Biblia Todo Logo
Bib sou entènèt

- Piblisite -




JOEL 2:23 - Cho Bible Common Language 2016

23 Zion chang gui, yeikyai vä, Bawipa, nami Khanpughi naw nangmi ah phäh ah abi ah hmawk ah yei vä. Ani naw bä ciah khawtui akni ning pe gui ci; ani naw hting kho aa phi yuk chah lawk ci, kä cun pha ung htui khaw aa phi aa sak ci.

Gade chapit la Kopi




JOEL 2:23
42 Referans Kwoze  

Nang mi cu Bawipa ung nami ghin nak awn yeikyai vä, ka pyein ba mä cu yeikyai vä!


kei naw amät ah khin ung khaw ka aa sak khai, cun ung khonglei ung geit m’thawk khai, sing ghing gui cu m’theih khai gui.


Bawipa cu mi hmat vai ah mi tha nak khai nei. Khaw a thaih law vai cu ahmat phyat ah mäih ah khomdek khan ah tui long khai ah kho a aa vai a hmat phyat ah mäih ah ani cu mik ah lawk khai nei.”


Cun ah na bi ah a kyak ung ani naw na khaw ung khotui a hlü yah ung khaw yuk aa law sak khai, hting khaw htui khaw ung phi, cun ah kyasei nangmi ah hmawk ah htang, sapyit la oliv situi cu da khai.


Nangmi naw khokhi ung nami m’shon gui khai; khokhi naw zon gui khai, khokhinu naw k’püipawng gui khai. Cun kawn ah nangmi cu nami yeikyai khai, a i ah kyasei ci ung kei cu nami na khanpughi ah kyak ci; Israel gui ah theingcim ciah khanpughi, kei cu nami na m’tam khah khai.


Nami ng’tüibawi ah hmawk ah Israel chang gui yei vä; Nami ghangpughang ah hmawk ah Zion chang gui yei vä;


Phäi nau gui aw, ak hnu ah ka pyein hlü cu, Bawipa ung yeikyai vä. Ka guk pyi te ka pyein ba cu kei ah phäh ah yaica nak vai kä kyak ci nei, cun cu nangmi ah m’lung üp nak vai ah kyak ci nei.


Khawhtui khaw ah khaw aa khai ah Bawipa ah ng’yoi vä. Bawipa naw khaw k’aa ng’mei gui awn khaw aa sak sei, chang van ah hmawk ah lolai gui m’kim ne nik ci.


Bawipa naw na shung ne na vong ci; Ani cu ka ngaih u ci. Ani naw kei cu nam htei ne, na yei sak ci; yeikyai nak ng’äi awn kei naw ka m’taam ci nei.


A i sang ung phi m’shi nami phu ah a kyak ung, ang lih ngon nak vai ah Bawipa naw kho aa sak khai, akda ah ning khäm sak gui khai, nami vuhchah gui ah phäh ah khulim khaw akda om khai.


Kei ah m’theithang cu khaw aa ng’ma ah mäih ah hteeu khai. Khomdek khan ung khi ah mäih ah toi khai, Kei ah kang thu gui cu geit ayüt ah khan ah yu kyak ciah khaw goh ah mäih ah kyak khai. Hniphnoi ciah khumghaw ah khan ah yuk aa ciah ng’awigii ciah khaw aa ah mäih ah kyak khai.


Ani naw khankhomik ah bühmang ciah a im ungka khaw a aa khin ung khaw yuk aa law sak khai nami bilawh avan hriham pek khai. Cun ah kyasei nangmi naw chang pakhui akda am nami k’pu m’hnih khai. Cun ung phi na mi mät cu a u ah phi kä nami pu ng’yoi khai.


Vun-ah nak bik ci gui ah chang cu ngami ah kä kyak ci, mikmi ah kyak ci. A i ah kya sei ci ung mikmi cu Mumcha awn Khanpughi cu mi khawihna u ne, Bawipa Jesuh Khrit awn mi kawng ät u ne, yeikyai nak mi gah ciah kyak ci. Mikmi cu a hei a i baw düt kä mi ngaih u ci.


