JOHAN 10:25 - Cho Bible Common Language 2016

²⁵ Bawipa Jesuh naw, “Kei naw ka ning n’thein gui pyi ci, cun ung phi nangmi naw kä nami yum ci. Khanpughi ah nam cäi ah kabi nak naw kei ah mawng cu saksi ci.

JOHAN 10:25 Referans Kwoze

JOHAN 10:38

Cun ung vah Kapa cu kei ung om sei, kei cu Kapa ung ka om cu, na mi hmuhmat lawk khai” cik ci.

JOHAN 8:58

Bawipa Jesuh naw, “Kei naw akcang ka pyein cu, Abraham kä ang tüi pha ung kei ka om pyi ci nei” ci na gui ci.

JOHAN 14:11

Kei kapa ung ka om ci, Kapa kei ung om ci, ka cicu yum vä. Kä nami yum ung ka bi gui cu teng netah yum vä.

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

LAMKTU 10:38

Nazaret chang Bawipa Jesuh ah khan ah Khanpughi naw Mumcha Theing la hlüng tai nak a peit ah mawng cu nami hmat pyi ci. Ani cu Khanpughi naw a täng ah om püi sei, hteit shüi shüi ne, khoshe ah ei auk gui ah chang gui m’gein gui ne gaigawng sak gui ci.

JOHAN 20:30

Bawipa Jesuh naw ang düihpüi gui ah ma ah am dang cäicat vai gui, shin ah ca uk ung kä guk tu akda om ci.

JOHAN 12:37

Ami hmuh vai ah cäi aih vai gui m’dang sei phi ngami naw kä yum ci gui.

JOHAN 11:47

Cun ah kyasei, taigü ng’vai gui la pharise gui naw ng’cuh u ne kawngsi ah hteit u netah,” Shin ah chang naw cäi aih vai gui akda bi pyi ci, mikmi naw a i kä bi ne mi om khai ma?

JOHAN 10:32

Bawipa Jesuh naw, “Kapa naw na tüi täk sei, kei naw akni gui ka bi pyi ci, cun gui yung kaa a i ah phäh ah, kei lung awn nami na vawih hlü ang?” cik ci.

JOHAN 8:24

Cun ah kyasei nangmi cu, nami katnak awn nami sik khai, “Kei cu kei ah ka kyak ci” ka cicu kä nami yum ah a kyak ung nami kat nak awn nami sik khai” cine pyen na gui ci.

JOHAN 8:12

Bawipa Jesuh naw, Pharise gui-am,” Kei cu khomdek khan ah akdei ah ka kyak ci, kei ah hnu ah na läk ciah chang cu ghin nak akdei gah khai, a i yah ung phi kho hmüp khui ung kä hteit ba khai”, cik ci.

JOHAN 7:31

Chang khli ungka akda naw Bawipa Jesuh cu, yum law u netah, “Messiah a kyum law ung, shin ah chang ah bilawh ah mä, däm pi ciah cäi aih gui vai cu m’dang lawk khai ang? cine ng’shik ci gui.

JOHAN 3:2

“Rabbi, nang cu Khanpughi ah tüih law ah saya ah na kyak ciah kami hmat ci nei. A i ah kyasei ci ung, Khanpughi naw a täng ah kä a om püi ah chang naw, nang ah bi ah cäi aih gui vai cu kä bi hlawt khai nei” cine pyein ci.

LAMKTU 2:22

“Israel chang gui kei ah ng’thu cu ngai yawp vä, Khanpughi naw cäi aih gui vai lah ngaih khit gui vai ah Nazaret chang Bawipa Jesuh ah m’khüt näng nak cu ani awn m’dang pyi ci nei. Cun ah amawng gui cu nami ng’lung ah ng’dang pyi ci kiah seih nami van naw nami hmat yawp pyi ci.

JOHAN 8:56

Nami pa Abraham cu kei ka law vai ah a khin hmu lawk khai kya ne yei ci, acun hmu tuk cang ci kya ne yeikyai ci,” ci na gui ci.

JOHAN 10:37

Kapa ah ng’yak hlü ah kä ka bi ung kä nami na yum vai, kabi ung kei kä nami na yum ung phi kabilawh cu nami yum vai.