JOHAN 1:42 - Cho Bible Common Language 2016

⁴² Cun kawn ah Simon cu Bawipa Jesuh ah om nak ah hteh püi ci. Bawipa Jesuh naw, Simon cu hmu law netah, “Nang cu Johan ah hta Simon ah na kyak ci, Cun ung phi tuhbäi ung tün ne, Cephasa (cun cu Peter, ci la lungnu ciah kyak ci) na ming nak khai” cik ci.

JOHAN 1:42 Referans Kwoze

1 KORIN 15:5

Peter ah maa ah ang dang ba ah mawng la ang düihpüi gha-lei-goi ah maa ah ang dang ba ah mawng gui ah kyak ci.

1 KORIN 3:22

Apollos, la Peter ni, shin ah khomdek khan ni, sih nak la ghin nak ni, tuhbäi kaa la ngawi ah kaa vai ni, avan nangmi naw nami khäm ci.

1 KORIN 1:12

Nangmi ungka chang amshah naw kei cu Paul ah nak chang cik ci, amshah naw Apollos ah nak chang cik ci, amshah naw Peter ah nak chang cik ci, amshah naw Bawi Khrit ah nak chang ci sei a heihei ah nami thu om cu ka pyein na kyak ci.

KALATIAN 2:9

Ang vai gui ah kyak ciah James, Peter la Johan ni naw, kei-am Khanpughi naw aküikyang ah ana peit cu na yum pek ci gui. Cun ah kyasei a täng ah bilaw ghawm ah ami k’bäi nak ah, kei la Banabas cu kut ung k’pang ne na yavaih goi ci gui. Kei la Banabas naw khui hei chang gui ng’lung ah ani bi vai la ngami naw Jew chang gui ah ng’lung ah ani bi vai ah kami van naw yum ne kami k’bäi ci.

1 KORIN 9:5

Peter la Bawipa ah nau gui ni, ang düihpüi m’shah gui ni ah mäih ah kei cu ka htehhtawn nak ah ka k’chu ka khahpüi hning ciah kä kya ne ang?

MATTHE 10:2

Ang düihpüi gha-lei-goi ah ami ming gui cu; (Peter ami ciah) Simon la anau Andru; Zebedee ah hta goi James la Johan;

LUKA 5:8

Simon Peter cu acun gui hmu netah Bawipa Jesuh ah ma ah m’kuukdong ne, “Bawipa, kei cu katnak bik ciah chang ah ka kyak ci kyasei, kä na k’et ne a hei ah hteit tei-ä” cik ci.

JOHAN 21:2

Ang dang ba ah mawng cu: Simon Peter, Thomas (ang phi ah ming ci), Nathanaelah (Kalile kho Kana ah kaa), Zebedee ah hta goi la a hei ang düihpüi hnih goi ni gui cu a täng ah om ci gui.

MAKUH 3:16

Bawipa Jesuh naw a ghü gui ah chang sing gha-lei-goi ah ami ming cu; Simon (Bawipa Jesuh naw Peter ah ang ming asui),

JOHAN 13:18

“Nangmi nami van ka ning pyein gui ah kä kyak ci; ka ning ghü gui ah kyasei ka ning hmat gui yawp ci. Cun ung phi cacim ung, “Kei ah buh ei ci naw kei na khep ba ci nei” cicu kümbe khai nei.

LUKA 6:14

Cun ah gha-lei-goi gui cu; Peter ah a sui ah Simon, anau Andrew, James la Johan, Philip la Batholome;

KALATIAN 1:18

Khokum thum a lüng kawn ah kei cu Peter ka hmuk khai ah Jerusalem ah hteit ne, ani awn a täng ah hnüüp gha lei-hma ka om tuk ci.

KALATIAN 2:11

Antiok ung Peter a gawk law yah ung ani ah bilawh cu akcang ah cheishoh ci kyasei, chang gui ah ma ah ani cu m’kat ne ka ng’thu ci.

2 GHANGPUGHANG GUI 5:4

Naaman naw a cun cu ng’ya neta, ghangpughang ah hteit ne, hnumihta ah pyen cu m’thein ci.

JOHAN 4:16

Bawipa Jesuh naw, “Hteit ne na cei va khü baä” cik ci.