JOEL 2:24 - Cho Bible Common Language 2016

²⁴ Htang m’häi hmun cu htang m’guh awn be ne; neen nak ah akpei gui cu sapyit tui la olive situi awn pleip khai gui.

JOEL 2:24 Referans Kwoze

MALAKHI 3:10

Bum gha bum ät cu akbe ah Taigüim ah nami law püi vai. Cun ung ei awk vai cu nami khaw ung da khai nei. Cun ah bi u ne kei cu nami na m’nüm vai, Kei naw khankho m’kawt hmawng ne akni akbä avan ka ning yuk lawn gui cu nami hmuk khai nei.

AMOS 9:13

“Akhin gui cu gawk lawk ci nei” cik ci Bawipa naw. “Htang cu khäm nak man ah akhin ah mä yaang pi ne hmin lawk khai, am theih gui cu atui sui nak man ah akhin ah yaang pi ne up khai gui. Khomhtung gui ung tuui ciah sing theih gui ng’soi ne, khaw gui gui lon shi khai.

JOEL 3:18

Cun ah khin ung khomhtung gui cu sapyit shun naw küm khai, khogui päng ung sei gui lum sei hmuh vai; Judah khaw avan ah phäh ah tui gui da khai. Bawipa ah Taigüim ungka tui khawng ne long khai, acun naw Akacia khaw nawi yuk m’shawi khai.

JOEL 3:13

Ngami cu cheishoh aih ci gui nei; geit khäm yah ung htang ah ah mäih ah aat gui ä; Sapyit neen ah mäih ah neen gui ä sapyit atui kä a luh law pha yawp ah chuih neen ah mäih ah güüt gui ä.

TAIGÜTHUM 26:10

Nami geit khäm cu da aih khai, kum ät ung ng’büh ne pawih khai, nangmi naw pawih ciah geit phyim cu huk u ne, geit thai nami m’sep khai.

TAIGÜTHUM 25:19

Khaw ng’lei naw geit gui m’thawk sak khai, nami ei hlü phung avan nangmi ung om khai, nangmi cu phyawng ne nami om khai.

EZEKIEL 36:8

Cun ung phi Israel khomhtung gui ah khan ah, ka chang gui Israel gui, nangmi ah phäh ah sing ghing gui cu a hnah lim ne m’theih khai gui nei. Nangmi nami im ah nami law ba ge khai nei.