JOHAN 1:50 - Cho Bible Common Language 2016

⁵⁰ Bawipa Jesuh naw, Ani-am, “Thei ghing kaa ah om ci sei, ka ning hmuk ci, ka ciah hmawk ah na na yum ci ma? Cun ah tah cäicat pi gui vai na hmu lawk khai nei” cik ci.

JOHAN 1:50 Referans Kwoze

JOHAN 11:40

Bawipa Jesuh naw, “Nang naw na yum ah a kyak ung Khanpughi ah bämang nak na hmuk khai nei, cine ka pyein ciah kä kya ne ma? cik ci.

JOHAN 20:29

Bawipa Jesuh naw, “Nang naw kei cu hmu netah na na yum ci, kei kä na hmuh ah na yum ci gui ah khan ah yeikyai nak be ci nei” cine pyein ci.

LUKA 1:45

Khanpughi ah ng’thu akcang ah bä lawk khai cine, na yum ah hmawk ah nak khan ah yeikyai nak om ci nei” cine m’lau ne pyein ci.

MATTHE 25:29

Bühmang cicu peit ba mä ung bühmang law pi täi khai, cun ung phi ghawi-pyam ciah kaa cu, ak om hta phi lak peit yawp vai.

LUKA 7:9

Gabawi ah ng’thu ng’ya netah, Bawipa Jesuh cu cäicat ne chang gui teng gui netah, ani ah mäih ah yum ci cu, Israel chang gui ung phi kä ka hmu phak ci nei” cik ci.

MATTHE 13:12

Khawh tak ciah chang cu k’be ba mä sei da law pi khai, khawh kä tak ciah chang cu ak om hta phi lak pe yawp khai.

MATTHE 21:19

Lam pei ah baangghing tumat om sei a pei ah hteit ne teng ci. Cun ah baangghing cu käm theih ah a hnah gui bäng om ci. BawipaJesuh naw cun ah baangghing cu tawk ne, “Nang cu a ngawi ah phi kä nam theih khai,” cine taam khätah, acun vai-am cun baangghing cu ng’yai ne chawng ci.

JOHAN 1:49

Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.

JOHAN 1:51

Bawipa Jesuh naw, “Kei naw akcang ka pyein cu, Khankho m’kawt hmawng law khätah chang ah Htapa ah khan ah khankho chang gui kyum kai u sei nami hmu lawk khai nei” ci na gui ci.