JOEL 3:2 - Cho Bible Common Language 2016

² Kei naw changpakhui gui avan ka bum gui khai m’khoicha nak ah khong nawi ung ka law püi gui khai. Acu ah ka m’khoicha gui khai cun cu ka chang gui ah khan ah ami bi avan ah phäh ah kyak khai. Ngami naw Israel gui cu akho hei ungka ng’phyiitpai sak gui ci gui, ka khaw Israel cu ng’pai sak ci gui.

JOEL 3:2 Referans Kwoze

ZEPHANIAH 3:8

Bawipa naw, “Ging vä, pakhui gui m’di nak vai ah ka m’thawh nak ah hnüüp cu, ging vä. Pakhui gui la uknak khaw gui k’bum gui vai ah kei naw ka m’lung ka k’bäi pyi ci nei. Ka m’lungshe ah ang hüüt cu ka gah sak gui khai. Ka m’lungshe nak ah meidäi naw khomdek avan cu m’di yawp khai.

ISAIAH 66:16

Ani naw cheishoh u sei a hmuh ah khomdek khon chang avan cu mei la khim awn m’kyuk gui khai-chang akdaa cu ski khai gui.

EZEKIEL 38:22

Kei naw ani cu gawpyam nak la silon nak awn ka m’kyuk khai. Ani la agakap gui, ani täng ah kya tuk ciah pakhui akda gui ah khan ah khoaa nu la gäinu, ah kyak ciah zummei däi la sulphur cu ka yuk lawn khai.

THU PHLAAN 16:16

Cun kawn ah mümcha gui naw ghangpughang gui cu khü gui yawp u ne, Hebrew ng’thu awn Armakeddon ami ci nak ah hmun ah k’bum gui ci gui.

JOEL 3:12

“Pakhui gui cu pawng ge u ne, m’khoicha nak ah khaw nawi ah lawk khai gui nei. A cu ah kei Bawipa cu ngo ne, peileng ah pakhui avan ka m’khoichak khai nei.

EZEKIEL 39:11

Bawipa naw pyen ci, “Cun gui avan a kyak law ung, kei naw Kok am Israel khaw ung phuh hmun ka pek khai, cun cu Tuisi Tuinu ah ak kiang täng lam hteit gui ah khong nawi ung ah kyak ci. Kok la a gakap gui avan cu acun ung phuh gui khai gui, cun ah khong nawi cu “Kok ah gakap gui ah khong nawi ah khü khai gui.

EZEKIEL 35:10

“Kei, Bawipa cu ngami ah Khanpughi ah kya lang ngäsei, nang naw pakhui gui Judah la Israel cu ami khaw mah ah na kaa ah na pyen ci, na khäm gui khai ah na pyen ci.

JEREMIAH 25:31

Cun ah k’aw cu khocawi ah khüt ne shalawng khai. Bawipa naw changpakhui gui a hnungtuk püi nak gui vai amawng tumat om ci. Ani naw chang avan cu cet gui ne, changshe gui cu sih nak pe gui khai. Bawipa naw pyen ci.”

THU PHLAAN 20:8

m’dek ah khan ung chang avan cu cheishoh sak ne, kok la Makok ah ming ciah ng’tuk bi vai ah ng’cut sak gui khai. Ngami cu tuinu kem ah laigin chü ah da ci gui.

THU PHLAAN 16:14

Ngami cu khawshe ah mümcha gui ah kya ne cäi aih vai phi m’dang hning ci gui. Khaw nüng ung ghangpughang päng cu, hlüngtai pibäih ciah Khanpughi ah ng’tuk bi nak hnüüp ung ng’cut lawk khai gui ah khü gui vai ah ngami cu hteit ci gui.

THU PHLAAN 16:6

Ngami naw Khanpughi ah chang gui la purofet gui ah si cu huk sak ci gui nei, cun ah kyasei ami awk vai ah si cu na peit gui ah kyak ci nei. Ngami cu ami bi ah mäih ah gah ba ci gui ah kyak ci nei” cine a pyein cu ka ng’yak ci.

AMOS 1:11

Bawipa naw, “Edom chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw ami phäi nau Israel gui cu yäi gui ci gui. Israel gui cu Esau ah nau Jakob ah hta ng’shon ah kyak ci gui, ngami cu Edomit gui ah pupa gui ah kyak ci. Israel gui naw m’gein nak kä m’dang ci gui. Ami m’lungshe nak cu kä ng’chüt ci, kä sih sak ci gui.

