JOHAN 10:18 - Cho Bible Common Language 2016

¹⁸ A u naw ghin nak kä na peit sak ci, ka mät ah ngaih ah ka peit ah kyak ci. Kei ung ghin nak ka peit nak hning la ka gah nak ba hning om ci. Cun ah ka bi vai ah Kapa naw ana täk ah kyak ci.

JOHAN 10:18 Referans Kwoze

HEBRU 2:9

Cun ung phi mikmi ah hmuh cu, Khanpughi ah m’gein nak awn chang van ah hmawk ah sik khai ah, khanchang gui ah mä a shänghta ng’neim sak nak gah ciah, Bawipa Jesuh ah kyak ci. A ni cu sih nak a aut ah hmawk ah bäkhäk nak la m’tamkhah nak awn be sei tuhbäi mi hmuk ci.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

JOHAN 10:17

Kei cu ghin nak gah ba vai ah hmawk ah ka ghin nak ka pek ci kia sei, Kapa naw kei cu nam hni ci.

JOHAN 14:31

Cun ung phi kei naw Kapa kam hni cu m’dek chang avan naw a hmat vai nei, Kei naw Kapa cu m’hni ne a nam cäi phung avan ka bik ci, ‘Law vä a hei ah mi hteit kaw’ cik ci.

JOHAN 6:38

A i ah kyasei ci ung, kei cu kamät ah ng’yak hlü ka bik khai ah khankho ah kaa ka kyum lawk ciah kä kyak ci, na tüi lawk ciah ng’yak hlü ka bik khai ah ka kyum lawk ciah kyak ci.

JOHAN 15:10

Kei naw Kapa ah thukhän läk ne ani ah m’hni ah ka om ah mäih ah, kei ah thukhän nami läk ung kei ah m’hni ah nami om khai.

JOHAN 10:11

“Kei cu Htoshäm Ni ah ka kyak ci. Htoshäm ni cu hto gui ah hmawk ah a hnun ghin nak phi pek ci.

LAMKTU 3:15

Ghin nak pe hning ciah Bawipa cu na mi ngawn pyi ci, cun ung phi Khanpughi naw sih nak nung ka thawh ba sak pyi ci, cun cu kei mi naw kami mik awn kami hmuk ci.

LAMKTU 2:24

Cung ung phi ani cu sih nak naw shung neh kä m’khüt ci, Khanpughi naw sih nak ah hlüng tai nak ung ka’ phiawn neh thawh ba sak pyi ci.

JOHAN 5:30

“Ka mät ah m’khüt näng nak awn a i kä ka bi hning ci, Khanpughi ah nam cäi ah mäih ah m’khoichaa nak ka bik ci. Ka mät ah ng’yak hlü ah ka bi vai ah kä ka tha nak ci, na tüi lawk ciah ang yak hlü bäng ah bi ka bik ci; cun ah kyasei kei ah m’khoichaa nak cu düng ci.

LAMKTU 2:32

Khanpughi naw Bawipa Jesuh sih nak ung ka athawh ba sak ah a mawng ung mikmi cu mi van saksi ah mi kyak ci.

JOHAN 19:11

Bawipa Jesuh naw, “Kei ah khan ah cun ah na bi nak hning vai cu, Khanpughi ah ning peit ah kyak ci. Nang ah kut ung kei na ap lawk ciah chang cu a katnak däm pi ci” cine pyen nak ci.

JOHAN 5:26

Apa cu ghin nak ah a phung ah a kyak ah mäih ah A Htapa cun phi, ghin nak ah a phung ah a kyak vai ah ap pyi ci nei.