JOEL 3:13 - Cho Bible Common Language 2016

¹³ Ngami cu cheishoh aih ci gui nei; geit khäm yah ung htang ah ah mäih ah aat gui ä; Sapyit neen ah mäih ah neen gui ä sapyit atui kä a luh law pha yawp ah chuih neen ah mäih ah güüt gui ä.

JOEL 3:13 Referans Kwoze

MAKUH 4:29

Htang vui a hmin law ung, htang ah vai ah akhin gawk lawk ciah kyasei, chang naw tün ne aat ge ci” cine m’thein gui ci.

HOSEA 6:11

“Judah chang gui nangmi ah phäh la nami bilawh gui ah phäh ah a cun ah mäih ah ning m’kyuk nak gui vai akhin kei naw ka m’hnüt pyi ci nei.

ISAIAH 63:3

Bawipa naw m’shang ci, “Kei naw chang pakhui gui cu sapyit neen ah mäih ah ka neen gui ci, a u naw law ne kä na bawn tuk ci. Kei naw m’lungshe ne neen gui ngä sei, ami si cu ka sui avan ung kawp ci.

MATTHE 13:39

Khumghaw m’shi cu khoshe ah chang gui ah kyak ci. Geit khäm khin cu kho ah khüt nak vai ah khin ah kyak ci. Geit khäm ciah chang gui cu khankho chang gui ah kyak ci.

JEREMIAH 51:33

Kä shou pha sei ga gui naw k’shawm gui ne, khlang ung htang leh ah mäih ah leh gui khai gui. Kei, m’gäi ciah Bawipa, Israel Khanpughi naw ka pyen nei.”

NG’ÄI KYAH 1:15

Bawipa naw gaigawng pikbäih ciah ka gakap avan cu gaih tuk ci. Ani naw ka chang nong gui m’di gui khai ah ga bum tüi lawk ci. Sapyit theih gui neen nak ungka ah mäih ah ani naw ka chang gui güüt gui ci.

THULÄÄN NAK 16:9

“Htang tün ne nami khäm law nak hnüüp chih, chih vei khei u neta,

ATÜNNAK 18:20

Bawipa naw Abraham am, “Sodom la Komorrah ung ami kyah m’lau nak cu däm aih ne, ami cheishoh nak da aih sei,

ATÜNNAK 15:16

Ng’shon phli a lüng kawn ah na ng’shon gui cu shin ah khaw ung law ba khai gui. Amorit chang gui cu cheishoh ci gui, cun ah kyasei kei naw ka k’täm gui khai, ami katnak nü ah phäh ah m’kyuk nak gah khai gui.

ATÜNNAK 13:13

Sodom gawnu ung chang gui cu, chang shekha gui, Bawipa hnu na ne cheishoh ci gui ah kyak ci.

THU PHLAAN 14:14

Cun kawn ah han teng ba netah, khongmei bawk tumat cu ka hmuk ci. Cun ah ng’mei bawk ung chang ah mäih lawk ci, tumat ngok ci. Ani cu alu ung lukhu ng’büng ne, a kut ung ghaat ciah sangsawn kawt ci.

THU PHLAAN 19:15

Khaw nüng chang päng a heem nak vai ah am gawng ung khim k’ghaat lut lawk ci. Ani naw chang gui cu m’si k’htei pawng awn uk gui khai. Ak hlüngtai pi k’bäih Khanpughi ah m’lungshe nak ah kyak ciah sapyit neen nak ah khui ung sapyit cu neen khai nei.

ISAIAH 17:5

Israel cu pümhta tu ne khäm nak pyi ah lo ah mäih ah kyak khai, geit khäm züm kawn ah shit ciah Rephaim khaw ng’nawi ung lo ah mäih ah kyak khai.