JOHAN 10:27 - Cho Bible Common Language 2016

²⁷ Ka htome gui cu kang thu ngai ci gui, kei naw ngami ka hmat gui ci, ngami naw phi kei na läk ci gui.

JOHAN 10:27 Referans Kwoze

JOHAN 10:16

Shin ah chaam kyong ah kä lut law tu phak ciah a hei hto gui phi kei naw ka khäm ci, cun gui phi ka chum ba gui khai, ngami naw kang thu na ngai khai gui. Cun ah kyasei htomak tumat htoshäm tumat bäng ah kyak khai.

JOHAN 10:14

Kei cu htoshäm ni ah ka kyak ci, Kapa naw kei cu na hmat ci, kei naw phi Kapa cu ka hmat ci, acun ah mäih ah kei naw ka hto gui ka hmat gui ci, ngami naw phi kei cu na hmat ci gui. Kei cu ka hto gui ah hmawk ah sih vai ka yum ci.

THU PHLAAN 3:20

Ngai ä! Kei cu m’kawt ung ng’düi ne shoh ka khäk ci, kei ah k’aw ng’ya ne shoh ak hmawng ciah im ung, kei cu va lut ngä sei, ani awn a täng ah kani ei awk khai, ani phi kei awn a täng ah ei awk khai.

1 KORIN 8:3

Cun ung phi Khanpughi m’hni ciah chang cu Khanpughi naw hmuhmat ci.

HEBRU 3:7

Cun ah kyasei Mumcha Theing naw a pyein cu, “Khanpughi ah k’aw Nangmi naw tuhngawi nami ng’yak ah a kyak ung kä nami ling keng vai,

JOHAN 5:25

Kei naw akcang ka pyein cu, akhin gawk law pyi ci, chang si gui naw Khanpughi ah A Htapa ah k’o ng’ya u netah, ghin nak ami gah nak ba vai ah akhin cu, tuhbäi gawk law pyi ci nei.

JOHAN 8:12

Bawipa Jesuh naw, Pharise gui-am,” Kei cu khomdek khan ah akdei ah ka kyak ci, kei ah hnu ah na läk ciah chang cu ghin nak akdei gah khai, a i yah ung phi kho hmüp khui ung kä hteit ba khai”, cik ci.

KALATIAN 4:9

Tuhbäi ung nangmi naw Khanpughi nami hmat ci — Tuhbäi ung nangmi cu Khanpughi naw ning hmat gui ci — cine ka pyein khai. Cun ah kyasei nangmi naw ak tha kä om sei, m’gein vai ciah kho ng’yo cu, a i ah kyasei nami ng’hlah ba shi hlü ang? A i ah kyasei khoyo ah khlei htein ah nami kyak ba hlü ang?

JOHAN 10:8

Kei ah ma ung lawk ci gui avan cu, m’guk ci gui ah kyak ci, ngami ah ng’thu cu hto gui naw kä ngai ci gui.

JOHAN 12:26

Kei ah bi bi hlük ci naw ka hnu ah na läk khai, kei ah chang cu a hawi ka om ung phi kei awn a täng ah om tuk khai. Kei ah bi bik ci cu Kapa Khanpughi naw m’tamkhah khai nei” cik ci.

JOHAN 8:43

Kei ah thu cu a i ah kyasei kä nami hmat ang ci ung, nangmi ung kei ah ng’thu nami hmat nak vai thagui kä ah om su ah kyak ci.

1 GHANGPUGHANG GUI 18:21

Elijah naw chang gui ah pei ah hteit neta a pyen cu, “Nangmi ah m’lung kyong pyan nak vai cu a i güt lüng khai ang? Bawipa cu Khanpughi ah a kyak ung khawihnah vä; Baala cu khanpughi ah a kyak ung khawihnah vä!” Cun ung phi chang gui cu m’kha ät ah phi kä ng’htau ci gui.

LUKA 9:23

Cun kawn ah Bawipa Jesuh naw chang gui-am, “Kei ah ng’khahpüi ah kya hlük ciah chang naw, amät ah hmawk nawng shüt ne, amät ah kutlam tung cu, ak hnüüp tä kawt netah ka hnu ah na läk sä.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

2 TIMOTHI 2:19

Cun ung phi Khanpughi naw ak khäng ah ling ne ak süm cu kä thüng hlawt ci nei. Cun ah khan ah, “Khanpughi naw a mät ah chang gui cu hmat gui ci nei”, ci la “Bawipa ung khäng pyi ciah pyein ciah chang phung naw cheishoh nak cu a phiawn nak vai nei,” ciah ca cu guk ah kyak ci nei.

JOHAN 21:22

Bawipa Jesuh naw, “Kei ka law ba güt ung ani ghing ne a om vai ah kei naw kang yak hlü ah a kyak ung, nang naw a i na pyein vai kä om ci, ka hnu ah na läk ä” cine pyen nak ci.

LUKA 13:27

Cun ung phi ani naw, “Nangmi a hawi kaa nami lawk ciah kä ka ning hmat gui ci, chang k’she gui a hei ah hteit vä”

MAKUH 8:34

Bawipa Jesuh naw ang düihpüi gui la chang khli gui cu a pei ah khü gui netah, “Kei ah chang ah kya hlük ciah chang naw, amät ah hmawk cu nawng ne, amät ah kutlamtung kawt ne, ka hnu ah ana läk vai.

MATTHE 25:12

Cun ung phi chumah ciah pamihta naw, ‘Nangmi a u gui ang, shoh kä ka ning ak hmawn gui khai nei,’ cine kyak na gui ci.

MATTHE 16:24

Cun kawn ah Bawipa Jesuh naw ang düihpüi gui-am, “Kei awn atäng ah hteit tu hlük ciah chang cu, amät ah ng’yak hlü nawng shüt ne, amät ah kutlam tung kawt netah, ka hnu ah a na läk vai.

MATTHE 7:23

Cun ung phi cun ah chang gui-am, ‘Chang she gui aw, nangmi a i yah ung phi kä ka ning hmat gui man ci nei, ka pei ah kä om ne a hei ah hteit vä!’ cine ka kyak na gui khai.

THU PHLAAN 14:4

Ngami cu hnumi awn kä ng’etsheng man ciah ng’piangmi hta gui ah kya ne, htomehta ah hteh nak päng ah läk tuk ci gui. Ngami cu chang ah hta avan ungka a ghü gui ah kyasei, Khanpughi la Htomehta ung ng’ap ma ci gui ah kyak ci.

LAMKTU 3:23

Cun ah prophet ah ng’thu kä ngai ci phung cu, Khanpughi ah ak chang ung ka m’chah ne k’pai netah m’di khai.”

MAKUH 10:21

Bawipa Jesuh naw ani cu am hni nak awn kheing ne teng netah, “Nang ung tumat nabi vai hlü ba ci, hteit ba ne na khawh avan yoi netah ghawi-pyam ci gui-am na peit gui vai, cun ung nang cu khankho ah bühmang nak om khai. Cun kawn ah ka hnu ah na na läk vai” cine m’cäi ci.

ISAIAH 66:22

Khomdek thai la khankhaw thai cu kei ah huham awn khäng ne a om mäih ah, nangmi htangshon gui la nami ming cu khäng ne om khai nie.