JOHAN 10:10 - Cho Bible Common Language 2016

¹⁰ M’guk ei cu, m’guk khai, ngawn khai, plawhsheh khai ah lawk ci. Kei läi cu nangmi naw ghin nak nami gah vai la ghin nak akümbe vai ah ka lawk ci.

JOHAN 10:10 Referans Kwoze

LUKA 19:10

Chang ah Htapa cu maih ciah chang gui shui ba gui ne hun gui khai ah kyum lawk ci nei” cine Zakhaeus-am pyen nak ci.

JOHAN 6:51

Kei cu khankho ah kaa kya lawk ciah ghing ciah m’htut ah ka kyak ci. Cun ah m’htut ei ciah chang phung cu, angtäi ah ghing khai. Kei naw ka ning peit gui ah m’htut cu, khomdek chang gui naw ghin nak ami gah nak vai ah, ka sa ah kyak ci,” cine m’thein gui ci.

JOHAN 12:47

Kei ah ng’thu ng’ya lang ne kä läk ciah chang cu kei naw m’khoichaa nak kä ka pek khai; kei cu m’dek khan kam khoichak khai ah kä ka lawk ci, ka hun khai ah ka lawk ci.

JOHAN 6:33

Khanpughi ah na peit gui ah m’htut cu, khankho ah kaa kyum law ne, khomdek chang gui-am ghin nak pe gui ciah kyak ci,” ci ne m’thein gui ci.

JOHAN 3:17

Khanpughi naw A Htapa am kyum law cu, khomdek khan ah kat nak m’kat khai ah kä kyak ci, hun phiawn nak pek khai ah kyak ci.

1 TIMOTHI 1:15

‘Bawi Khrih Jesuh cu cheishoh ci gui hun khai ah khmodek khan ah kium lawk ci,’ ciah thu cu düng ciah thu ah kyasei, ak be ah dou ne yum vai ah kya ci. Kei cu ak shekha pi ah ka kyak ci,

JOHAN 10:1

Bawipa Jesuh naw, “Kei naw akcang ka pyein cu, htochaam ah kyong ah m’kawt ung kä lut ne, a hei lam ung lut cicu m’guk ei ah kiak ci.

MATTHE 20:28

Chang ah Htapa cu chang ah m’htei vai ah lawk ciah kä kyak ci, chang m’htei khai la, a hnun gui pe ne chang avan hun phiawn khai ah lawk ciah kyak ci, nangmi cu acun ah mäih ah nami kyak vai,” cine m’cäi gui ci.

HEBRU 7:25

Cun ah kyasei ani ah ang ming ung Khanpughi ah lawk ciah chang gui phung angtäi sei hun gui ci. A i ah kyasei ci ung Bawipa cu cun ah chang gui ah hmawk ah Khanpughi ah ng’coi ng’pak khai ah, angtäi ah a ghin ah hmawk ah kyak ci.

ISAIAH 56:11

Ngami cu sokang aih ne a phü kä ng’yak ciah ui gui awn täng ci gui. Shinah ng’vai gui ng hmuh hmat nak a i kä om ci. Ngami a chang sing naw ami mät ah m’hni bi u ne, ami mät ah hmawk bäng shui ci gui.

2 PETER 1:11

Cun ah kyasei nangmi cu, Hunbawi Jesuh Khrit ah ng’täi ciah Uknak Kho ung luh nak vai ah ng’düng nak cu nami gah khai nei.

HEBRU 6:17

Khanpughi naw amä ah ng’bü nak kä am thawnghlai phung vai ah mawng cu, a shaitaak nak gah ciah chang gui ang hteiing ah m’dang gui hlük ci. Cun ah kyasei ng’phyun ne shai a taak ah kyak ci.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

ROMAN 2:21

Nang naw chang m’theithang lang ne, a i ah kya sei na mät naw na mät kä nam theithang ang! Nang cu chang kä a m’guuk vai ah m’theithang lang ne, a i ah kya sei na mät nam guuk ang!

HOSEA 7:1

“Kei naw ka chang Israel gui ka gai sak hlü gui laka bühmang ba sak hlü gui päng ung kei naw ami cheishoh nak la akshe ami gui avan ka hmuk ci. Ngami cu tumat la tumat ng’hleeihlak tuk ci gui. Ngami im gäi ne lut ne m’guk ci gui. Ngami naw lam ung chang guttep ci gui.

MATTHE 18:10

“Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.

MAKUH 11:17

Cun kawn ah Bawipa Jesuh naw, “Cacim ung Khanpughi naw, ‘Kei ah pum im cu kho nüng ung, chang päng ah taigü nak ah mang im ah sui vai’ ciah om ci. Cun ung phi nangmi naw m’guk ei ah ng’thuh nak ah im ah nami pyang pyi ci nei” cine chang gui cu m’cäi ne m’thein gui ci.

JOHAN 12:6

Ani naw acun ah a pyein cu, pyamthaam ci gui am gein gui su ah kä kyak ci, m’gu man te ci kya netah acun ah a pyein ah kyak ci. Ani cu ngui ng’ip k’bah ci kya ne ngui m’gu ne mang ci ci.

MATTHE 21:13

Cun kawn ah Bawipa Jesuh naw, “Cacim ung Khanpughi naw, ‘Ka pum im cu taigü nak ah im ah kya ci nei,’ cik ci. Cun ung phi nangmi naw m’guk ei ah ng’thuh nak ah nami pyang ci nei,” cine kyak na gui ci.

JOHAN 5:40

Cun ung phi nangmi cu angtäi ghin nak gah vai ah kei ah kä nami law hlük ci.

JOHAN 10:11

“Kei cu Htoshäm Ni ah ka kyak ci. Htoshäm ni cu hto gui ah hmawk ah a hnun ghin nak phi pek ci.

MATTHE 18:11

(Chang ah Htapa cu maih ciah chang gui hun khai ah lawk ci.)