Biblia Todo Logo
Bib sou entènèt

- Piblisite -




JOEL 2:13 - Cho Bible Common Language 2016

13 Nami m’lung ah payak nak naw nami thüi nak cvu m’dang sä; nami sui nami k’teh düt cu kä bä khai nei.” Bawipa nami Khanpughi ah law ba vä. Ani cu m’hni nak la chim gein nak awn be ci nei; ani cu hnimgei ne a shaitak paang ci nei; ani naw angtäi sei ning geinsei gui ge ci, kä ning m’kyuk gui ci.

Gade chapit la Kopi




JOEL 2:13
41 Referans Kwoze  

Cun ung phi, O Bawipa, nang cu chimgein ci la m’hni ciah Khanpughi ah na kyak ci, angtäi sei, na hnimgei ci, na k’dük ci, na bekhüt ci nei.


Thüi kyap ci gui cu Bawipa naw ng’et püi gui ci, A ngaih u nak mäih cicu hun phyawn ci.


“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.


O, Bawipa, nang ah kawn ah ahei Khanpughi kä om ci. Om ba ciah na chang gui ah ami katnak cu na m’gein ci, nang cu angtäi sei na m’lung kä shek ci, na na m’hni nak gui dang khai ah na yeikyai nak om ci.


Nang cu na nik ci, na na m’gein sei gui ci, nang ah taigü ci van ah khan ah na m’hni nak akbe om ci.


Bawipa cu chimgein nak la m’hni nak awn be ci, a yäi ah kä m’lungshe ci, ng’täi ciah m’hni nak awn be ci.


Cun ah kei sei a taigü cu, “Bawipa, shin ah mawng cu im kä ka hteh taak pha ung ka pyen ciah kä kya ne ang? Shin cu nang ah bi vai ah kyak ci nei! Cun ah kyasei kei naw akni pi bi ne, Spain khaw ah ka dawng ci nei. Nang cu m’hni ci la m’gein ciah Khanpughi ah na kyak cu ka hmat ci. Ang täi sei m’lung gei ne, chimgein ne, angtäi sei na m’lung m’thawng ge ne, a u kä na m’kyuk ci nei.


kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.


David naw thüi ne a sui cu k’teek ci, ak chang gui ami van a cun ah kyak ci gui.


Kä cun ung Khanpughi ah chimgein nak, m’lung sau nak la hnimgei nak gui cu a i ah kä na sui ci maa! Khanpughi naw nang cu nang yu ba vai ah lam ning m’shüm ne, a ning m’gein ah mawng cu, nang naw akcang ah na hmat ci nei.


O Khanpughi, kei ah khawihnah nak cu, ng’gäi ciah m’lung nei. Nang naw ng’gäi ciah m’lung la ng’yu ba ciah m’lung cu kä na nawng düt ci nei.


Nang cu ng’yuu ba ne, kei ah ma ah na m’lung na ng’neim sak ci, kei naw Jerusalem la a chang gui, ka m’kyuk gui khai, cicu ng’ya neta na sui k’teek ne, na kyap ci. Kei naw cun cu kyihkyawk vai ah ka bik khai, shin ah hmun ah aming cu chang gui naw plah tam nak ah mang khai gui. Cun ung phi nangmi ah taigü cu kei naw ka ng’yak ci,


Cun ung phi Khanpughi ah m’gein nak cu däm aih ne am hni nak cu hlüng aih khä tah,


Ngami ah hmawk ah a thukhän cu shüm ba ne, däm ciah am’hni nak awn m’düm gui ci.


Cun ung Joba cu ng’düi law ne a sui k’teek ci. Ani cu alu teiu ne m’dek ung a hmai gawk khai ah kyu ne ng’baup ci.


“Kei Bawipa cu ayäi ah kä kam lungshe ci, kei naw dämduh ciah m’hni nak bekhüt nak cu m’dang ne, katnak la hnungtuk küknet nak cu ka m’geinsei ci. Cun ung phi ami pupa ah katnak ah hmawk ah htanau gui la tuhta gui ah khan ah ng’shon thum phli ung m’kyuk nak cu kei naw kä ka k’phlawi ci.