Israel chang gui cu gakap ah mäih ah thamah khai gui; Sapyit tui awk ciah chang ah mäih ah yeikyai khai gui. Ami htangshon naw shin ah näng nak cu gah khai gui, Bawipa ah bii bi ah hmawk ah yeikyai khai gui.


Htui kho k’aa, ling kho k’aa ning pe gui ne, akum tä sei geit khäm nak vai ah khin ning pe gui ngä sei phi, kei naw m’tamkhah vai cu kä nami ngaih-tüh ci.


Kei ah ng’äi awn ani cu yeikyai khai, ka yeikyai nak cu ani ung ka lawk ci nei.


Cun ah kyak sei khaw aa ng’düm ne, khaw kä a aa ba ah kyak ci. Nang cu pawmya ciah mäih ah na kyak ci, nang ung lüng aa nak kä om ci.


Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.


Nangmi cu lam hma u ne k’eng täng ni mä, k’pat täng ni mä nami ci law ah a kyak ung, nangmi naw nai hnu ah ani ak’aw nami ng’yak khai, “lam shin ung nei. Shin ung hteit vä” cik khai nei.


Ghangpughang ah yeikyai nak cu htingkhaw ah khaw aa sak ciah khongmei ah maih ah kyak ci, a cun ung ghin nak om ci.


Nangni düng ciah chang gui, Bawipa ah bi ah hmawk ah yeikyai vä. Ani ngai ciah chang gui yei ne m’lau vä.


Khanpughi ah khanchang phia khak ungka Chang m’htei khai ah abi vai kyak ci naw law ne m’htei ei tu hman khai nei.


Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.


Nami geit naw khawtui ang yak hlü yah pi ung kei naw khaw aa ka m’hlat ci. Mang gaw tumat ah khan ah khaw ka aa sak ci, ahei ah khan ah kä ka aa sak ci. Lo tumat ah khan ah khaw yuk aa ci, ahei tumat cu chawng ne ket ci.


Zion ung pami nong gui cu keimi ah khan ung ghui ah mäih ah phuma ci gui nei. Cun ung phi tuihbäi ngami cu van naw amang ah m’dek am ah mäih ah amikiak nak gui nei.


Kei naw Judah gui cu Gakap ah li ah mäih ah, Israel gui cu Gakap ah m’la ah mäih ah, ka mang khai nei. Kei naw Zion chang gui cu Kreece chang gui tuk nak vai ah Khim ghaat ah mäih ah ka mang ba gui khai.”


Cun ung phi Khanpughi naw a om ah mawng cu ak ni a bi nak awn ang täi sei chang gui am m’dang gui ne, Khankho ah kaa kho yuk aa sak ne, amät ah khin ung vuipai m’theihtak ci phi ning pe gui ci. Ei auk vai ning k’be gui ne m’lung yeikyai nak phi ning pe gui ci” cine m’lau ne pyein ci.


Ngami naw Baka khaw ng’gau sun ne ami hteh yah ung, cun ah hmun cu tui hta gui ah khawng nak ah kya lawk ci; Hting kho aa sei gäng tui long ne be ci.


Khankho ah ka naw ngaih pe gui ä. Ghangpughang la Israel chang gui ah hma nak cu m’geinsei gui ä. Düng cicu ami bi vai ah m’theithang gui ä. Cun kawn ah Bawipa, Na mät ah khaw ung khaw cu yuk aa ba sak ä, cun cu na chang gui am angtäi sei ami ka nak vai ah na pek gui ah kyak ci nei.


Khanpughi naw khomdek shawi khai ah kho k’aa cu a tüih ah kyak ci, Ani naw chang gui m’kyuk khai ah phi tüi hning ci, abä mang nak am dang nak ah phi tüi hning ci.


Ani naw khomik cu kho ng’mei awn küm ci, khomdek khan ah kho yuk aa sak ci, kho ng’zuung ung khumghaw pyo sak ci.


“Kei naw ngami cu hriham pe gui ne ka khomhtung theing ah angveing ung ka om sak gui khai. Khotui ami ng’yak hlü yah ung kei naw khaw aa sak ne hriham ka pe gui khai.


Swiv nou:

Piblisite


Piblisite