JOEL 2:20 - Cho Bible Common Language 2016

²⁰ Kei naw asiip lam ah ka lawk ciah khanpeh gui cu ka gawt khai am shah cu khong gau khaw ah ka k’täm gui khai. Ma ciah a khawng gui cu tuisi tuinu ung ka täm gui khai, am shah akhawng gui cu Mediteranean tuinu ung lut khai gui. Sik ciah pumsa gui cu hniim khai gui. Nangmi ah khan ah ami bi avan ah phäh ah kei naw ka m’di gui khai.

JOEL 2:20 Referans Kwoze

ZEKHARIAH 14:8

Cun ah hnüüp a gawk law ung tui akci cu Jerusalem ungka long lawk khai, a teih cu Tuisi Tuinu ung yu kyum khai, a teih cu Mediteranean tuinu ung yu kyum khai. Cun ah tuinu cu a kum pum ung a htui a cha ung long khai.

AMOS 4:10

“Kei naw leigai tumat cu Egypt gui ah khan ah ka chah ah mäih ah ka yuk chah ci. Kei naw nami chang nong gui ng’tuk nak ung ngawn gui ne, nami ng’se gui cu ka k’täm ci. Nami hmun ung sik ciah ak thu gui awn nami hna cu ka be sak ci. Cun güt ung nangmi kei ah kä nami law ba ci.

ISAIAH 34:3

Ngami ah gook gui cu a u naw kä phuh gui khai, awn ung ng’zäu ne thu ne ng’eng khai gui, khomhtung gui cu si bäng ah sen khai gui.

THULÄÄN NAK 11:24

Ak khan ah nami ng’leh nak ah khonglei avan cu nangmi ah kaa ah kyak khai. Nami khopäng cu a htumtäng bungpuk ung yu khüt ne, a siiptäng ah Lebanon Khomhtung gui ung khüt ci. Ak kiangtäng ah Euphratis tuinu ung khüt ne, akhei täng ah Mediteranean tuinu ung khüt ci.

EZEKIEL 47:18

Akiang täng khogii cu a htumtäng ah Damaskas la Hauran khopäng ah ng’lak ung hteit ne, Jordan Tuinu, khosii akhei täng Israel khaw la ak kyang täng ah Kilead khaw ah m’hnüt nak ah kya ne, Tuisi Tuinu kam ah om ciah Tamar ung khüt ci.

PHYAWN NAK 10:19

Bawipa naw a kiang khokhi cu chün ciah khei khokhi ah lat ne, khanpeh gui cu thawk ne yon ne, Suez tui ng’khep ah khüt ne yon gui ci. Egypt khaw ah khanpeh tumat phi kä om ba ci.

2 GHANGPUGHANG GUI 8:13

Hazela naw, “Kei cu a kholä nei! A i hawkcha ah cun ah huham mah ne ka kyak vai ang?” cik ci. Elisha naw, “Bawipa naw na m’hnuh ci, nang cu Siria ghangpughang ah na kya lawk khai” cik ci.

PHYAWN NAK 8:14

Egypt chang gui naw k’u si gui cu k’bum u sei khaw avan ung thu ne ng’üng ci.

SAM 126:3

A cang ah ani naw, mikmi ah hmawk ah a küikyang ah bi bik ci nei; A i hlawk ah mi yei kyai naw!

MALAKHI 3:11

Nami geitkaw gui cu m’kyiit awn kä ka m’di sak khai, nami sapyit ng’shun gui cu akda ah m’theih khai.