JOEL 2:18 - Cho Bible Common Language 2016

¹⁸ Cun kawn ah Bawipa naw a khonglei am htei nak m’dang ne; a chang gui chimgein gui ci.

JOEL 2:18 Referans Kwoze

ZEKHARIAH 8:2

“Kei naw a chang gui thuuk ciah ka m’hni nak awn Jerusalem cu ka m’htei khai ah ka k’bäi ci nei. Cun ah m’hni nak cu a ga gui ah na m’lungshe nak sak ah kyak ci nei.

ZEKHARIAH 1:14

Khanchang naw M’gäi ciah Bawipa ah ng’thu ka shä vai ah ana m’thein cu, “Theingcim ciah Jerusalem ka mang gaw cu, kei naw ak thuuk ah m’hni ne ka ng’ä nak ci nei.

SAM 103:13

Ami pa naw a hta gui cu am hni gui ah mäih ah, Bawipa naw amät chang m’sui cicu m’hni gui ci.

JAMES 5:11

Ngahmi cu khüighaat ci gui ah kyasei yeikyai ci gui ah khü gui ah kyak ci. Job ung a i hlawk ah hnimgei nak a om cu nami ng’ya pyi ci, ak hnu ah Khanpughi naw a i hlawk ah am hteihtang cun phi nami hmat ci. A i ah kyasei ci ung Khanpughi cu chimgein nak la chihna nak awn be ciah Bawipa ah kyak ci.

NG’ÄI KYAH 3:22

Bawipa ah kä yung kyak ciah am hni nak la a chimgein nak cu ng’täi lä ci nei.

ISAIAH 63:15

Bawipa, Thengcim ne, bäimang sei na om nak ah khankho ah ka naw na yuk teng gui ä. Dämdüh ciah keimi ah phäh ah na ng’ä nak cu a hawi ang? Na huham cu a hawi ang? Na m’hni nak la m’gein nak cu a hawi ang? Keimi kä na nawng en gui ä.

ISAIAH 63:9

ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.

LUKA 15:20

Cun kawn ah ng’düi law ne apa ah om nak ah hteit ba ci. Ashou nak pui ah ana a vü ba cu apa naw hmu netah, ang htei ah m’gein ne dou law ne kyap ne ng’ui ci.

JEREMIAH 31:20

“Israel, nang cu ka yum pi k’bäihah ka hta, ka m’hni pi k’bäih ah a hmaw ah na kyak ci. Kei naw nang ah ming ka m’dang yah phung ung, na m’hni nak cu ka ngaih-tüh ci. Kei ah ka m’lung cu nang ung gawk sei, kei ung chimgein nak om ci.

ISAIAH 60:10

Bawipa naw Jerusalem a pyen nak cu, “Akhohei chang gui naw nangmi ah pigaw k’pang co ba khai gui nei. Ami ghangpughang gui naw nami bi bik khai gui nei. Ka m’lunghse nak awn ka ning m’kyuk gui ci, cun ung phi tuhbäi ka chang m’sui nak la ka chimgein nak cu, ka ning m’dang gui khai.

ISAIAH 42:13

Bawipa cu gaktu ah mäih ah ng’tuk bik khai ah lut lawk ci nei; Ani cu ng’tuk vai ah pawng ge ne ng’tawt sheng ci nei. Ani cu ng’tuk bi vai ah m’lau ne ng’hawh ci nei; Ani naw a ga gui hnung’tuk püi ne, a huham m’dang ci nei. Achang gui Am hteihtang vai ah Shaitak ci.

SAM 103:17

Cun ung phi Bawipa m’taam ciah chang ah hmawk ah, ani ah m’hni nak cu kä ng’pyi hlawt ci, Ani ah ni nak cu hta ng’shon avan ung khäng lä ci.

SUKI GUI 10:16

Cun ah kyasei ngami naw akcho hei khanpughi gui cu nawng u ne, Bawipa cu khawihnah ci gui; cun ah kyasei, ngami ah khüikha nak cu chihna gui ci.

THULÄÄN NAK 32:43

Chang pakhui gui, nangmi naw Bawipa ah chang gui cu nami m’tam khai, Ngami ngawn gui cu avan ani naw m’kyuk khai. Ani naw aga gui ah khan ah phu tuk ci, A chang gui ah katnak cu geinsei gui ci.”

THULÄÄN NAK 32:36

Ami thagui ng’pyi sei a hmuh gui ung, Bawipa naw a chang gui cu gung gui khai. Am gein kaa ah kya u sei a hmuh gui ung, Abii bik ciah chang gui cu Bawipa naw chimgein gui khai.

THULÄÄN NAK 32:16

Agup ami pyan gui naw Bawipa cu m’thüi sak ci, Akshe ami bi naw ami m’lung shet sak ci.

ISAIAH 37:32

Jerusalem la Zion m’htung ung k’pawih khai ah chang gui om khai gui nei, a i ah kyasei ci ung m’gäi ciah Bawipa naw cun ah kya lawk khai ah akbäi pyi ah kyak ci nei.

2 GHANGPUGHANG GUI 19:31

Jerusalem la Zion ung k’pawih ba ciah chang gui cu om khai gui, a i ah kyasei ci ung a cun ah kyak khai ah Bawipa naw ak bäi pyi ah kyak ci.