JOEL 2:31 - Cho Bible Common Language 2016

³¹ Khohni hmüp khai, cha cu si ah ng’hlat ne sen khai cun cu dämduh ne kyih vai kyak ciah Bawipa ah hnüüp kä a gawk law pha ung ah kyak khai.

JOEL 2:31 Referans Kwoze

MATTHE 24:29

“Cun ah yaica nak ah khin a gawk law kawn ah, acun vai-am hni mü ne hmüp khai, chaa phi kä khang ba khai, aisi gui phi khankho ah kaa kiawi ne kya law yawp khai gui. Khankho ah kumkü aisi gui ah lam cu ng’thawng yawp khai.

MALAKHI 4:5

“Cun ung phi küikyang ci la kyihkyawk nak vai ah Bawipa ah law nak kä ak phaa law pha ung kei naw prophet Elijah cu ka ning tüih law pe gui khai.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

JOEL 3:15

Hni la cha hmüp yawp ci, aisi gui kä khang ba ci.

JOEL 2:10

Ngami ah ma ung khomdek thüng ne, khomik ng’tum ci. Hni la cha mü ne hmüp ci, aisi gui kä khang ba ci gui.

LUKA 21:25

“Hni cha aisi gui ung cäicat vai gui dang lawk khai. Khomdek khan ah chang gui cu tuinu ah ng’hnawk ng’ya ne cäicat khai gui.

JOEL 3:1

Bawipa naw pyen ci, “A cun ah khin ung kei naw Judah la Jerusalem ah bühmang nak cu ka m’tho ba khai.

MATTHE 27:45

Kho hnüüp lung ung tün ne nayi thum lüng khai ah kho ah khan avan cu mü ne hmüp yawp ci.

LAMKTU 2:20

Hngi yin mü seih kho hnüüp khai, cha si ng’hlui ah ng’lat neh sen khai, Hlüng tai neh bä khäk ciah Bawipa ah kyum law nak vai ah hnüüp kä ah gawk law pha ung cun gui cu küm lawk khai.

THU PHLAAN 8:12

Akphli nak ah khankho chang naw ak phyungheng cu tum khätah, hni ah bumthum bum ät, chaa ah bumthum bum ät, aisi gui ah bumthum bum ät, cu ng’yiin yawp sei, ami dei nak ah bumthum bum ät cu ng’heiu yawp ci. Mü ah bumthum bum ät, hnüüp ah bumthum bum ät ung akdei kä om ba ci.

JEREMIAH 4:28

Khomdek cu thüi kyap khai; Khomik cu mü ne hmüp khai. Cun cu Bawipa naw a pyen nei, ani naw amlung kä m’thawng khai nei. Ani naw am hnüt bäi nak bik ci, ani kä ng’hlat phung khai.

EZEKIEL 32:7

Kei naw nang ka ning m’di law ung kei naw khankhomik shung ne, aisi gui cu ka maih sak khai. Khohni cu ng’mei naw shung khai, cha cu kä vai ba khai.

JOEL 2:1

Khanpughi ah theing ciah khomhtung Zion ah khan ah phyungheng tum vä, khingyan khawng vä. Judah chang gui ng’hlet vä! Bawipa ah hnüüp cu gawk law ge ci nei.

JOEL 2:2

Cun ah hnüüp cu hmüp ne mü khai nei, le ne ng’mei be khai. Khomhtung gui mü hmüp naw aküm ah mäih ah gakap khagek a chün yong lawk khai. Acau phi shin ah mäih ah kä kya man ci, ngawi ah phi shin ah mäih ah kä kya ba khai.

JOEL 2:11

Bawipa naw khong hmum ah mäih ah agakap gui thumkhän gui ci. Ani ngai ciah ga-mo cu chün ne m’gäi ci. Bawipa ah hnüüp cu kyih aih vai kyak ci nei! A u pawih ba hning khai aw?

ZEKHARIAH 14:6

Cun yah ung khaw akhiing nak, khüi ah toi nak kä om ba khai.