JOEL 2:2 - Cho Bible Common Language 2016

² Cun ah hnüüp cu hmüp ne mü khai nei, le ne ng’mei be khai. Khomhtung gui mü hmüp naw aküm ah mäih ah gakap khagek a chün yong lawk khai. Acau phi shin ah mäih ah kä kya man ci, ngawi ah phi shin ah mäih ah kä kya ba khai.

JOEL 2:2 Referans Kwoze

JOEL 1:6

Khagek gakap gui naw mi khonglei tu lawk ci gui nei; ngami cu huham ah u ne kä khei tai vai ah kyak ci gui; ami ha gui cu phongkawng ah ha ah mäih ah ghaat ci.

JOEL 2:5

Ngami cu khomhtung lai ung ng’pet u ne, ng’se yatha ah mäih ah känggäng ci gui; khu chawng mei ah uih ah mäih ah ng’ging ci gui, Ngami cu ng’tuk bi ge khai ah gakap ah mäih ah ng’kyäng ci gui.

JOEL 2:25

Na shum nak gui cu ka ning pe ba khai ng’hlom ciah khanpeh gui naw na geit gui ami ei ah kum ung ka ah kyak ci. Shin ah gakap cu nang ning hnungtuk püi khai ah ka tüih law ah kyak ci nei.

JOEL 2:31

Khohni hmüp khai, cha cu si ah ng’hlat ne sen khai cun cu dämduh ne kyih vai kyak ciah Bawipa ah hnüüp kä a gawk law pha ung ah kyak khai.

DANIEL 12:1

Linen sui sui ciah Khanpughi naw pyen ci, “Cun ah akhin ung na chang gui ngäng ciah dämduh ciah khanchang Michaela cu dang lawk khai. Cun kawn ung changpakhui gui ami om kawn ah kä kya man ciah khüikha nak pikbäih ah akhin cu gawk lawk khai. Cun ah akhin a gawk law ung Khanpughi ah ca-uk ung aming ami guk ah na pakhui ungka chang avan cu hun nak gah khai gui.

ISAIAH 8:22

Ngami naw m’dek teng khai gui, cun ung phi a i kä hmuk khai gui, yaica nak la mü hmüp nak bäng ah kyak khai, kyih kyawk vai ah mü hmüpnak cu.

ISAIAH 5:30

Cun ah hnüüp a gawk law ung, ngami cu Israel ah khan ah tuinu ah ng’güüt hlawk ah m’lau khai gui. Shinah khaw cu teng vä! Mü hmüp la geinvai nak ah kya ci! Akdei cu mü hmüp naw m’zaw ci nei.

JUDE 1:13

Ngahmi cu m’naw ne ng’hnauk ciah tuinu awn phi täng ci gui, tuinu ng’hnauk ah am vom ah mäih ah, ngami ah lü ng’aa nak vai ah ami om ih cu dang ci nei. Ngami cu a hteh nak vai ah lam kä om ciah aisi awn phi täng ci gui. Ngami ah hmawk ah Khanpughi naw thuuk ne ak hmüp nak pi k’bäih ung, angtäi sei ami om nak vai ah hmun cu m’hnüt pe gui ci.

HEBRU 12:18

Nangmi cu Israel chang gui ah mäih ah tawnyap thei ah Sinai kho m’htung ung nami gawk ciah kä kyak ci. Cun ah m’htung cu mei m’lei tawt ne, kho m’than ne, puikho khi ne,

MAKUH 13:19

Khanpughi naw khomdek a tüi pyan ung tün ne, a i yah ung phi shin ah mäih yaica nak cu, a u naw kä awt man ci, ngawi ah phi a u naw kä bui awt ba khai.

AMOS 4:13

Khanpughi cu khomhtung gui piang ne, khokhi tüisho ciah kyak ci. Ani naw a m’lung ngaih cu chang gui am hmat sak ci; ani naw khaw hnüüp cu mü ah ng’lat sak ci. Ani cu m’dek khan ahlüng nak pi ung hteit ci. Ani ah ming cu Bawipa, m’Gäi ciah Khanpughi ah kyak ci.

DANIEL 9:12

Keimi la kami uktu gui ah khan ah na bi vai ah na pyen cu nang naw na bik ci. Nang naw khomdek khan ah mang gaw gui nicii ah da pi khai ah Jerusalem cu na m’kyuk ci.

