JOHAN 1:14 - Cho Bible Common Language 2016

¹⁴ Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

JOHAN 1:14 Referans Kwoze

1 JOHAN 4:9

Ahtapa awn ghin nak mi gah vai ah Khanpughi naw tumat bäng ah Ahtapa cu khomdek khan ah yuk m’kyum lawk ci, Acun ung Khanpughi naw anam hni nak gui cu dang ci.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

JOHAN 1:1

Khomdek kä a ng’tüi pha ung Thu cu om ci. Thu cu Khanpughi awn a täng ah om ci. Thu cu Khanpughi ah phi kya ci.

KALATIAN 4:4

Cun ung phi ak hnu ah akhin küm law khätah, Khanpughi naw Ahtapa cu yuk m’kyum lawk ci. Ani cu hnicim chang nu nah ne ng’tüi law ne, Jew gui ah thukhän kaa ah om lawk ci;

ISAIAH 40:5

Bawipa ah bäimang nak cu m’than lawk khai, hnicim chang avan naw hmuk khai. Shin cu Bawipa amät ah shaitak ah kyak ci nei.”

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

JOHAN 6:51

Kei cu khankho ah kaa kya lawk ciah ghing ciah m’htut ah ka kyak ci. Cun ah m’htut ei ciah chang phung cu, angtäi ah ghing khai. Kei naw ka ning peit gui ah m’htut cu, khomdek chang gui naw ghin nak ami gah nak vai ah, ka sa ah kyak ci,” cine m’thein gui ci.

KOLOSE 1:19

Cun cu amät Khanpughi ah m’hnütbäi ah kyasei, amät Khanpughi ah kümbe ciah a müi cu A Htapa ung om ci.

1 KORIN 15:47

Ak htük bäih Adam cu khodek a pyan ah kya ne, khodek ungka lawk ciah kyak ci; Ak hnih nak Adam cu Khankho ah kaa lawk ciah kyak ci.

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

ISAIAH 7:14

Bä khai, Bawipa amät naw m’hnüt nak ning pek khai: hmumihta cu käu mah ne pamihta ah hta lawk khai, aming cu ‘Immanuel’ ah sui khai gui.

SAM 2:7

Ghangpughang naw, “Bawipa ah thu m’shäk cu kei naw ka ng’shäu khai. Ani naw kei am, “Nang cu ka ning htapa nei, Tuhngawi kei cu nang ah Pa ah ka kyak ci nei.

1 JOHAN 4:14

Khomdek chang gui ah Hunbawi ah kyak khai ah Khanpughi naw Ahtapa am kyum law cu mi hmu ne mi ng’shäu ah kyak ci nei.

KOLOSE 2:9

Khanpughi ah ang yung a mawng akümbe nak cu, Bawi Khrit ung om ne dang ci nei.

2 JOHAN 1:7

Bawi Jesuh Khrit cu hnicim chang ah yung tüi lawk ci, cicu kä yum ciah chang thuvi gui akda m’dek khan ah gawk lawk ci gui nei. Cun ah mäih thuvi theileh ciah chang gui cu, Bawi Khrit ah gaa gui ah kyak ci nei.

ISAIAH 53:2

Kho lei chawng ung khäng sei ng’yung ne, tho ciah sing ghing ah mäih ah a changshäm a kyak vai cu Bawipa naw ng’ya hlük ci nei. Kiom nak a i phi kä om ci. Ani ung na khäihleng ci phi a i kä om ci, m’hni hlü vai phi a i kä om ci.

THU PHLAAN 21:3

Cun kawn ah mangkiaang ungka ng’shan sei m’lau ah k’aw cu ka ng’yak ci. Cun ah k’aw naw, “Tuhbäi ung Khanpughi ah im cu hnicim chang ah im ah kyak ci. Ani cu ngami ung om sei ngami cu ani ah chang ah kyak ci gui. Khanpughi amät cu ngami awn atäng ah om ne, ngami ah Khanpughi ah kyak khai nei.

HEBRU 5:5

Acun ah mäih ah Bawi Khrit naw amät naw amät cu Taigü Tung ah käm düih ci. Khanpughi naw Bawi Khrit-am; “Nang cu Ka Htapa ah na kyak ci, Tuhngawi kei cu nang ah Pa ah ka kyak ci” cik ci.

HEBRU 10:5

Cun ah kyasei Bawi Khrit naw khomdek khan ung a kyum law sangung Khanpughi ah ma ah; “Nang naw küikyan ghutha nak la peittaak nak cu kä na ng’ya hlük ci nei, Cung ung phi kei ah hmawk ah pumsa nam hnüt pyii ci nei.

JOHAN 11:40

Bawipa Jesuh naw, “Nang naw na yum ah a kyak ung Khanpughi ah bämang nak na hmuk khai nei, cine ka pyein ciah kä kya ne ma? cik ci.

JOHAN 3:16

Khanpughi naw khomdek chang gui m’hni aih netah tumat bäng ah A htapa cu yuk m’kyum lawk ci, Ani yum ciah chang phung cu sihnak ung kä gawk ne angtäi ghin nak gah ci.

JOHAN 2:11

Cun ah Bawipa Jesuh cu Kalile kho Kana gawnu ah cäi aih vai ah abäimang nak dang law htük khätah, angdüihpüi gui naw yum lawk ci gui.