Na ng’thu läk vai ah mak ci gui; nang ah bi gui avan m’hnih ci gui; Nang naw na m’dang ah cäi aih vai gui phi m’hnih ci gui. Chang ah ami ng’shei nak awn Egypt khaw ah changshäm ah kyak ba vai ah hteh püi ba gui khai ah ami ng’vai cu ghü ci gui. Cun ung phi nang cu m’geinsei ciah Khanpughi ah na kyak ci; Nang cu na m’gein ci, na m’hni ci, kä na m’lungshe yäi ci. Na chimgein nak cu dämduh ci, nang naw kä na nawng gui ci.


Pumsa lam ung thei nak cu bä kung ci, cun ung phi mümcha lam ung thei nak cu, a mawng avan ung, tuhbäi la ngawi yä ghin nak vai ah bä pi bäih ci.


Bawipa cu kä m’lungshe yäi ci. Cun ung phi ani cu huham mah ci, Akshe cu kä m’kyuk ah kä nawng ci. Bawipa ah hteh nak ah puikhaw khi ci; Akhaw a chaan ung khaw ng’mei m’vut ah thawk ci.


“Jerusalem mang gaw avan ung hteit ne, mang gaw kyong ah shemshai nak ami bi gui avan ah phäh yaica khüi kha ciah chang phung cu a m’calai ung na m’hnüt vai nei.


Ghangpughang naw cun ah ng’ya neta, thüi aih ne a sui cu k’teek ci. A cun ah paang pei ah om ciah chang gui naw ani cu htu ah kyong täng sui k’she sui sei hmuk ci gui.


Israel ghangpughang naw ca cu phat neta, a sui cu teek ne, “A hawcha ah shin ah chang kei naw ka gai sak vai ah Siria ghangpughang naw ngaih u ci ang? Kei cu sih nak la ghin nak ah huham awn om ciah Khanpughi ah na ngai ne ang? Shin cu kei a na ghüh hlawh tu ah kyak ci nei” cik ci.


Elijah naw ng’thu a pyen yawp ung, Ahab naw a sui gui k’teek ne, suut ne, suishe gui sui ci. Ani cu ei kä ei ne, suishe awn ip ne, thüi nei ng’üüp ne hteit hton ci.


Jakob cu a sui suut ne, ng’yuu sui sui ne, a hta ah phäh ah thüi kyap ci.


Reuben naw Joseph cu teng law ba sei khui ung kä om ba khäta, a sui shum ne azä ci.


Einmai hlwi ng, nami mät naw nami mät nami yaica sak ci; khum’ghaw ah ng’voi ah mäih ah nami lu ngüm ne kawp ne, sui she phüi ne, m’vut ung ng’zaän ne nami kyak ci. Cun ma nangmi naw ei hlawi ah nami pyen? A cun ah mäih cu kei naw ka yei nak khai ah nami ngai ne ma?


Ghangpughang naw ca uk a phat cu ng’ya neta, ani naw thüi ne a sui k’teek neta,


Shechem, Shilon la Samaria ah ka chang cheit kip gawk lawk ci gui. Ngami cu ami m’kha mu k’tei u ne, ami sui k’teek u ne, ami sa phi aat ci gui. Ngami naw püi ci gui.


Nangmi cu shin ah khaw ung nami om lä vai nami ng’yak hlü ah a kyak ung, kei naw ka ning colcyang gui khai, kä ka ning m’shet m’kat gui khai kei naw ka ning geif gui khai, kä ning mawi gui khai. Nangmi ah khan ah ka law püi ah dishum nak naw kei cu ak däm ah na azä sak ci nei.


Israel chang gui, Bawipa, nami Khanpughi ah ng’hlat ba vä, Nami katnak naw ning vawn sak gui ne ning kyuk sak gui ci nei.


O Bawipa, khankho ah om ne ngaih pe gui ä, Israel gui, na changshäm gui ami katnak m’geinsei gui ä, ng’düng ci ami bi vai ah m’theithang gui ä. Cun kawn ah, O’BAWIPA, Shin ah khaw, khonglän ung ami kaa nak vai ah na pek gui ah na khaw ung khaw aa law ba sak ä.


Ngami cu Bawipa ah k’taigü u ne akshe ami bi nak ungka naw ng’hlat tei law hman khai gui, ciah kyasei ci ung Bawipa naw a chang gui cu kyih vai kyak ciah amlungshe nak la a nget nak awn om püi gui ci.”


Khanpughi naw am lung m’thawng ei hman khai, am lungshe nak m’düm ei hman khai, cun ung mikmi kä mi sik khai!” cik ci gui.


Swiv nou:

Piblisite


Piblisite