JOHAN 1:38 - Cho Bible Common Language 2016

³⁸ Bawipa Jesuh naw ani läk law hmu goi netah, “A i na ni shui ci ang?” cine ng’shi goi ci. Ngani naw, “Rabbi, a hawi na om ci ang?” cine ng’shik ci goi.

JOHAN 1:38 Referans Kwoze

JOHAN 18:7

Bawipa Jesuh naw, “A u nei nami shui” cine ng’shi ba gui mä ci. Ngami naw, “Nazareth Jesuh nei” cine pyein ba ci gui.

JOHAN 3:2

“Rabbi, nang cu Khanpughi ah tüih law ah saya ah na kyak ciah kami hmat ci nei. A i ah kyasei ci ung, Khanpughi naw a täng ah kä a om püi ah chang naw, nang ah bi ah cäi aih gui vai cu kä bi hlawt khai nei” cine pyein ci.

JOHAN 1:49

Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.

NG'THU K'THUUK~ 8:34

Kei na ngai ciah chang cu — A hnüüp tä ka m’kawt pei ah ng’düi ne, ka im kawt ung lut khai ah ngäng ciah chang cu yeikyai nak om khai.

SAM 27:4

Kei naw a mawng tumat Bawipa ah ka ng’zoi ci, Tumat bäng ka ng’yak hlü ah kyak ci: Cun cu Bawipa ah im ung ghin ah chuih ka om vai la ani nak ung cäicat ne, alam shüm nak ka hmuh vai ah kyak ci.

JOHAN 18:4

Bawipa Jesuh naw, amät ah khan ah gawk lawk khai gui avan cu hmat pyi netah, ami ma ah vang phäi ne, “A u ang nami shui” ci ne ng’shi gui ci.

JOHAN 6:25

Chang gui naw Bawipa Jesuh cu tui vang gaa täng ah hmu ba u netah, “Sayapa, a i yah ung shin gaa ah na gawk law ba ci-ang?” ci ne ng’shik ci gui.

JOHAN 3:26

Cun ah kyasei, ngami cu Johan ah law u netah, “Saya, Jordan tuinu hei gaa ah nang ah law man ci, a mawng phi na pyein man ah chang cu, na shüm ba ne ang? Ani naw tuhbäi tuihnim gui sei, chang akda ani ah lawk ci gui nei” ci ci.

LAMKTU 10:29

Cun ah kyasei, kei cu na khü ci sei kä shokshü ne ka lawk ci, kei nah na khü ah mawng cu pyein law shüm ä” cine pyen nak ci.

JOHAN 12:21

Ngami cu Philip (Kalile kho Bethsaida ah kaa) ah hteit u netah, “Saya, Keimi maw, Bawipa Jesuh kami hmu hlük ci” cine pyein ci gui.

LUKA 19:5

Bawipa Jesuh cu acun ung a gawk law ung sing ah khan ah han dan netah, “Zakhaeus, a tuhbäi kyum law ba ä, tuhngawi nang ah im ah ka kai lawk khai nei” cik ci.

LAMKTU 10:21

Cun ah kyasei Peter cu lut law netah, “Nangmi naw nami shui ah chang cu kei nei, a i a mawng om sei nami lawk ci ang?” cine ng’shi gui ci.

LUKA 22:61

Bawipa naw a mang law ne Peter cu m’htei ne teng ci. Cun hmu netah, Peter naw, “Hngeng mü ai kä a khon phaa ung nang naw, ‘Ani kä ka hmat ci nei’ cine thum vei na na mak khai” ci ne Bawipa ah pyein cu shüm ba ci.

LUKA 15:20

Cun kawn ah ng’düi law ne apa ah om nak ah hteit ba ci. Ashou nak pui ah ana a vü ba cu apa naw hmu netah, ang htei ah m’gein ne dou law ne kyap ne ng’ui ci.

LUKA 14:25

Hnü ät tung chang khli cu ani awn a täng ah law tu u khätah, va mang ba netah, Bawipa Jesuh naw,

LUKA 10:39

Mahta ung Mari ming nak ciah a nau tumat om ci. Ani cu Bawipa ah pei ah ngo ne ang thu ngai ci.

LUKA 8:38

Khoshe phiawn nak ciah chang naw Bawipa a hnu ah läk tuk khai ah pyein lawk ci.

NG'THU K'THUUK~ 13:20

Cüivai ci awn ng’khawtsheng cicu cüivai lawk ci, Chang kaa awn ng’khawtsheng cicu dishum thei ci.

NG'THU K'THUUK~ 3:18

Cüivai ciah chang gui cu yeikyai ci gui, cüivai nak naw ghin nak pe gui ci.

RUT 1:16

Cun ung phi Ruth naw, “ka ning nawng vai ah kä na pyen vai nei! Na hteh nak päng ah, ka hteit tuk khai nei; Na om nak päng ah ka om tuk khai nei. Na chang gui cu ka chang na tuk khai, na Khanpughi cu ka Khanpughi na tuk khai.

1 GHANGPUGHANG GUI 10:8

Na chu gui cu bä aih ci gui nei! Na changshäm gui cu bä aih ci gui nei, ngami cu angtäi sei na pei ah om ci gui, cüivai ciah na ng’thu cu ng’ya khenggeng ci gui nei!

NG’ÄI KYAH 5:19

Cun ung phi nang, O, Bawipa, nang cu khonglän ung ghangpughang ah na kyak ci nei. Nang naw khaw akhin ang pyi nak ung khüt sei na uk khai nei.

JOHAN 1:37

Cun a ci ng’ya u netah, ang khahpüi goi cu, Bawipa Jesuh ah a hnu ah läk tuk ci goi.

JOHAN 1:39

Bawipa Jesuh naw, “Law ne teng law niä,” ci sei, a hnu ah hteit tu ne, a om nak ah gawk tu ni netah, mü ne om tuk ci goi.

JOHAN 4:31

Acun yah ung angdüihpüi gui naw, “Sayapa, ei ei toä” cik ci gui.