EZEKIEL 36:5

“Kei, uktu Bawipa naw, angveing ung pakhui gui la aktung pi ah Edom cu hnungtuk püi ne, ka m’lungshe nak ak hlüngpi awn ng’thu ka pyen ci nei. Ngami naw yeikyai nak la khokätä nak awn kei ah khaw cu tu ne khäm u ne, ka khaw la khulim khaw gui phi kaa nak ci gui nei.

EZEKIEL 25:8

Uktu Bawipa naw pyen ci, “A i ah kyasei ci ung Moab naw pyen ne Judah cu a hei pakhui gui avan awn täng ci, a ciah phäh ah

JEREMIAH 49:1

Shin cu Ammon ah amawng Bawipa naw a pyen ah kyak ci: “Israel chang gui a hawi ang? Ami khaw ghung khai a u kä om ne ma? A i ah kyasei kat pakhui gui ah khopäng cu molek khawihnah ci gui am khäm sak gui na ami om sak gui ang?

JEREMIAH 12:14

Bawipa naw pyen ci, “ka chang Israel gui am ka pek gui ah khaw m’di ci gui ah Israel gui ah pei leng ah ka gui am kei naw ka pyen nak gui vai amawng om ci. Sing ghing ang yung ah mawih ah mäih ah cun ah changshe gui cu kei naw ami khaw ungka ka la gui khai, kei naw Judah gui cu ngami ungka ka gung gui khai.

2 SHONTÄP NAK 20:26

A hnüüp phli hnüüp ung Berakah khaw nawi ung ngami cu ng’bum u neta, a bilawh gui avan ah phäh ah Bawipa cu m’hlüngtai ci gui. Cun ah kyasei cun ah khaw nawi cu “Berakah” ah pyen ci gui.

THU PHLAAN 11:18

Na m’lungshe nak ah a khin cu gawk law ne, Si pyi ci gui m’khoichaa nak ah akhin cun phi gawk law sei, m’dek chang gui cu m’lungshe ci gui nei. Bawipa ah akchangshäm gui, purofet gui, nak chang gui la ning kyih aa ci gui naw, a yaw a däm ah ciah, m’cümhnah nak ami gah nak vai ah khin gawk lawk ci nei. Khomdek shekat sak ciah chang gui, m’shet m’kat nak gui vai ah, a khin gawk lawk ci nei” ci ne Khanpughi ah maa ah ng’thu pyein ci gui.

ISAIAH 66:18

Ngami ah m’lung ngaih, om ih cu kei naw ka hmat ci nei. Pakhui avan ung chang gui m’cut gui vai ah kei ka lawk ci nei. Ngami a täng ah ami gawk law ung kei ah huham naw a i a bi hning cu hmuk khai gui nei,

JEREMIAH 50:17

Bawipa naw pyen ci, “Israel chang gui cu phongkawng naw gawt ne ak püi gui ah htome ah mäih ah kyak ci gui. Ak htük ung Assiria Uktubawi naw a tuk gui, cun kawn ah Babilonia ghangpughang Nebukhadnezzar naw ami guh adep gui.

EZEKIEL 34:6

Cun ah kyasei kei ah htome cu khogui khomhtung yung ah ng’väivam ci gui. Ngami cu khomdek ah hmai küm ne püi ci gui, a u naw kä shui ba gui ci, a u naw hmuh ba gui vai ah kä tha nak ci.

EZEKIEL 36:1

Bawipa naw pyen ci, “Hnicim chang, Israel khomhtung gui cu pyen ah gui ä, ka pyen ah ng’thu ami ngaih vai ah m’thein gui ä. Ngami ah phäh ah Kei,

JOEL 3:14

Tämkäp phya khak gui cu m’khoicha nak ah nawi ah om ci gui. Cun cu Bawipa ah hnüüp a gawk law nak ge vai ah hmun ah kyak ci.

MIKHAH 4:12

Cun ung phi changpakhui gui naw Bawipa ah m’lung kyong cu kä hmat ci gui. Htang cu le m’ship vai ah bum ah mäih ah m’kyuk gui vah atäng ah ami bum gui cu ngami naw kä hmat ci gui.