JOEL 2:3 - Cho Bible Common Language 2016

³ Ngami naw a ghing gui cu mei ah mäih ah ei ci gui. Ami ma ah kho hmun cu Eden dum ah mäih ah kyak ci. Cun ung phi ami hnu lam cu khaw ng’gau ah kyak ci. A i phi ngami naw kä phyawn ci gui.

JOEL 2:3 Referans Kwoze

ISAIAH 51:3

“Kei naw Jerusalem la acun ung om ci gui avan am chihna nak ka m’dang khai. Ani ah kho cu khong’gau ah a kyak ung phi, Eden ung ka geit ah dum ah mäih ah, kei naw dumah ka pyang khai, Zeikianak la hüithaw nak aca ah om khai, cun kawn ah kei ung zeikianak ah ng’äi lah m’tamkhah nak kei ung om khai.

ATÜNNAK 2:8

Khanpughi naw hni law lam ah Eden ung khodum geitkaw neta a cun ung a tüi pyan ah chang cu om sak ci.

ZEKHARIAH 7:14

Pui khaw ah khi ah mäih ah khi ne yon gui ngä sei, a khaw hei ah om ci gui. Shin ah khaw k’ni cu shiu khai ah ami nawng ah kyak ci, a u phi kä om ba ci.”

PHYAWN NAK 10:15

Ngami naw m’dek cu le law güt sei ngoh shi ci gui. Ngami naw gääi yah ung k’pawih ba ci la sing theih gui avan cu ei yawp ci gui. Egypt khaw avan ung sing ghing khu m’ghaw a hnah m’kim kä om ba ci.

PHYAWN NAK 10:5

Cun gui cu da aih u ne khomdek avan küm khai gui nei. Gääinu naw kä am di k’pawih ba ci avan ei yawp khai gui, k’pawih ba ciah sing ghing gui phi ei yawp khai gui.

AMOS 7:4

Uktu Bawipa ungka, kei naw ahei ka hmu ba mä ci. Acun ung ani naw a chang gui cu mei awn m’kyuk gui vai ne pawng sei ka hmuk ci. Mei naw khomdek ah ka ah tuinu akdäm cu ui yawp ci, khaw ng’lei cu tün ne ui lawk ci.

JEREMIAH 5:17

Ngami naw nami om ng’awi, nami buh ci ei khai gui; nami htapami gui hta hnumi gui cu ngawn khai gui. Ngami naw nami sei mak, htome mak gui cu ngawn ne ei khai gui, nami sapyit gui la thei gui cu m’di khai gui. Nangmi naw nami ngaih gep ah mang gaw khäng gui cu ami gakap gui naw m’di khai gui.

SAM 50:3

Mi Khanpughi kyum lawk ci, kä chawkchek ne kä om ci, a ma ung mei m’lei tawt ne, pui kho khi nu naw kiung ci.

ATÜNNAK 13:10

Lotah naw dan shüi neta, Jordan khaw ng’nawi avan cu hmuk ci. Cun cu Zoar gawnu ah hteh nak lam, tui ah da nak, Bawipa ah chaam ah mäih, Egypt khaw ah mäih ah kyak ci. (Cun cu Bawipa naw, Sodom la Komorrah kä a m’di pha ung ah kyak ci.)

SAM 97:3

Mei däi cu ama ah hteit ne, a pei leng ah a ga gui cu ui gui ci.

ISAIAH 9:18

Chang gui ah cheishoh nak naw hling k’cam la hling gui mei naw a uih ah mäih ah ui ci. Cun cu bung hmu mei naw ui sei meikhu a tawt ah mäih ah ui ci.

ISAIAH 9:19

A i ah kyasei ci ung m’gäi ciah Bawipa cu m’lungshe ci, ami ah m’kyuk nak naw khaw avan cu mei ah mäih ah ui ci, Chang avan m’di ci, cun cu a chang ami ah phäh ah kyak ci.

ISAIAH 14:17

Mang gaw gui m’di ne, khaw cu khaw ng’gau ah ng’lat. Sak ciah chang ah kä kya ne ang? Thawng kium ci gui kä m’hlawt ba gui phung ne, ami im ah kä hteh ba sak gui ciah chang ah kä kya ne ang?

ISAIAH 15:6

Nimrim tuilawng cu ket ci, a pei yun ah khumghaw gui cu chawng yawp ci, a i phi khu ching kä om ba ci.

EZEKIEL 36:35

Chang nü naw pyen khai, shin ah khaw cu a i hawkcha ang, shin cu bung ah kya man te ci, tuhbäi Eden dum ah mäih ah kyak ci nei, ng’phyek ci, ami guttep, dishum ciah mang gaw gui cu, tuhbäi bä ne khäng tham khai ah cawh ah kyak ci nei.

ISAIAH 33:4

ng’yak ciah chang pakhui gui cu dawng ci gui nei. Ami khawh gui cu pha pe gui ne, ami guttep ah kyasei lak gui ci gui.

HABAKKUK 1:6

Kei naw Babilonian chang gui cu ka huham mah sak gui khai. Ngami cu theek ne pheet ci gui, Ngami naw khaw kaan ne a khaw hei phi näng khai gui nei.