JOHAN 1:16 - Cho Bible Common Language 2016

¹⁶ Ani cu m’geinsei nak awn kümbe ne, chang van tumat täi-am m’shumphyuk nak na pe gui ci.

JOHAN 1:16 Referans Kwoze

KOLOSE 1:19

Cun cu amät Khanpughi ah m’hnütbäi ah kyasei, amät Khanpughi ah kümbe ciah a müi cu A Htapa ung om ci.

ROMAN 5:2

Mikmi naw Jesuh Khrit cu mi yum ci kya sei, ani naw mikmi am, Khanpughi ah m’geinsei nak cu na hmat sak gui ci. Tuk bäi cun ah m’geinsei nak cu mi gah u ne, Khanpughi ah hlüngtai nak gah vai cun-phi ngaih gep nak om sei mi yeikyai ci.

EPHESIAN 3:19

Ani ah m’hni nak cu nami hmat lawk khai, cun ung phi kümbe khai ah a i yah ung phi kä nami hmat hlawt khai — cun ah kiasei Khanpughi ung yungpyaa ne khänghtek vai ah ng’hläm ne nami ngaih gep vai nei.

EPHESIAN 1:23

Khrithabum cu Bawi Khrit ah pumsa ah kya ci kyasei a päng avan cu amät ah kümbe nak awn kümbe sak ci.

ROMAN 5:17

Chang tumat ah katnak naw sih nak awn uk ne a khüm ah a kyak ung, A hei chang tumat ah kyak ciah Jesuh Khrit ah bilawh ah mawng cu a i hlawk ah hlüngtai khai ang! Khanpughi ah bäkhäk ciah am gein nak la, Khanpughi ah ma ah düng nak ah am gein nak, gah ciah chang gui cu, Jesuh Khrit ung ghing ne, näng ne om khai gui nei.

JOHAN 3:34

Khanpughi naw a tüih law cu Mumcha awn pleip khai ah akbe ah kia ne, ani cu Khanpughi ah ng’thu bäng pyein ci.

1 PETER 1:2

Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.

MATTHE 13:12

Khawh tak ciah chang cu k’be ba mä sei da law pi khai, khawh kä tak ciah chang cu ak om hta phi lak pe yawp khai.

KOLOSE 2:3

Ani cu thup ne m’küm ah Khanpughi ah cüivai nak la lunglang nak avan k’hmawn nak ah kyak ci.

ROMAN 8:9

Cun ung phi Khanpughi ah Mumcha cu nang mi ung akcang ah om ciah a kyak ung, hnicim chang ah m’cäi ah kä om u ne, Mumcha Theing ah m’cäi ah nami om vai. Bawi Khrit ah Mumcha ah kä om nak ah chang cu Bawi Khrit awn kä ng’phaa ci.

LUKA 21:15

A i ah kyasei ci ung nami gaa naw kä a ning m’khüt gui vai ah hmuhmat nak la ng’thu m’gawng thei nak cu ka ning pe gui khai.

MATTHE 3:14

Cun ung phi Johan naw, “Kei cu nang naw tuinim nak na na pek khai ah kyak ci, cun ung phi kei ah nang na lawk ci ma?” cine ana maa nak ci.

MATTHE 3:11

Nangmi nami ng’yu ba ah hmawk ah tui awn tuihnim nak ka ning pe gui ci, Kei ah ka hnu ah lawk ciah Bawipa naw Mumcha Theing la mei awn hnim nak ning pe gui khai. Ani cu kei ah mä hlüngtai pi ci, Kei cu ani ah phahnak phi ka kawt khai ah kä ka khin ci.

ZEKHARIAH 4:7

Khomhtung teih ah däm ciah tüihtok nak gui cu nang ah ma ah maih yawp khai. Nang naw Taigüim cu na co ba khai. Nang naw ak hnukbäih ah lung cu a hmun ung na ng’lin yah ung, chang gui m’lau u ne, ‘Kiom ci nei! Kiom ci nei!’ ” cik khai gui.

1 PETER 1:11

Cun ah m’gein nak cu a i ah khin ung, a i chaa ah gawk lawk khai ci cu ami hmat vai ah k’tha na man ci gui. Ngami ung om ciah Bawi Khrit ah Mumcha naw, cun ah khin ung a geinvai nak vai ah mawng la, cun kawn ah agawk nak vai ah bämang nak ah mawng cu ng’daut ne dang sak ci.

ROMAN 5:20

Cheishoh nak ada law pi vai ah Khanpughi naw thukhän cu am hnüt ah kyak ci. Cun ung phi katnak ada law pi ung Khanpughi ah m’gein nak cun phi däm law pi ci.

SAM 84:7

Ngami cu gai law pi pi ne hteit ci gui; Ngami naw Zion mang gaw ung khanpughi gui ah Khanpughi cu hmuk khai gui nei.