JOEL 3:19 - Cho Bible Common Language 2016

¹⁹ Egypt cu khaw ng’gau ah kyak khai, Edom cu di pikbäih khai, a i ah kyasei ci ung ngami naw Judah khaw tu ne, changnigui ami ngawn ah phäh ah kyak ci.

JOEL 3:19 Referans Kwoze

JEREMIAH 51:35

Zion chang gui naw pyen u sä, “Keimi ah khan ah ami bi ah c cawi m’sau nak gui cu Babilonian naw k’chaw na sä!” Jerusalem chang gui naw pyen u sä, “Keimi ah yaica nak gui cu Babilonia naw k’chaw na sä!”

2 THESSALONIAN 1:6

Khanpughi naw düng nak cu bik khai; ning yaica sak gui ci cu, yaica nak pe gui khai.

ZEKHARIAH 10:10

Egypt khaw la Assiria khaw ungka ami im ah law püi ba gui ne, ami ng’dü ung ka om ba sak gui khai. Kilead la Lebanon ung phi ka om sak gui khai. Khaw avan ung chang avan be khai.

OBADIAH 1:1

Shin cu Obadiah ah ng’cäbang — Edom pakhui ah mawng, Uktu Bawipa ah ng’thu pyen ah kyak ci. Bawipa naw ang shächang cu pakhui nü ah tüi ci, cun kawn ah ang thu cu kami ng’ya pyi ci: “Pawng vä! Edom tuk vai ah mi hteit kaw!”

NG’ÄI KYAH 4:21

Gaih vä, Edom la ung chang gui, Nami leigai phi gawk lawk cinei, nangmi cun phi nami k’plui ah lüng’a ne nami kyu shüi shüi khai nei.

JEREMIAH 49:17

BAWIPA naw pyen ci, “Edom ah khan ah gawk lawk khai ah m’dishum nak cu tükyai aih ci kya sei, acun sunpah ci nü cu cat ne kyi aih khai gui.

ISAIAH 11:15

Bawipa naw Suez tuikhep cu ket sak ne, ani naw khaw aling ah khi sak ne Euphratis tuinu ket sak khai, tukhta lawng chih bang on ba sei, cahngpäng naw kat hlawt khai.

SAM 137:7

Bawipa, Jerusalem cu tuh ne ami khäm yah ung Edomit gui ah bi cu shüm ba ä. “M’dek ah khüt khai ah tu ne m’cin vai nei!” ami cicu shüm ba gui ä.

ISAIAH 11:14

Ngami naw atäng ah akhei tang ung Philistin gui cu tu gui u ne, ak kyang tang ung om ciah chang gui cu guttep gui khai gui, Ngami naw Edom la Moab chang gui cu tu ne naing khai gui, Ammon chang gui naw ngami cu läk gui khai gui.

HABAKKUK 2:17

Nangmi naw Lebanon khawbung nami k’paai ci, tuhbäi nangmi ning k’paai ba gui khai. Nangmi naw akhisa gui nami ngawn ci, tuhbäi khisa naw ning plawh ba gui khai. Shin gui cu kya lawk khai, a i ah kyasei ci ung nami ngawn ah phih la, m’dek khan chang gui la ami mang gaw gui akshe ah nami hnungtuk püi ah phäh ah kyak ci nei.