JOEL 2:19 - Cho Bible Common Language 2016

¹⁹ Ani naw m’shang gui ci, “Tuhbäi kei naw, htang m’guh ni, sapyit tui ni, olive situi ni, ka ning pe law gui khai, nangmi cu nami phü khai. Ahei pakhui gui naw kä ning päipih ba gui khai.

JOEL 2:19 Referans Kwoze

EZEKIEL 34:29

Kei naw ngami am anglei nik ciah lolai cu pe gui ne, khaw ung ei cawi nak cu ka ng’pyi sak khai. Ahei changpakhui gui naw ngami cu kä m’lepse na ba gui khai.

EZEKIEL 36:15

Shin ah khaw naw changpakhui gui ah züih shaa nak, kä ng’ya ba khai, chang gui ah m’lepse nak phi kä hmu ba khai. Cun ah khaw naw changpakhui ah hta nau gui phi kä hmu ba khai. Cun ah khaw naw changpakhui ah hta nau gui phi kä gut tep ba gui khai. Kei, uktu Bawipa naw ka pyen nei.”

MATTHE 6:33

Khanpughi ah uknak kho la ang düng nak cu akhtük bäih ah nami shui vai, cun kawn ah a päng avan cu ning pe gui khai.

JOEL 2:24

Htang m’häi hmun cu htang m’guh awn be ne; neen nak ah akpei gui cu sapyit tui la olive situi awn pleip khai gui.

JEREMIAH 31:12

Ngami cu Zion m’htung ah law ne yei ne ng’äi m’cu khai gui, kei ah m’cümhnah awn lünlawi khai gui — Cun ah m’cümhnah cu htang, sapyit tui olive situi la Htome, seipat gui ah kyak ci. Ngami cu tui shawk akni ah mäih ah kyak ci. Ngami cu tui awn akni ah shawi ah dum ah mäih ah kyak khai gui; Ngami naw ami ng’ yak phung gah khai gui.

JOEL 1:10

Lolai gui auh ci gui; khomdek thüikyap ci, a i ah kyasei ci ung htang gui di yawp ci, sapyit gui ket yawp ci, olive sing gui chawng yawp ci.

HOSEA 2:15

Ani ah sapyit vong phi kei naw pe ba ne, yaica nak ah khongnawi phi ngaih u nak ah ka pyan pek khai. Ani naw acu ah na m’shang khai, ayanä ah mäih ah ani a hmaw yah, Egypt ah kaa a law ba yah ung,

EZEKIEL 39:29

Kei naw Israel chang gui ah khan ah ka mümcha cu ka yuk chah khai, kä ka ng’hlah ta ba gui phung khai. Kei uktu Bawipa naw ka pyen nei.

TAIGÜTHUM 26:5

Nami geit cu da aih sei, sing theih akni k’bih vai güt ung htang nami khäm khai, m’shi shaw vai güt ung sing theih akni nami bit khai. Nami ei hlü phung avan nangmi ung om khai, nangmi cu nami khaw ung phyawng gai ne nami om khai.

HOSEA 2:21

Cun ah khin ung kei naw ka chang gui Israel gui ah taigü cu ka m’shang khai. Kei naw khomdek khan ah khaw ka aa sak khai. Cun ung khomdek ung htang ni, sapyit ni, olive ni gui cu m’theih pai khai gui.

THULÄÄN NAK 11:14

Cun ah na bi ah a kyak ung ani naw na khaw ung khotui a hlü yah ung khaw yuk aa law sak khai, hting khaw htui khaw ung phi, cun ah kyasei nangmi ah hmawk ah htang, sapyit la oliv situi cu da khai.

RUT 1:6

Api shou hta khatä, Bawipa naw ami chang hui awn hriham pe sei, ei awk vai ada cu, Naomi naw ng’yak ci; cun ah kyasei a hta goi ah chu gai awn a täng ah Moab kho nawng shut ne hteh vai ah pawng ci gui.

EZEKIEL 36:29

Kei naw nangmi ning lelawi sak gui ci phung ung ka ning hun gui khai. Kei naw pümhtang gui ada vai ah ka thumkhän khai, cun ung nangmi ung ei ah cawi nak kä om ba khai.

EZEKIEL 36:30

Kei naw sing theih gui geitkaw gui cu ka dämda sak khai, cun ung changpakhui gui ah ng’lung ah ning thui ng’aa sak gui ciah ei cawinak cu kä om ba khai.

ZEKHARIAH 8:12

Ngami cu ding gei sei ami m’shi geit khai gui, ami sapyit gui cu m’theih khai gui, khomdek naw akda vauipai sak khai, khawtui phi nik khai. Kei naw shin ah hriham gui cu k’pawih shut ciah ka changpakhui am ka pek khai.