JOHAN 1:43 - Cho Bible Common Language 2016

⁴³ A ngawi ung Bawipa Jesuh cu Kalile kho ah a hteh nak ba ah, Philip cu hmu netah, “Na läk ä” cik ci.

JOHAN 1:43 Referans Kwoze

JOHAN 14:8

Philip naw, “Bawipa, Mipa cu nam hmuh gui ä, cun cu kami van ah ng’yak hlü ah kyak ci nei” cine k’thäh ci.

MATTHE 9:9

Bawipa Jesuh naw cun ungka a hteh nak ba lam ah, ayung kyong ah ngok ciah, akhawn look ciah Matthe cu hmu netah, “Ka hnu ah na läk ä,” cine kyak na sei, Matthe cu tho law ne a hnu ah läk tuk ci.

ISAIAH 65:1

Bawipa naw pyen ci, “Kei cu ka chang gui ah taigü ka m’shang khai ah ka om ci nei, cu mung phi ngami kä taigü ci gu. Kei cu ngami naw ami na hmuh ge vai ah ka om cine, cun ung phi ngami naw kä tha nakci gui. Kei naw angtäi ah ka m’shang gui khai ah om pang ä sei phi, chang pakhui cu kei ah kä taigü lawk ci nei, “Kei shin ung ka om ci, kei naw ka ning m’htei gui khai nei”, ka cik ci.

JOHAN 12:21

Ngami cu Philip (Kalile kho Bethsaida ah kaa) ah hteit u netah, “Saya, Keimi maw, Bawipa Jesuh kami hmu hlük ci” cine pyein ci gui.

1 JOHAN 4:19

Khanpughi naw nam hni gui ma sei, mikmi naw ani cu mi m’hni ci.

JOHAN 6:5

Bawipa Jesuh naw a pei ah chang akda a law hmu netah, “Chang shikchü naw a ei vai a hawi khleih vai ang?” cine Philip cu ng’shik ci.

PHILIPPIAN 3:12

Kei naw cun a ng’cheng cu ka gah pyi ci, ka kümbe pyi ci ciah pyein ah kä kyak ci. Cun ung phi cun ah ng’chuh cu na pek khai ah Bawi Khrit naw kei cu na k’pang pyi ci kya sei, cun ah m’kawt ung gawk ne ng’chuh cu ka dou vai ah kei naw ka k’tha nak ci nei.

JOHAN 1:28

Shin ah bi nak gui avan cu Johan naw tuihnim nak apeit nak Jordan tuinu hei gaa Bethani kho ungka ah kyak ci.

LUKA 19:10

Chang ah Htapa cu maih ciah chang gui shui ba gui ne hun gui khai ah kyum lawk ci nei” cine Zakhaeus-am pyen nak ci.

MATTHE 10:3

Philip la Bartolome; Thomas la Matthe akhawn look; Alphaeus ah hta James la Thaddaeus;

JOHAN 6:7

Philip naw, “Ngui phia-goi phu khleih ung phi, chang shikchü naw api ciah phi käng küh khai gui nei” cine pyein ci.

JOHAN 1:35

A ngawi ung Johan la ang khahpüi goi ami ng’düih yah ung, Bawipa Jesuh a law hmu u netah, Johan naw,

MATTHE 4:12

Bawipa Jesuh cu Johan pha ne ami chum ng’ya netah, kalile kho ah hteit ci.

MATTHE 8:22

Cun ung phi Bawipa Jesuh naw, “Ka hnu ah na läk ä, ak si cu ak si gui naw htüm u sä,” cine pyen nak ci.

JOHAN 1:29

A ngawi ung Bawipa Jesuh a law Johan naw hmu netah, “Teng vä! Ani cu, khomdek khan ah hmakat nak hteh püi ciah Khanpughi ah Htome hta nei.”

JOHAN 1:44

(Philip cu Andrew la Peter ah om nak Bethsaida kho ah kaa ah kyak ci.)

JOHAN 2:11

Cun ah Bawipa Jesuh cu Kalile kho Kana gawnu ah cäi aih vai ah abäimang nak dang law htük khätah, angdüihpüi gui naw yum lawk ci gui.

JOHAN 1:37

Cun a ci ng’ya u netah, ang khahpüi goi cu, Bawipa Jesuh ah a hnu ah läk tuk ci goi.