JOHAN 1:48 - Cho Bible Common Language 2016

⁴⁸ Nahtanelah naw, “A i hawkcha ah kei na na hmat ang?” cine ng’shik ci. Bawipa Jesuh naw, “Philip naw kä a ning khü pha ung, kthei ghing kaa ah om ci sei, ka ning hmuk ci nei” cik ci.

JOHAN 1:48 Referans Kwoze

ISAIAH 65:24

Kei ah ami taigü law kä ang pha ung, ngami ah taigü cu kei naw ka m’shang khai.

JOHAN 2:25

Ani naw ngami ah m’lung ngaih hmat gui yawp ci kya ne, ngami ah mawng cu a u naw am thein vai kä hlü ci.

MATTHE 6:6

Cun ah kyasei nangmi cu na mi taigü ung, kyong ah lut ba ne shoh khai netah, mik awn kä hmuh ah nami pa ah nami taigü vai. Kä dang khai ah bi cu hmuh thei ciah nami pa naw m’cümhnah nak ning pe gui khai.

1 KORIN 14:25

Acun ah ang yak tu gui naw ani cu ng’thumcha sei, ani ah m’yih ne ang ngaih-tüh gui cu avan ng’dang sei, “Khanpughi cu nami ng’lung ah akcang ah om ci nei” cine ng’kyaa ne, m’khuukdoong ne, Khanpughi cu khawihnah khai nei.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

MATTHE 10:3

Philip la Bartolome; Thomas la Matthe akhawn look; Alphaeus ah hta James la Thaddaeus;

JOHAN 1:44

(Philip cu Andrew la Peter ah om nak Bethsaida kho ah kaa ah kyak ci.)

JOHAN 6:5

Bawipa Jesuh naw a pei ah chang akda a law hmu netah, “Chang shikchü naw a ei vai a hawi khleih vai ang?” cine Philip cu ng’shik ci.

JOHAN 6:7

Philip naw, “Ngui phia-goi phu khleih ung phi, chang shikchü naw api ciah phi käng küh khai gui nei” cine pyein ci.

JOHAN 12:21

Ngami cu Philip (Kalile kho Bethsaida ah kaa) ah hteit u netah, “Saya, Keimi maw, Bawipa Jesuh kami hmu hlük ci” cine pyein ci gui.

JOHAN 14:8

Philip naw, “Bawipa, Mipa cu nam hmuh gui ä, cun cu kami van ah ng’yak hlü ah kyak ci nei” cine k’thäh ci.