JOEL 3:12 - Cho Bible Common Language 2016

¹² “Pakhui gui cu pawng ge u ne, m’khoicha nak ah khaw nawi ah lawk khai gui nei. A cu ah kei Bawipa cu ngo ne, peileng ah pakhui avan ka m’khoichak khai nei.

JOEL 3:12 Referans Kwoze

JOEL 3:2

Kei naw changpakhui gui avan ka bum gui khai m’khoicha nak ah khong nawi ung ka law püi gui khai. Acu ah ka m’khoicha gui khai cun cu ka chang gui ah khan ah ami bi avan ah phäh ah kyak khai. Ngami naw Israel gui cu akho hei ungka ng’phyiitpai sak gui ci gui, ka khaw Israel cu ng’pai sak ci gui.

ISAIAH 3:13

Bawipa naw amät ah mawngma cu m’dang ge khai ah om ci, ani naw a chang gui ng’thumcha ge khai ah pawng ci.

ISAIAH 2:4

Chang pakhui küi kyang gui ah ng’cuh can gui cu ani naw m’khoi chak khai, ngami naw ami khüm cu lai thawn nak vai ah kawt u ne, ami k’htei cu sangsawn ah kyak sak khai gui. Chaung pakhui gui cu ng’tuk nak ah kä hteit ba khai gui. Ng’tuk vai ah kä pawng ba khai gui.

SAM 98:9

A i ah kyasei ci ung ani cu khomdek ah khan ah lawk ci nei. Ani naw hnicim chang gui cu düng nak la nikiom nak awn uk khai nei.

SAM 96:13

Cun cu Bawipa law ne khomdek a uk law ung ah kyak khai nei. Ani naw hnicim chang gui cu düng nak la ni kyom nak awn uk khai nei.

ZEKHARIAH 14:4

Cun ah khin ung ani cu Jerusalem ah hni law lam, Olive M’htung ung ng’düi khai. Cun ung Oliv M’htung cu akhei ungka naw ak kyang hnih ah ng’bou sei hmawi m’ghawng akdäm ah kya lawk khai. Khomhtung a teih cu siip täng ah ng’nawn sei, a teih cu htum täng ah ng’nawn khai.

MIKHAH 4:3

Ani naw pakhui gui ah ng’lung ah ng’cuhcan nak m’düih khai, aksho ang et m’gäi ciah huham ah ng’lung ah. Ngami naw ami khim cu k’tuu ah shep u ne, ami htei cu ng’vin ah shep khai gui. Pakhui gui ng’tuk nak kä om ba khai, ga vai ah kä pawng htein ba vai.

JOEL 3:14

Tämkäp phya khak gui cu m’khoicha nak ah nawi ah om ci gui. Cun cu Bawipa ah hnüüp a gawk law nak ge vai ah hmun ah kyak ci.

SAM 7:6

m’lungshe ne tho law, Bawipa! Ng’düi law ne, ka ga gui ah m’lung so nak cu hnu ng’tuk püi gui ä; Na mät tho law ne kei cu na m’htei ä! Taga nak cu nang ah m’düih ah kyak ci.

THU PHLAAN 19:11

Cun kawn ah khankho m’kawt ng’hmawng sei ka hmuk ci. Cun ung ng’se bawk tumat om ci. Cun ah ng’se bawk ung ng’cum ci cu bekhüt la ng’düng nak ming nak ci. Ani cu ng’düng khai ah ng’thu m’chaa ne, ng’düng khai ah ng’tuk bik ci.

EZEKIEL 39:11

Bawipa naw pyen ci, “Cun gui avan a kyak law ung, kei naw Kok am Israel khaw ung phuh hmun ka pek khai, cun cu Tuisi Tuinu ah ak kiang täng lam hteit gui ah khong nawi ung ah kyak ci. Kok la a gakap gui avan cu acun ung phuh gui khai gui, cun ah khong nawi cu “Kok ah gakap gui ah khong nawi ah khü khai gui.

EZEKIEL 30:3

Bawipa ah a hnün thawh nak vai ah hnüüp cu ng’et lawk ci nei. Khongmei naw a shung nak ah hnüüp, pakhui gui ah khüikha nak ah hnüüp cu ng’et lawk ci nei.

2 SHONTÄP NAK 20:26

A hnüüp phli hnüüp ung Berakah khaw nawi ung ngami cu ng’bum u neta, a bilawh gui avan ah phäh ah Bawipa cu m’hlüngtai ci gui. Cun ah kyasei cun ah khaw nawi cu “Berakah” ah pyen ci gui.

ISAIAH 22:1

Shin cu muimang khaw ng’nawi ah mawng thum khäh ah kyak ci. A i ang a kiak? A i ah kya sei, mang gaw ung chang gui ami van nau im gui ah akcih khan ung pawi ami bi ang?