JOEL 2:32 - Cho Bible Common Language 2016

³² Cun ung phi Bawipa ah ng’huipaa ci phung cu hun gui khai. Bawipa naw a pyen ah mäih ah, Jerusalem ung am shah cu phyawng khai; kei naw ka ghü gui cu k’pawih khai gui.

JOEL 2:32 Referans Kwoze

ROMAN 11:26

Cun kawn ah Israel chang avan cu hun nak gah khai gui nei, cun ah mawng cu cacim theing ung: “Hun Bawipa cu Zion khomhtung ah kaa kyum law ne, Jakob ah hta ng’shon gui ah shetkat nak avan cu nawt heng yawp khai nei.

JEREMIAH 31:7

Bawipa naw pyen ci, “Pakhui gui ung akdäm pi ah kyak ciah Israel ah phäh ah yei ne ng’äi m’cu vä. M’hlüng tai nak ah ng’äi cu m’cu vä, Bawipa naw a chang gui cu hun pyi ci nei; ‘Pawih ba ci gui ami van cu gung gui pyi ci nei.

ISAIAH 46:13

Kei naw näng nak ah khohnüüp cu ng’et khai ah ka law püi ci nei Cun cu kä shou aih ci nei. Kei ah näng nak cu kä shou aih ci nei. Kei ah näng nak cu kä shou cang khai nei. Kei naw Jerusalem cu ka hun khai a cu ah Israel gui m’tamkhah nak cu ka law püi khai nei.”

ROMAN 9:27

Israel chang gui ah mawng cu Isaiah naw, “Israel chang gui cu, tuinu kem ah laigin k’chü ah ami da ung phi, ngami ung kaa chang api naw vah hun nak cu gah khai gui.

JEREMIAH 33:3

“Na khü vä, ka ning m’shang gui khai; nangmi naw kä nami hmat ah cäicat vai ah chüula ciah amawng cu ka ning m’thein gui khai.

OBADIAH 1:17

“Cun ung phi Zion m’htung ah am shah gui phyawng khai gui, cun cu theingcim ciah hmun ah kyak khai. Jakob ah chang gui naw ami gah vai ah khaw cu khäm khai gui.

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

1 KORIN 1:2

Korin gawnu ung Khanpughi ung ng’bum ciah chang gui la, a kho päng ungka mi Bawi la ami Bawi ah Bawipa Jesuh Khrit khawihnah ciah chang avan la, Bawi Khrit Jesuh ung kawngät nak awn Khanpughi ah chang avan la, Bawi Khrit Jesuh ung kawngät nak awn Khanpughi ah chang theing ah a khü gui ah chang gui am ca ning guk law gui nei.

LAMKTU 2:39

Khanpughi ah shai tak cu, nang mi ah hmawk, nami hta naü gui ah hmawk lah ang shawng ah om ci gui ah Khanpughi naw akhü gui ah chang gui phung ah hmawk ah kyak ci” ci neh m’thein gui ci.

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

JOHAN 10:16

Shin ah chaam kyong ah kä lut law tu phak ciah a hei hto gui phi kei naw ka khäm ci, cun gui phi ka chum ba gui khai, ngami naw kang thu na ngai khai gui. Cun ah kyasei htomak tumat htoshäm tumat bäng ah kyak khai.

JOHAN 4:22

Nangmi Samaritan chang gui naw, a u nami khawihnah kä nami hmat ci, keimi Jew chang gui naw a u kami khawihnah cu kami hmat ci; a i ah kyasei ci ung hun phiawn nak cu Jew chang gui ung kaa, gawk lawk ciah kyak ci.

MIKHAH 5:3

A nau poi m’neh ciah hnumi kä a hta pha ah chuih, Bawipa naw a chang gui cu ga ah kut ung nawng gui khai. Cun kawn ah omktu ah kyak ci gui ah khochang gui cu ami mät ah pakhui ah ng’bum ba khai gui.

ISAIAH 11:16

Assiria ah akping ung tamu om kahi, cun cu a cu ah k’pawih ci gui ah a chang gui, Israel ah phäh ah kiah ci cun cu ngami naw Egypt khaw ami hteh tak yah ung ami pupa gni ah hmawk ah mäih ah kyak ci.

ISAIAH 10:22

Cun ung phi tuhbäi, Israel chang gui cu tuinu kem ah laigin ah mäih ah da ci gui nei, cun ungka apihta bäng nei law ba khai, Dishum nak cu chang gui ah phäh ah m’küm ci nei, cun cu akbe tucang ah kyak ci nei.

ISAIAH 4:2

Bawipa naw a phing nü la sing ghing nü cu cun ah khaw ung däin ne kyom khai ah a pyan nak ah khin gawk lawk ci, k’pawih ba ciah Israel chang avan cu khaw ung geitkaw am thawk ah phäh ah yeikyai läma khai gui.

HEBRU 12:22

Cun nak vaisü ung nangmi cu Zion m’htung la angtäi ghing ciah Khanpughi ah mang gaw, Khankho Jerusalem, kä khei tai vai ah khanchang gui ah om nak ah nami gawk ci nei.

ROMAN 11:7

Cun ah kya sei a i ah pyein vai ang! Israel chang gui naw ami shui cu kä hmuk hlawt ci gui nei. Cun ah ami shui cu Khanpughi ah ghü, chang apihta bäng naw hmu hlawt ci gui nei; k’pawih ba ciah chang gui naw Khanpughi ah ng’khü k’aw cu kä ng’yak ci gui nei.

ROMAN 9:24

Mikmi cu Khanpughi ah na khü ah chang gui ah mi kyak ci. Khanpughi naw mikmi a na khü nak gui ung, Jew chang gui ung kaa bäng ah kä kyak ciah, chang khui hei gui ungka phi khü gui ci.

LAMKTU 15:17

Om ciah chang nüng nüng cu kei ah lawk khai, Kei naw ka khü gui ah changpakhui hei gui phung cun phi ka khäm gui khai.

OBADIAH 1:21

Jerusalem ung chang m’gäi gui naw, Edom cu tu ne näng ne uk khai gui. Bawipa amät cu Ghangpughang ah kyak khai.”

ROMAN 11:5

Tuk bäi phi acun ah mäih ah Khanpughi naw am gein nak awn a ghü ah chang api k’pawih ba ci nei.

ATÜNNAK 4:26

Seth cu pamihta ah hta ne Enosh ah a ming sui ci. Cun sangung chang gui naw, khawihnah nak ung Khanpughi ah ming theing cu htungmang lawk ci gui.

AMOS 9:8

Kei, Uktu Bawipa naw, shin ah cheishoh ciah Israel Uktu khaw cu ka ngäng cinei. M’dek ah khan ung kei naw ka maih sak khai nei. Cun ung phi Jakob ah hta ng’shon avan cu kä ka m’di gui khai nei.