOHAN 17:2

Na Htapa ah kut ung na ap ah chang gui-am angtäi ghin nak a peit gui hning vai ah, nang naw Na Htapa-am chang nüng m’khüt nak ah hlüngtai nak cu na pe pyi ci nei.

JOHAN 14:28

Kei tuhbäi ka hteh ung phi nangmi ah om nak ah ka law ba khai’ ka cicu nami ng’ya pyi ci. Kapa cu kei ah hlüngtai pi ci, acun ah kyasei, nangmi naw kei nami nam hni ung, Kapa ah ka hteh ba ung nami yeikyai khai.

JOHAN 17:6

Khomdek khan ungka ghü ne, kei ah kut ung na na ap ah chang gui-am, nang ah mawng cu kam thein gui pyi ci nei. Ngami cu nang naw khäm gui ne, kei-am na na ap pyi ci, ngami naw nang thu phi ngai pyi ci gui.

JOHAN 17:11

Kei cu tuhbäi nang ah ka lawk khai kyasei, m’dek khan ah kä ka om ba khai, cun ung phi ngami om ba khai gui. Theing cim ciah Kapa! Kei-am na na peit ah ming, huham mah ciah nang ming awn phiawn sak gui ä. Cun ung vah kei la nang tumat ah ni kyak ah mäih ah ngami phi tumat ah kyak khai gui.

MALAKHI 1:14

Ana pek vai ah a shaitak ah htome akni om lang sei, shekhak ciah ak ghing awn na khawihnah lawk ciah chang ah khan ah plah tam nak om sä! Kei cu küikyang ciah ghangpughang ah ka kyak ci, chang pakhui avan naw kei cu na kyih aa ci nei” cik ci.

PHYAWN NAK 18:11

Bawipa cu khanpughi gui avan nah däm pi ciah tuhbäi kei naw ka hmat ci nei. Israel gui cu Egypt gui naw shin ah ami shedam nak gui yah ung, ani naw a bi ah kyak ci nei” cik ci.

DANIEL 4:3

“Khanpughi naw a na m’dang ah cäicat gui vai cu dämduh aih ci nei! Ani naw am dang ah ca’i aih vai gui cu huham mah ci nei! Khanpughi cu ghangpughang ah kya ci, ani naw khonglän ung uk khai nei!

SAM 145:3

Bawipa cu dämduh ci kyasei, ak hlüngtai ah m’tamkhah vai nei; a dämduh nak cu kä hmat hlawt yawp vai kyak ci nei.

JOHAN 10:28

Kei naw angtäi ghin nak ka peit gui ah kya ne, ngami kä si hlawt khai gui. A u naw kei ah kut ung kaa, ngami cu kä na gut hlawt khai.

JOHAN 10:30

Kapa la kei cu tumat ah kani kyak ci” cik ci.