JOEL 2:6 - Cho Bible Common Language 2016

⁶ Ngami ami ng’et law ung chang päng cu kyik ci, chang päng a hmai m’sa ci.

JOEL 2:6 Referans Kwoze

NAHUM 2:10

Nineveh cu di ci, shum ci, shiu ci! M’lung avan kyi ne ng’tum ci, M’khuuk phi ng’hlet ci, Thagui avan maih ci, Hmai phi thui ne ng’aa ci.

ISAIAH 13:8

Ngami cu ami van kyikyawk u ne, hta law khai ah hnumi ah mäih ah m’neh khai gui nei. Ngami kyin nak ann ng’teng tu u ne, ngami ah hmai cu ng’aa nak naw ui khai nei.

JEREMIAH 30:6

Tuhbäi ng’düm ne ngai vä! Pami cu hta hning khai ang? A i ah kyasei pami gui päng naw anau poi m’nek ciah hnumi ah mäih ah ami poi ah khan ah ami kut taih u sei, ka hmuh gui ang? A i ah kyasei Chang nü ami ng’hum aih ang?

NG’ÄI KYAH 4:8

Tuhbäi ngami cu kä ng’hmat khai ah lam ung ng’yän ci gui, ami hmai gui le sei sik ci gui.

JEREMIAH 8:21

Kei ah ka chang gui cu ami dep gui ah kya sei, kei ah ka m’lung cu ng’deng pyi ci gui nei: Kei cu thüi kyap ne, ang htei ah ka thüi aih ci nei.

SAM 119:83

Meikhu thuk ciah savun um ah mäih ah, kei cu a i ah kä ka mawng ci; cun ung phi na thumkhän cu kä ka m’hnih ci.

NAHUM 2:11

Tuhbäi ung mang gaw a hawi ang? Ani cu phongkawng ah chaam ah mäih ah kyak ci, Phongkawng anong gui ami vuh nak ah mäih ah kyak ci. Phongkawng akhik gui la a hla gui ah ami lum nak, Ngami ah hta yüüt cu phyawng khai.