JOEL 3:4 - Cho Bible Common Language 2016

⁴ “Tire, Sidon la Philistia avan, kei ah khan ah a i bi vai ah ang nami tha nak? Kei am a i baw nami na pe ba khai ah nami tha na ne ang? Nami tha nak ah a kyak ung, kei naw ang ghit ah ka ning pe ba gui khai!

JOEL 3:4 Referans Kwoze

JEREMIAH 47:4

Philistia m’di nak vai ah akhin gawk lawk ci, Tire la sidon ah ka lawk ciah om ba ciah bawm nak avan cu m’chün pit ci gui nei. Kei, Bawipa naw Philistia gui cu ka m’di khai nei, ngami ami van cu Krete tui kem ung ka lawk ci gui nei.

ISAIAH 59:18

Ani naw aga gui cu a shou nak ah khaw ah amiom ung phi ami bi ah ciah m’kyuk gui khai.

ISAIAH 34:8

Cun cu Bawipa naw Zion a gun nak la aga gui ah khan ah phu atuk nak ah akhin ah kyak khai.

2 THESSALONIAN 1:6

Khanpughi naw düng nak cu bik khai; ning yaica sak gui ci cu, yaica nak pe gui khai.

LAMKTU 9:4

Ani cu khomdek ung kyu neh ng’yän netah, “Soul, Soul? a i ah kiah sei kei nah na k’dudeiu nak ang?” Ciah k’ä cu ng’yak ci.

LUKA 18:7

Khanpughi naw akchang gui cu, am gein gui vai ah amü akhnüüp m’lau ne ami ng’yoih ung kä m’khoichaa gui ah om khai ang? Ani naw ngami am gein gui vai ah düngyeng düt khai ang? Kei naw akcang ka pyein cu;

MATTHE 11:21

“Aw Khorayin gawnu, nang cu thüisei nak om ci. Aw Bethsaidah gawnu, nang phi thüisei nak om ci. Nangmi ung kamdang ah cäi aih gui vai cu, Tire la Sidon ung kamdang vai sü ung, ngami cu cau pui, katnak ungka ng’yu nak ah sui sui ne, m’vut awn ng’hluk ne ami katnak ungka ng’yu ba khai sü gui te.

JEREMIAH 51:6

Babilonia ungka dawng vä! Nami ghin vai ah dawng vä! Babilonia ah katnak ah phäh ah kä ning ngawn cu gui u sä. Kei naw tuhbäi phu ka shui yah ci, ami chei ah phäh ka m’kyuk gui yah ci.

2 SHONTÄP NAK 21:16

Sudan chang gui ami om nak ah tui lawng pei ah Philistin gui la Arab gui om ci gui. Bawipa naw cun gui am Jehoram cu tuk sak gui ci.

SUKI GUI 11:12

Cun kawn ah Jephthah naw Ammon ghangpughang am chang tüi ne a pyen cu, “A i ang kei mi awn mi ng’cuh vai a om? A i ah kyasei kei ah khawpäng na phlän law ang?”

THULÄÄN NAK 32:35

Bawipa naw phu tu ne ngami cu m’kyuk gui khai, Ngami ami yung kyak nak ah khin gawk lawk khai. Ami ng’yiin nak vai ah hnüüp cu ng’et lawk ci.

MATTHE 11:22

Cun ung phi Khanpughi naw am khoichaa law nak ah hnüüp ung, nangmi cu, Tire la Sidon ah mä däm pi ciah, hma m’kat nak cu nami gah khai.

LUKA 10:13

Aw Chorayin! Nang ah phäh ah kyikyawk aih vai kyak ci nei, Aw Bethsaida! Nang ah phäh ah phi kyikyawk aih vai kyak ci nei. Nangmi ung bilawh gui ah cäi aih vai gui cu, Tire la Sidon gawnu gui ung bilawh vai sü ung, cun ah gawnu gui cu a cau ä pui ge ung ng’yu nak sui sui ne m’vut khui ung ngo ne ng’yu ba pyi khai sü gui ah kyak ci.

LUKA 10:14

M’khoichaa nak ah hnüüp ung nangmi ah mä Tire la Sidon ah khan ah Khanpughi ah m’gein nak cu ng’dang tu ba khai nei.

ISAIAH 14:29

Philistia chang gui. Nangmi ning thah nak gui ah htung cu hnget pyi ci nei, cun ung phi nami yeikyai nak vai kä om ci nei. K’phyu tumat a sih ung, cun ah hnün ung nget pi ci gawk law ba ci. K’phyu ah m’tui ung ka k’phyu k’cung kheh ci nei.

JEREMIAH 47:1

Egypt ghangpughang naw Kazak ä atuk pha ung Philistia ah mawng Bawipa naw na ng’thu püi ci.

JOEL 2:2

Cun ah hnüüp cu hmüp ne mü khai nei, le ne ng’mei be khai. Khomhtung gui mü hmüp naw aküm ah mäih ah gakap khagek a chün yong lawk khai. Acau phi shin ah mäih ah kä kya man ci, ngawi ah phi shin ah mäih ah kä kya ba khai.

JOEL 2:10

Ngami ah ma ung khomdek thüng ne, khomik ng’tum ci. Hni la cha mü ne hmüp ci, aisi gui kä khang ba ci gui.