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

HEBRU 1:5

Khanpughi naw a u khanchang am phi, “Nang cu ka ning Htapa nei; tuhngawi kei cu nang ah Pa ah ka kya lawk ci,” cine kä pyein man ci. A i khanchang ah mawng ung phi Khanpughi naw, “Kei cu ani ah Pa ah ka kyak khai, ani cu kei ah Htapa ah kyak khai,” ci ne kä pyein man ci.

JOHAN 14:9

Bawipa Jesuh naw, “Philip, kho cän güt ung nangmi awn a täng ah ka om ci, Kä na na hmat ci ma? Kei na hmuk ciah chang naw Kapa cu hmuk ci, a i ah kyasei, ‘Mipa nam hnuh gui ä’ na ci ang?

LUKA 9:32

Peter la apaw gui cu ngam ne ip ci gui. Cun ung phi ami ng’shüm law ba ung Bawipa Jesuh ah pyü khang nak la ani awn a täng ah ng’düi ciah chang goi cu hmuk ci gui.

JOHAN 17:22

Nang la kei cu ni kawng ät ah mäih ah ngami phi ami kawng ät vai ah, nang naw kei-am na na peit ah bämang nak cu ka pe gui pyi ci.

JOHAN 3:18

Khanpughi ah Htapa yum ciah chang cu a hma m’kat nak kä om ci, kä yum ciah chang cu, Khanpughi ah Htapa kä ah yum ah hmawk ah, tuhbäi ge hma m’kat nak gah ci.

LUKA 2:11

Tuhngawi David ah gawnu ung Khrit Bawipa, nami Hunbawi cu ng’tüi pyi ci nei.

SAM 45:2

Nang cu na kyom pi bäih ci, na ng’thu thei pi bäih ci. Khanpughi naw angtäi sei hriham ning pek ci.

HEBRU 2:11

Bawipa Jesuh naw chang gui cu ami shektkat nak ungka theingcim sak gui ci, amät la a theing sak pyi ah chang gui cu tumat pa nak ci gui, cun ah kyasei cun ah chang gui cu, phäinau ah a khü gui vai ah, Bawipa Jesuh cu kä lü ci.

2 KORIN 12:9

Cun ung phi ani ah nam shan nak cu, “Nang nak tha a ken yah ung kei ah hlüngtai nak cu, ak kuikyang pi ah kyak ci, cun ah kyasei kei ah m’gein nak bäng cu nang ung hlü ciah kyak ci” ciah kyak ci. Cun ah kyasei kei cu Bawi Khrit ah hlüngtai nak ung ka ng’yii nak vai ah, kak tha a ken ah hmawk ah, yeikyai aih ne ka khäghah ci nei.

MATTHE 1:16

Jakob ah hta cu Mari ah cei Josef ah kyak ci. Mari cu Messiah ah ming ciah Jesuh ah anu ah kyak ci.

KOLOSE 2:3

Ani cu thup ne m’küm ah Khanpughi ah cüivai nak la lunglang nak avan k’hmawn nak ah kyak ci.

EPHESIAN 3:8

Kei cu Khanpughi ah chang gui ung ak chui pi bäih ah ka kyak ci. Cun ung phi Khanpughi naw, Bawi Khrit ah kä khei tai vai ah bühmang nak ah mawng Thu Ni cu chang khuihei gui am m’thein gui vai ah,

ROMAN 9:5

Ngah mi cu mingthang ciah Hebru hta ng’shon ah kyak ci gui. Bawi khrit cun phi hnicim chang pumsa ung ngah mi ah pakhui ah kyak ci. Ang tüi avan uk ciah Ka Khanpughi cu angtäi sei hlüngtai nak om sä! Amen.

LUKA 2:7

Mari cu pamihta ah hta lawk ci. Ngani cu ani im kai nak vai im kä awng ci kyasei, ak hmawhta cu yih awn hlawp ne vantang ei-ko ung m’ih ci goi.

SAM 85:9

Ani m’taam khah ci phung cu akcang ah hun ge ci nei, Ani ah hun phyawn nak cu mi kho ng’lei ung puipa khai nei.

EZEKIEL 37:27

Kei cu ngami awn atäng ah acu ah ka om khai: kei cu ngami ah Khanpughi ah ka kyak khai, ngami cu kei ah chang ah kyak khai gui.

JOHAN 8:32

Nangmi naw düng nak cu nami hmat khai, düng nak naw nangmi cu ning m’hlawt gui khai,” cine pyen na gui ci.

JOHAN 17:24

O Kapa! Khomdek kä ah ng’tüi pha ung nang naw na na peit ah bämang nak cu, kei-am nang naw na na ap ah chang gui naw, ami hmuh tu vai ah ngami cu kei awn na om sak gui ä.

JOHAN 18:37

Pilat naw, “Cun ung nang cu ghangpughang ma?” cine ng’shi ba ci. Bawipa Jesuh naw, “Nang naw kei cu ghangpughang ah na na pyein ci, kei cu düngnak bäng ka pyein khai ah ng’tüi ne m’dek khan ah ka lawk ci. Düngnak awn om ciah chang phung naw kei ah ng’thu cu ngai ci gui” ci nak ci.

THU PHLAAN 19:13

Asuisak cu si ng’hlui ah kyak ci. Ani ah ming cu, “Khanpughi ah ng’thu” ah kyak ci.