JOEL 3:14 - Cho Bible Common Language 2016

¹⁴ Tämkäp phya khak gui cu m’khoicha nak ah nawi ah om ci gui. Cun cu Bawipa ah hnüüp a gawk law nak ge vai ah hmun ah kyak ci.

JOEL 3:14 Referans Kwoze

PHILIPPIAN 3:2

Chang shekha gui, ui ah mäih gui, pumsa-ah vai cik ci gui cu nami geing nak gui vai nei.

JOEL 3:2

Kei naw changpakhui gui avan ka bum gui khai m’khoicha nak ah khong nawi ung ka law püi gui khai. Acu ah ka m’khoicha gui khai cun cu ka chang gui ah khan ah ami bi avan ah phäh ah kyak khai. Ngami naw Israel gui cu akho hei ungka ng’phyiitpai sak gui ci gui, ka khaw Israel cu ng’pai sak ci gui.

2 PETER 3:7

Cun ung phi khawnmawpi la khomdek cu mei awn kä am di pha ah chuih, Khanpughi ah ng’thu bä awn om lä khai. Khanpughi kä yum ci gui ng’thumcha ne am di gui hnüüp ung ngami cu dimaih khai gui.

JOEL 2:1

Khanpughi ah theing ciah khomhtung Zion ah khan ah phyungheng tum vä, khingyan khawng vä. Judah chang gui ng’hlet vä! Bawipa ah hnüüp cu gawk law ge ci nei.

JOEL 1:15

Bawipa ah hnüüp cu ng’et ci nei, cun ah hnüüp ung m’gäi ci naw dishum nak law püi khai. Cun ah hnüüp ung a lawpüi vai cu kyih aih vai kyak ci nei!

SAM 37:13

Cun ung phi Bawipa naw changshe cu gaih tuk ci. A i ah kyasei ci ung, ngami cu kä sho pha sei di khai gui ah ani naw hmat ci.

ISAIAH 13:4

M’htung khan ah k’aw cu ngai vä akdäm ah ng’bum ciah chang gui ah k’aw nei. Gamang Bawipa naw a gakap gui cu g’tuk bi vai ah pawng püi ci nei.

ISAIAH 22:1

Shin cu muimang khaw ng’nawi ah mawng thum khäh ah kyak ci. A i ang a kiak? A i ah kya sei, mang gaw ung chang gui ami van nau im gui ah akcih khan ung pawi ami bi ang?

JOEL 2:11

Bawipa naw khong hmum ah mäih ah agakap gui thumkhän gui ci. Ani ngai ciah ga-mo cu chün ne m’gäi ci. Bawipa ah hnüüp cu kyih aih vai kyak ci nei! A u pawih ba hning khai aw?

JOEL 3:12

“Pakhui gui cu pawng ge u ne, m’khoicha nak ah khaw nawi ah lawk khai gui nei. A cu ah kei Bawipa cu ngo ne, peileng ah pakhui avan ka m’khoichak khai nei.

ZEPHANIAH 1:14

Bawipa ah küikyang ciah hnüüp ng’et lawk ci, ng’et lawk cang ci, gawk law ge ci! Cun ah hnüüp cu khak ciah hnüüp ah kya ne, nget ciah gakap phi kyap ne yai khai gui!