JOEL 3:8 - Cho Bible Common Language 2016

⁸ Kei naw nami hta hnumi, hta pami gui cu, Judah chang gui ah ka yoih sak gui khai; ngami naw mä shonu ciah Sabean gui ah yoi ba gui khai gui, kei, Bawipa naw ka pyen nei.

JOEL 3:8 Referans Kwoze

ISAIAH 60:14

Nangmi ning shedam na gui ciah ami hta gui cu law u ne, kawp u ne ami ning changsui nak m’dang khai gui nei. Acau ning päipih man ci gui ami van naw na khaw peiah law ne ning khawihnah khai gui nei. Ngami naw nang cu, ‘Bawipa ah mang Gaw’ ah ning khü khai gui nei. ‘Zion, Theingcim ciah Israel khanpughi ah mang gaw’ cik khai gui nei.

JOB 1:15

Sabean chang gui naw ang ghit ah tu law u ne, avan m’guk ci gui nei. Ngami naw na changshäm gui avan ngawn ci gui nei. Kei bäng ka pawih ci, Nang am ng’thu ning m’thein khai ah kei bäng ka phyawng ci nei.”

SUKI GUI 2:14

Bawipa naw Israel gui ah khan ah m’lungshe aih neta, ng’tuk’bi gui am tuk sak gui ci. Ani naw ga gui avan cu ami khaw ah huham mah sak gui khäta, Israel gui cu ami mät naw ami mät kä shung vong ba hning ci gui.

EZEKIEL 23:42

Zeikiai ciah Chang bum gui ah k’aw cu ng’yak nei, cun gui cu bung khong gau ah ka ami law püi gui ah kyak ci. Ngami naw hnumi gui ah kut ung kutcüp gui nak sak u ne, kyom ciah lukhu ng’büng ci gui.

JEREMIAH 6:20

Sheba ah ka ami law püi ah tui ng’ui ah phi kia, asho nak kho ah ka tui ng’ui gui ah phi kia, kei naw a i ah kä ka ngai ci! Ngami ah douthak cu kei naw kä ka dou khai, ami khawihnah nak ah phäh ah kei kä ka zeikia khai.

SUKI GUI 4:9

A ni naw, “Bä kaw, nang awn a täng ah kei ka hteit tuk khai, cun ung phi näng nak ah phäh ah nang naw bä mtam nak kä na gah khai, a i ah kyasei ci ung Bawipa naw Sisera cu hnumi ah kut ung ap khai.” Cun ah kyasei Deborah cu Barak awn a täng ah Kadesh ah hteit tuk ci.

SUKI GUI 4:2

Cun ah kyasei Bawipa naw Hazor mang gaw uk ciah Kanaanit ghangpughang Jabin am tu ne näng gui sak ci. Ani ah gabawi cu Sisera, chang khuihei gui ah om nak Hazosheth ung ka ah kyak ci.

THULÄÄN NAK 32:30

A i ah kyasei chang tumat naw chang phia gha a hnim gui ang? A i ah kyasei chang hnih naw chang phia phia a hnim gui ang? Bawipa nami Khanpughi naw ngami nawng gui ci. M’gäi ciah ami Khanpughi naw ngami mlungsi sak gui ci.

SAM 72:10

Spain la khohmun ghangpughang gui naw m’cümhnah nak pe lawk khai gui. Sheba la Seba ghangpughang gui naw khawihnah nak pe lawk khai gui.

JEREMIAH 30:16

Cun ung phi tuhbäi, nangmi ning m’zaw gui ci avan cu m’zaw ba gui vai, Nami ga gui avan cu pha na hteh püi gui vai. Ning shedam na gui ci avan cu Shedam ba nak vai, Ning gut kep gui ci avan cu guh tep ba vai.

EZEKIEL 38:13

Sheba la Dedan ung chang gui la Spain khaw gawnu gui ungka sumlei chang gui naw ning shik khai gui, “Tuh ne gut tep khai gui ah nang naw na gakap gui na k’bum gui ne ang? Nang naw ngui ni, ghui ni, vuhchah ni gui, khawh cham ni gui gah ne, cun ah guh tep gui avan hteh püi vai ah na ngai ne ma?”