JOHAN 1:44 - Cho Bible Common Language 2016

⁴⁴ (Philip cu Andrew la Peter ah om nak Bethsaida kho ah kaa ah kyak ci.)

JOHAN 1:44 Referans Kwoze

JOHAN 12:21

Ngami cu Philip (Kalile kho Bethsaida ah kaa) ah hteit u netah, “Saya, Keimi maw, Bawipa Jesuh kami hmu hlük ci” cine pyein ci gui.

MATTHE 11:21

“Aw Khorayin gawnu, nang cu thüisei nak om ci. Aw Bethsaidah gawnu, nang phi thüisei nak om ci. Nangmi ung kamdang ah cäi aih gui vai cu, Tire la Sidon ung kamdang vai sü ung, ngami cu cau pui, katnak ungka ng’yu nak ah sui sui ne, m’vut awn ng’hluk ne ami katnak ungka ng’yu ba khai sü gui te.

LUKA 10:13

Aw Chorayin! Nang ah phäh ah kyikyawk aih vai kyak ci nei, Aw Bethsaida! Nang ah phäh ah phi kyikyawk aih vai kyak ci nei. Nangmi ung bilawh gui ah cäi aih vai gui cu, Tire la Sidon gawnu gui ung bilawh vai sü ung, cun ah gawnu gui cu a cau ä pui ge ung ng’yu nak sui sui ne m’vut khui ung ngo ne ng’yu ba pyi khai sü gui ah kyak ci.

LUKA 9:10

Ang düihpüi gui cu law ba u ne ami bilawh gui avan cu Bawipa Jesuh-am m’thein law ba ci gui. Bawipa Jesuh naw ngami cu Bethsaida gawnu ah khü ne hteh püi gui ci.

MAKUH 8:22

Bawipa Jesuh la ang düihpüi gui cu Bethsaida pigaw ah gawk lawk ci gui. Cun yah ung chang gui naw a mik m’dauh tumat cu law püi u netah, ani cu a kut awn tawk ne a gai sak vai ah ng’yoi ci gui.

MAKUH 6:45

Cun kawn ah Bawipa Jesuh naw chang gui cu ami im ah tüi ba gui netah, acun vai-am ang düihpüi gui cu hleiko ung kai ba sak gui ne, tuili ah vang ga Bethsaida ah heik hma ba gui ci.

MAKUH 3:18

Andru, Philip, Bartholome, Matthe, Thomas, James (Alphaeus ah hta), Thaddaeus, Simon (küi khän nak om ci), la

MATTHE 10:3

Philip la Bartolome; Thomas la Matthe akhawn look; Alphaeus ah hta James la Thaddaeus;

LAMKTU 1:13

Ngah mi cu pigaw ah gawk u ne tah, ami im kai ah im kyawng ah lut ci gui: cun gui cu, Peter, Johan, James, Andru, Philip, Thomas, Bartholome, Matthe, Alfeas ah hta James, Simon ak ling lah James ah hta Judas gui ah kyak ci.

LUKA 6:14

Cun ah gha-lei-goi gui cu; Peter ah a sui ah Simon, anau Andrew, James la Johan, Philip la Batholome;

JOHAN 1:43

A ngawi ung Bawipa Jesuh cu Kalile kho ah a hteh nak ba ah, Philip cu hmu netah, “Na läk ä” cik ci.

JOHAN 1:45

Philip naw Nahtanelah hmu netah, “Moses naw thukhän ung a guk la, Profet gui naw ami guk ah mäih ah, Nazaret kho ah kaa Josef ah hta Jesuh cu, ni hmu pyi ci nei” cik ci.

JOHAN 1:46

Nahtanelah naw, “Nazaret ungka akni ng’tüisho hning khai ma?” ci khätah, Philip naw, “Law ne teng lawä” cik ci.

JOHAN 1:48

Nahtanelah naw, “A i hawkcha ah kei na na hmat ang?” cine ng’shik ci. Bawipa Jesuh naw, “Philip naw kä a ning khü pha ung, kthei ghing kaa ah om ci sei, ka ning hmuk ci nei” cik ci.

JOHAN 6:5

Bawipa Jesuh naw a pei ah chang akda a law hmu netah, “Chang shikchü naw a ei vai a hawi khleih vai ang?” cine Philip cu ng’shik ci.

JOHAN 6:7

Philip naw, “Ngui phia-goi phu khleih ung phi, chang shikchü naw api ciah phi käng küh khai gui nei” cine pyein ci.

JOHAN 12:22

Philip naw Andaru ah hteit ne acun ah a mawng cu m’thein tu khätah, ngani cu Bawipa Jesuh ah teit ni ne acun ah a mawng cu pyein ci goi.