JOEL 3:9 - Cho Bible Common Language 2016

⁹ “Shin ah pakhui gui ah ng’lung ah nami shäu vai nei; ‘Ng’tuk vai ah pawng htein vä; nami ng’tuk’bi gui khü gui vä; nami gakap gui avan bum neta hteit vä!

JOEL 3:9 Referans Kwoze

EZEKIEL 38:7

M’thein ä, ng’tuk ge vai ah om sä, agakap gui avan ang thumkhän ung om ge u sä.

JEREMIAH 31:10

Bawipa naw pyen ci, “Pakhui gui, na ngai vä, kei ah ng’thu gui cu ashou nak khaw yung ah shäu vä. Kei ah ng’thu gui cu ka püi sak gui ci, Cun ung phi ka k’bum ba gui khai, Htoshäm naw htome gui a ngäng ah mäih ah ka ngäng gui khai.

MIKHAH 3:5

Ka chang gui cu prophet gui naw m’hleei gui ci gui, petak gui ci am dimdeeih nak shaitak pek ci gui. Kä petak gui ci am ng’tuk nak awn m’kyih ci gui. Bawipa naw, cun ah prophet gui am,

JEREMIAH 50:2

“Chang pakhui gui am ng’thu m’thein vä! Hmat sak gui vä! m’hnüt nak cu pe ne, ng’thu cu ng’shäu vä! Adüm ah kä nami gim vai nei! Babilon cu ng’kia pyi ci nei! A khanpughi Marduk cu ng’pyäuh pyi ci nei! Babilon ah agup gui cu thüi ng’aa ci gui nei, ani ah shemshai ciah agup gui cu deng pyi ci nei!

ISAIAH 34:1

Law vä, chang pakhui avan! Ng’bum uneta ngai vä. Khomdek apum la acun ung om ciah a ghing avan shin ung law ne ngai vä.

SAM 96:10

Chang pakhui van ah ma ah, “Bawipa cu ghangpughang nei! cine pyen vä. Khomdek cu a hmun ung khäng ne kä ng’nawn hlawt ci nei; Ani naw chang gui cu düng nak awn m’khoi m’chak khai nei.”

JEREMIAH 6:4

Ngami naw pyen khai gui, “Jerusalem tuk vai ah pawng m’hteim vä! Pawng ge vä! Mikmi naw hnüüp ng’lung ung mi tuk khai nei!” Cun ung phi cun kawn ah ngami naw pyen khai gui, “Shin cu cü aih khai nei, kho hnüüp ng’pyi law vai ci nei, kho hmüp law pi pi ci nei.

JEREMIAH 51:11

Bawipa naw Media ghangpughang gui cu thawh let sak gui ci, a i ah kyasei ci ung ani naw Babilonia cu m’di vai ah angbü ah phäh ah kyak ci. Cun cu ani naw a Taigüim ami m’di ah phäh phu atuk ah kyak ci. Ng’tuk ciah bawi gui naw Thum’khän u ne, “Nami m’la gui k’tah vä! Nami shawi gui m’hnüt ge vä!

JEREMIAH 51:27

“Ng’tuk nak vai alan hleek vä, phyung heng tum vä, cun ung pakhui gui naw ng’yak khai gui! Babilonia ng’tuk püi vai ah pakhui gui pawng htein vä! Ararat, Minni la Ashkenaz uk nak khaw gui am ng’tuk vai ah mawng m’thein vä. Ng’tuk ung lam ma khan bawi tumat tha vä. Khanpeh bum gui ah mäih ng’se gui cu law püi vä.

EZEKIEL 38:17

Kei naw cau ka pyen ah chang tumat cu nang ah kyak ci, cun yah ung kei naw ka changshäm, Israel prophet gui ungka naw ka ng’shäu cu, cun ah hnüüp a gawk law ung, Israel tuk khai ah chang tumat cu kei naw ka law püi khai” ciah kyak ci. Uktu Bawipa naw a pyen nei.

HAKKAI 2:7

changpakhui avan cu k’thäh gui ne, ami khawh avan cu ka law püi sak gui khai, Taigüim cu khawh awn be khai.

ZEKHARIAH 14:2

Bawipa naw pakhui avan cu Jerusalem ung ng’tuk khai gui ah atäng ah law püi gui khai. Mang gaw cu khäm u ne, im gui cu gut tep u ne, hnumi gui cu phye k’pyei khai gui. Chang a cukchü cu pha ne dawng püi khai gui, a cuchü cu mang gaw ah k’pawih shüt khai gui.

ZEKHARIAH 14:3

Cun kawn ah Bawipa naw hteit ne, cun ah pakhui gui cu, cau a tuk gui man ah mäih ah tu gui khai.