JOEL 2:16 - Cho Bible Common Language 2016

¹⁶ Chang gui atäng ah bum gui vä; theing ciah ng’ge nak vai ah pawng püi gui vä; aghipa gui law püi gui vä; a hmaw gui bum gui vä nausen gui phi bum gui vä. Ng’chu ng’la thai ci gui phi ami im nawng shüt ne law u sä.

JOEL 2:16 Referans Kwoze

2 SHONTÄP NAK 29:5

acun ung ng’thu pyen na gui ci. Ani naw, “Nangmi Levit gui cu nami mät ng’ap u neta, nami pupa gui ah Khanpughi Bawipa ah Taigüim cu nami theingthap sak vai. Taigüim lelawi sak ci phung cu nami nawt heng vai.

2 SHONTÄP NAK 20:13

Judah chang gui ami van, ami chu, hta gui mah ah Taigüim pei ah ng’düi ci gui.

1 KORIN 7:5

Nangmi naw k’taigü nak vai ah ng’dawt ne nami k’bäi ah akhin nami peit ah kawn ah, ng’chula goi ah ng’yak hlü cu kä nami ng’chei en sak vai nei. K’Taigü nak ang pyi kawn ah nami om man ah nami om ba vai nei. Cun ung vah nami m’lung cu htingling sak hlawt u ne Satan ah tüihtok nak cu nami m’khüt näng khai.

JOEL 1:14

Ei hlawi taigü vai ah k’bäi vä; chang van ng’bum vä! Ang vai gui la Judah chang gui avan Bawipa nami Khanpughi ah Taigü kyong ah bum u ne, ani ah kyap lau vä!

1 SAMUEL 16:5

Ani naw, “Ä, kei cu Bawipa am khawihnah nak ka douthak khai ah ka lawk ci nei. Nami mät theingthap sak neta law tu vä” cik ci. Ani naw Jesse la a hta gui phi ami mät ami theingthap vai ah pyen na gui neta, khawihnah nak ah khü gui ci.

PHYAWN NAK 19:22

Taigü gui phi ka pei ah ami law vai ung ami theingciim vai nei, kä cun ung ka m’kyuk gui khai nei cik ci.

PHYAWN NAK 19:10

Bawipa naw Moses am, “Hteit ne chang gui am m’thein gui ä, Kei na khawihnah khai gui ah kyasei, tuh ngawi la ngawi ung ami ng’gangsei vai, ami suisak ami m’su vai,

MATTHE 9:15

Bawipa Jesuh naw, “Chumah khai ah pamihta ah a teihpüi gui cu, cun ah pamihta awn a täng ah ami om yah ung, thüisei khai gui ang? Cun ung phi cun ah pamihta cu ngami ungka la ne ami hteh nak püi vai ah a khin gawk lawk khai nei. Cun kawn ah ngami cu ei hlawi khai gui nei.

SAM 19:5

Ani cu kho ngawihta ung chumah khai ah pamihta ah mäih ah yei ne, Khahta gai ciah dawng ah mäih ah lawk ci.

JOB 1:5

Pawi päng ah a ngawiu ung khongawi, Joba cu ang dawt ah thou law neta, a hta gui tumat ciah phäh ah ami theingthap nak vai ah khawihnah dou thak ci ci. Ani naw ak phlüt ah cun ah abi cu a hta gui tumat mat naw kä ngaih-tüh ah Khanpughi a i ah kä sui ne akat nak vai a kyih ah phäh ah kyak ci.

2 SHONTÄP NAK 35:6

Nangmi naw phyawn nak pawn ung htome hta gui la me gui cu nami ngawn khai. Tuhbäi nami mät naw nami mät theingthap khai ah nami bi vai, Bawipa naw Moses ung a ning pek gui ah m’shümthein nak, nami Israel paw gui naw ami läk vai ah khawihnah nak vai cu nami pawng püi vai.”

2 SHONTÄP NAK 30:19

“O Bawipa kami pupa gui ah Khanpughi, kä a mitheing thap ung phi ami m’lung kyong avan awn ning khawihnah ci gui ah khan ah na ni nak awn m’geinsei gui ä.”

2 SHONTÄP NAK 30:17

Chang akda cu kä theingthap phak ci gui ah kyasei, ngami naw phyawn nak ah htome hta cu kä ngawn hning ci gui, cun ah kyasei Levit gui naw ngami ah phä ah bi pe gui ne htome hta gui cu Bawipa am ap ci gui.

JOSHUA 7:13

Tho lawä! Chang gui theingthap sak gui ä! Ka ma ah ami law vai ah pawng sak gui ge ä! Ngawi ung ami pawng ge vai ah na m’thein gui vai, a i ah kyasei ci ung Kei, Bawipa Israel Khanpughi naw shin ah ka pyen ci; ‘Israel gui, kei naw m’di vai ah ka thukbäi ah khawh amshah nangmi ung om ci! Acun ah khawh ungka kä nami phyawn pha ah chuih nami ga näng ne kä nami ng’düi hlawt khai!’

PHYAWN NAK 19:15

Moses naw ngami am, “Cituh hnüüp ah hmawk ah nami pawng ge vai, cun ah a kyong ung kä nami ng’yaw pawm en vai” cine pyen na gui ci.

MATTHE 21:16

Ngami naw Bawipa Jesuh-am “Akhmaw gui a i cine ami m’lau cu nang yak ci ang?” cine ng’shik ci gui. Bawipa Jesuh naw, “Akcang ah kang yak ci nei. Cacim ung, ‘Bawipa naw, htahmaw gui la nau hmaw gui cu ami m’hlüngtai thei vai ah Theithang gui ci nei,’ ciah om ci cu, Kä nami phat man ci ma?” cine kyak na gui ci.

JOSHUA 8:35

Moses ah thumkhän gui nü cu Joshua naw chang bum van ah ma ah phat ci. Acun ung hnumi gui la a hmaw gui ni, ami ng’lung ah om tuk ciah khuihei chang gui mah ah om ci gui.