JOEL 3:5 - Cho Bible Common Language 2016

⁵ Nangmi naw ka ghui, ka ngui la bühmang ciah ka m’küm cu Taigüim kyong ah nami hteh püi ci.

JOEL 3:5 Referans Kwoze

2 GHANGPUGHANG GUI 24:13

Ani naw Taigüim ungka la mang im ungka khawchaam avan Babilon ah hteh püi ci. Bawipa naw angcä ah mäih ah, Nebukhadnezzar naw, Solomon ghangpughang naw Taigüim ung mang vai ah ghui awn a pyan ah khawh chaam gui cu avan m’shet yawp ci.

2 GHANGPUGHANG GUI 16:8

Ahaz naw Taigüim ungka ngui la ghui gui, mang im ungka m’küm khawh gui la ne uktubawi am m’khäh ci.

2 GHANGPUGHANG GUI 12:18

Judah ghangpughang Joash naw aka ung om ciah Jehoshaphat, Jehoram la Ahaziah gui naw Bawipa am ami ap ah khawihnah nak gui la amät ah douthak nak gui, Taigüim la mang im m’küm gui ungka ghui gui avan cu la neta Ghangpughang Hazael am m’cümhnah nak ah m’khäh ci, cun ah kyasei ani cu Jerusalem ungka a gakap gui ng’hlah püi ba gui ci.

DANIEL 11:38

Cun gui ah a hnün ung vongpaang gui ngäng ciah Khanpughi cu ani naw m’tamkhah khai. Ani naw ghui ni, ngui ni, pyülung ni la ahei aküikyang gui cu, apupa gui naw kä ami khawihnah man ah, Khanpughi am douthak khai.

JEREMIAH 51:11

Bawipa naw Media ghangpughang gui cu thawh let sak gui ci, a i ah kyasei ci ung ani naw Babilonia cu m’di vai ah angbü ah phäh ah kyak ci. Cun cu ani naw a Taigüim ami m’di ah phäh phu atuk ah kyak ci. Ng’tuk ciah bawi gui naw Thum’khän u ne, “Nami m’la gui k’tah vä! Nami shawi gui m’hnüt ge vä!

JEREMIAH 50:28

(Babilonia ah ka laut ne dawng lawk ci gui cu Jerusalem ah lawk ci gui, ngami naw a Taihü im ung Babilonia gui naw ami biahkhau ah Bawipa kami khanpughi naw a i cha ah phu a tuk cu pyen lawk ci gui nei.)

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

JEREMIAH 23:7

Bawipa naw pyen ci, “Akhin gawk lawk ci nei, chang gui naw kei cu Egypt khaw ah ka, Israel chang gui law püi ba gui ciah ghing ciah khanpughi ah kä ng’khän ng’taam ba khai gui nei.

EZEKIEL 37:12

Cun ah kyasei ka chang gui Israel gui ah khan ah cängbang ä, kei, uktu Bawipa naw ami phuh hmun ka hmawng lawk khai nei, m’thein gui ä. Kei naw ngami cu la gui ne Israel khaw ah ka hteh püi ba gui khai.

OBADIAH 1:17

“Cun ung phi Zion m’htung ah am shah gui phyawng khai gui, cun cu theingcim ciah hmun ah kyak khai. Jakob ah chang gui naw ami gah vai ah khaw cu khäm khai gui.