Ngami cu ding gei sei ami m’shi geit khai gui, ami sapyit gui cu m’theih khai gui, khomdek naw akda vauipai sak khai, khawtui phi nik khai. Kei naw shin ah hriham gui cu k’pawih shut ciah ka changpakhui am ka pek khai.
“Kei naw Jerusalem la acun ung om ci gui avan am chihna nak ka m’dang khai. Ani ah kho cu khong’gau ah a kyak ung phi, Eden ung ka geit ah dum ah mäih ah, kei naw dumah ka pyang khai, Zeikianak la hüithaw nak aca ah om khai, cun kawn ah kei ung zeikianak ah ng’äi lah m’tamkhah nak kei ung om khai.
Cun ah mang gaw Nineveh ah phäh ah kei a i hlawk ah däm sei ka yei khai ang? Cun kawn ah a cun ung, akatnak kä om ciah a hmaw hta gui 120, 000 ah däm cicu om ci nei, a cun ah mäih ah sei me akda phi om ci gui nei!”
Chang nü naw pyen khai, shin ah khaw cu a i hawkcha ang, shin cu bung ah kya man te ci, tuhbäi Eden dum ah mäih ah kyak ci nei, ng’phyek ci, ami guttep, dishum ciah mang gaw gui cu, tuhbäi bä ne khäng tham khai ah cawh ah kyak ci nei.
Kei naw sing theih gui geitkaw gui cu ka dämda sak khai, cun ung changpakhui gui ah ng’lung ah ning thui ng’aa sak gui ciah ei cawinak cu kä om ba khai.
Cun ung phi Israel khomhtung gui ah khan ah, ka chang gui Israel gui, nangmi ah phäh ah sing ghing gui cu a hnah lim ne m’theih khai gui nei. Nangmi nami im ah nami law ba ge khai nei.
Na düng nak cu m’htung küi ah mäih ah ng’tai ne, na taga nak cu tuinu ah mäih ah thuk ci nei. Chang la ak ghing avan cu nang naw na m’hteihtang ci nei.
Tuhbäi ung tün ne k’tha na ne na geit ung phi kä ng’taang hlawt khai, khomdek khan ah na im kä om sei ng’plon shüi shüi ne na om khai nei” cine pyen nak ci.