JEREMIAH 13:16

Ani naw khaw hmüp nak kä a law püi pha ung, Ngami m’htung khan ah ng’vawn ne kä nami ng’tän phaung ani naw hmüp khui nu ah kyak khai ah kä a m’hlah pha ung, Bawipa nami Khanpughi cu m’tam khah vä.

SAM 97:2

Kho ng’mei la khomü naw ani cu koi ci; Ani naw düng nak la müi nak awn uk ci nei.

SAM 10:6

Amät ng’htau ne, “Kei kä ka zu ng’kia hlawt khai; kei khuikha nak ung kä ka gawk hlawt khai” cik ci.

THULÄÄN NAK 32:7

“Ayanä kaa, cau ng’pyi ciah akhin cu ngai ba, A i ah kya man ci ami ning m’thein gui vai ah, nami pa gui ng’shi gui vä.

PHYAWN NAK 20:21

Cun ung phi chang gui cu ang shawng ah ng’düi lä ci gui, Moses bäng Khanpughi ah om nak ah ng’meile ah pei ah ng’et lawk ci.

PHYAWN NAK 10:14

Ngami cu ng’hläm ne yong law u ne, khaw avan ah khan ah ngok ci gui. Cun cu acau phi kä hmuh man, a ngawi ah phi kä hmuh ba vai ah akdäm pikbäih khanpeh bum ah kyak ci.

PHYAWN NAK 10:6

Cun gui cu na mang im ung be khai gui, na bawi gui ah im gui la na chang gui ung be khai gui. Nami pupa gui ah hmuh tu man nü ung a shekha pikbäih ah kyak khai nei” cik ci. Cun kawn ah Moses cu ng’hlat ne hteit ba ci.

MATTHE 24:21

Cun ah a khin ung ang htei ah shekak ciah yaica nak gawk lawk khai. Cun hlawk ah shekak ciah yaica nak cu khodek ang tüi law ung tün ne a i yah ung phi chang gui naw kä bui awt man khai gui. Ngawi ah phi bui awt ba vai ah kä kyak ci.

THU PHLAAN 9:2

Cun ah aisi naw m’htei lungkhui cu hmawng khätah khawvah ng’ai m’khih ung akhu ah mäih ah meikhu tawt ne shung sei hnimik la khankho avan hmüp yawp ci.

NG’ÄI KYAH 1:12

“Na teng vä “ci ne ani sun pah ci päng ah ma ah kyap ci. A u chang ung phi kei ah m’neh ah mäih kä om khai nei. Cun ah m’neh nak cu Bawipa naw am lungshe yah ung kei ah khan ah a law püi ah kyak ci nei.

EZEKIEL 32:7

Kei naw nang ka ning m’di law ung kei naw khankhomik shung ne, aisi gui cu ka maih sak khai. Khohni cu ng’mei naw shung khai, cha cu kä vai ba khai.

EZEKIEL 34:12

Cun cu htome shäm naw püipiang ciah a htome gui cu m’htei htang gui ne, atäng ah a law pü ba gui ah mäih ah kyak ci. Hmüp khui ah a kyak nak ah hnüüp ung, ngami ami püipiang nak ah hmun avan ungka kei naw ka law püi ba gui khai.

EZEKIEL 38:9

Ani la a gakap gui, ani awn atäng ah om ciah changpakhui gui naw puikhokhi ah mäih ah tu u ne, khaw avan cu khongmei ah mäih ah küm khai gui.”

JEREMIAH 13:6

Shou hta khäth Euphratis ah hteit ne suisak gui ka lak ba vai ah Bawipa naw na m’thein ba ci.

JOEL 3:4

“Tire, Sidon la Philistia avan, kei ah khan ah a i bi vai ah ang nami tha nak? Kei am a i baw nami na pe ba khai ah nami tha na ne ang? Nami tha nak ah a kyak ung, kei naw ang ghit ah ka ning pe ba gui khai!

ZEPHANIAH 1:7

Bawipa naw am khoicha nak vai ah hnüüp cu ng’et lawk ci nei. Cun ah kyasei ama ah kawp yawp vä. Bawipa naw ghutha nak vai ah a chang gui pawng püi ne, Judah gui tu gui khai ah ga gui khü gui ci.

ZEKHARIAH 14:6

Cun yah ung khaw akhiing nak, khüi ah toi nak kä om ba khai.