JOEL 2:15 - Cho Bible Common Language 2016

¹⁵ Zion m’htung khan ah phyungheng tum vä; Ei hlawi vai ah ng’thu bäi vä, chang hli khü vä!

JOEL 2:15 Referans Kwoze

JOEL 1:14

Ei hlawi taigü vai ah k’bäi vä; chang van ng’bum vä! Ang vai gui la Judah chang gui avan Bawipa nami Khanpughi ah Taigü kyong ah bum u ne, ani ah kyap lau vä!

JOEL 2:1

Khanpughi ah theing ciah khomhtung Zion ah khan ah phyungheng tum vä, khingyan khawng vä. Judah chang gui ng’hlet vä! Bawipa ah hnüüp cu gawk law ge ci nei.

1 GHANGPUGHANG GUI 21:12

Ngami naw ei hlawi nak ah hnüüp cu ng’shäu u neta, chang gui a täng ah khü gui ne, Naboth am m’tam nak ah hmun cu pek ci gui.

KHEI NAK 10:3

Phyungheng hnih ung k’aw shan ang sau ang gin law ah a kyak ung chang gui ami van ng’cut law u ne, kei ah om nak ah Phung ah m’kaw tung ning k’bui lawk khai gui.

JEREMIAH 36:9

Jehoiakim, Judah ghangpughang ah a kyak nak, kum hma nak ah a cha kaw nak ung chang gui naw Bawipa ah m’kuum nak gah vai ah ei hlawi ci gui. Ei hlawi nak cu Jerusalem ung om ciah chang avan la Judah khaw gawnu gui ungka lawk ci gui ami van naw bik ci gui.

2 GHANGPUGHANG GUI 10:20

Cun kawn ah Jehu naw thu k’bäi ne, “Baala m’taam ne khawihnah nak vai ah hnüüp cu ng’shäu vä!” cik ci. Shäu nak ami bi kawn ah

1 GHANGPUGHANG GUI 21:9

Cun ah ca ung, “Ei hlawi nak vai ah hnüüp ät k’bäi ne ng’shäu u ne, chang gui a täng ah khü gui neta, Naboth am m’tamkhah nak vai ah hmun pe vä.

ISAIAH 1:13

Deuthak nak nami law püi cu a khaw lä nei. Nangmi naw nami m’khih ah ang ui aha khu cu kei naw ka m’shem shai ci nei. Nami chathai pawi, kyinnak hnüüp la yum nak nami ng’bum nak ung kei kä ka om hning kahi; cun gui avan ca nami katuak naw m’di yawp ci.