JOEL 2:30 - Cho Bible Common Language 2016

³⁰ “Kei naw cun ah hnüüp ung khomik la khomdek ung thukbäi cu ka pek khai; si long ne, mei ui ne, khongmei khu khai.

JOEL 2:30 Referans Kwoze

LUKA 21:11

A kho päng ung ak nuipai ah shihpi ah thüng nak, ei awk ah maih nak, gawpyam ah ng’peeih nak gawk lawk khai. Kyihkyawk cäicat gui vai khankho ah dang lawk khai.

MATTHE 24:29

“Cun ah yaica nak ah khin a gawk law kawn ah, acun vai-am hni mü ne hmüp khai, chaa phi kä khang ba khai, aisi gui phi khankho ah kaa kiawi ne kya law yawp khai gui. Khankho ah kumkü aisi gui ah lam cu ng’thawng yawp khai.

SUKI GUI 20:40

Cun kawn ah ami m’hnüt nak cu dang lawk ci; meikhu ng’mei nu gawnu ung ka tün ne khu lawk ci. Benjaminit gui cu ami hnu täng ah va mang ba u ne, mang gaw avan mei ah däi sei hmu u neta cäicat ci gui.

THU PHLAAN 18:9

Ani awn ng’yaw ng’pawm lä mante ciah khomdek khan ung ghangpughang gui naw, ani ui ciah mei ah akhu cu ami hmuh ung kyap ne m’lau khai gui nei.

ATÜNNAK 19:28

Ani naw dan neta, Sodom la Komorrah la khaw ng’nawi avan ung meikhu bäng ah ng’lawi ne khu sei hmuk ci.

THU PHLAAN 18:18

Cun ah mang gaw ui ciah meikdäi meikhu gui cu hmu u netah, “Shin ah mang gaw ah mäih a hei mang gaw a i sang ung phi kä man khai nei” cine m’lau ci gui.

SOLOMON NG’Ä~ 3:6

Bungpuk ah kaa meikhu ah mäih ah khu lawk cicu a i ang, tui ng’ui la mura ah ng’ui ci, sumlei ci gui ah ami yoih ah tui ng’ui ang?

SUKI GUI 20:38

Israel gakap aktung la ng’thup ci gui naw m’hnütnak tumat tha ci gui. Ngami naw gawnu ung ka meikhu nu gui thawk law sei ami hmun ah a kyak ung,

JOSHUA 8:20

Ai ung chang gui naw va mang ba u neta, khawmik ah khüt ne mei khu sei hmuk ci gui. Ngami ami phyawn nak vai lam kä om ci, a i ah kyasei ci ung ami ma ung ng’kyangtai täng ah dawng ciah Israel gui naw ng’hlat law ba ne khaai ne tu law ba gui ci gui.

THU PHLAAN 8:7

Ma lawk bäih ciah khankho chang naw ak phyungheng cu tum khätah, si awn ng’caw ciah mei la khawgoh gui cu m’dek khan ah kia lawk ci gui. Khomdek bumthum bum ät, singghing bumthum bum ät ui yawp ne, khu m’kim gui avan chawng yawp khai ah ui ci.

JEREMIAH 4:28

Khomdek cu thüi kyap khai; Khomik cu mü ne hmüp khai. Cun cu Bawipa naw a pyen nei, ani naw amlung kä m’thawng khai nei. Ani naw am hnüt bäi nak bik ci, ani kä ng’hlat phung khai.

ZEKHARIAH 14:6

Cun yah ung khaw akhiing nak, khüi ah toi nak kä om ba khai.