JOHAN 1:3 - Cho Bible Common Language 2016

³ Khanpughi naw Thu awn ang tüi avan tüisho ci.

JOHAN 1:3 Referans Kwoze

1 KORIN 8:6

Mikmi ung mi Pa Khanpughi tumat bäng om ci, ani cu avan tüisho ciah Pushihpi ah kyak ci, ani ah hmawk ah mikmi cu mi ghing ci: Mik mi ung Bawipa tumat bäng om ci, cun cu Jesuh Khrit ah kyak ci, ani naw a päng avan cu tüisho sei, ani ung mi ghing ci.

THU PHLAAN 4:11

“Kami Bawipa, Khanpughi, Nang naw ang tüi avan cu na tüisho ciah kyasei, Nang ah ng’yak hlü ah ang tüi cu ghing om ciah kya ci. Cun ah kyasei bühmang nak, küikyang nak, hlüngtai nak gui cu Nang awn khinkhaa ci nei” ci ne pyein ci gui.

SAM 33:6

Bawipa naw khankho cu ang thumkhän awn tüisho ci, Hni, cha, aisi gui phi ang thu awn tüisho ci.

ATÜNNAK 1:26

Cun kawn ah Khanpughi naw, “Hniciim chang cu mi mät ah müi ah mäih ah mi tüisho khai; ngami naw nga gui ni, kha gui ni, akghing nü avan cu uk khai gui” cik ci.

JOHAN 1:10

Thu cu khomdek khan ah om pyi ci. Khanpughi naw ani awn khomdek phi tüisho pyi ci.

ISAIAH 45:18

Bawipa naw khankho gui tüisho ci ani tumat bäng khanpughi ah kyak ci! Ani naw m’dek cu m’hnüm ne pyang ci ani naw müi ne khäng khai ah pyang ci. Ani naw khaw k’shiu ah a pyan ah kä kyak ci, chang ah om nak ah hmun ah a pyan ah kyak ci. Ani naw thu a pyen cu, “Kei cu Bawipa nei, a hei khanpughi kä om ci nei.

ISAIAH 45:12

Kei cu khomdek tüi pyang ciah ka kyak ci, a cun ung om ciah hmun ung chang phi ka tuisho ci. Ka huham awn khankho cu k’phiäh ne, hni, cha, aisi gui cu ka kut shum ci.

SAM 102:25

Cau pui pui nang naw khomdek cu na tüisho ci, na mät ah kut awn khankho cu na pyang ci.

EPHESIAN 3:9

Khanpughi ah thuuk ciah ng’bü nak cu, a i cha dang lawk khai ci cu, chang gui naw ami hmuhmat vai ah m’thein m’kaan nak vai ah a khin ni cu kei am na pek ci nei. Ang tüi avan tüipian ciah Khanpughi naw cau pui pui ung cun ah ak thuuk kau gui cu, a thuh te ah kyak ci.

ATÜNNAK 1:1

Akhtük bäih ah Khanpughi naw khankho la khomdek cu tüisho ci.

NG'THU K'THUUK~ 8:30

Kei cu a hta m’shum ah mäih ah a pei ah ka om ci, Kei cu, ani ah a hnüüp tä ayei nak ah ang yung ah ka kyak ci, ani ah ma ah ak’phlüt sei ka yeikyai ci.

JOHAN 1:2

Akhtük bäih ung Thu cu Khanpughi awn a täng ah om ci.

HEBRU 11:3

Kä hmuh hning ungka naw hmuh hning ah dang lawk khai ah Khanpughi naw ang thuküi awn Khopuui atüisho cu, yum nak awn mi hmat ah kyak ci.

1 JOHAN 5:1

Bawi Jesuh cu Messiah nei cine yum ciah chang phung cu, Khanpughi ah hta ah kyak ci. Pa Khanpughi m’hni ciah chang naw ani ah a hta cun phi m’hni ci.

THU PHLAAN 3:14

“Laodicea Khrithabum ah khankho chang-am ca gu ne peit law nei: “Shin ah ca cu Khanpughi ah tüisho gui ung om-maa ah kya ne, bekhüt ne, saksi akcang ah kyak ciah Amen ah m’cäi nak ah kiak ci.